勝利牛丸 元朗

勝利牛丸 評價 相片

自從佢加到超過三十蚊之後就好耐冇食過勝利牛丸最近喺早餐時候咁啱行過一日食咗牛丸河加色另一日食咗筋丸米雖然係四十蚊一碗但其實而家食個正常少少嘅早餐都要呢個亦都係我其中一個行入去食嘅原因牛丸依舊好味牛筋依舊勁冧腩汁反而冇以前咁重味精，食完都唔覺頸渴記得細個時我好少食牛腩因為覺得比較碎同埋對比牛丸同牛筋，牛腩好似較遜色!但事隔多年，而家質素係點我就真係唔知另外河粉相對冇以前咁滑但都可以接受嘅！飲品 menu 比較貴食完去隔離惠康買嘢飲仲好

又係一間元朗人唔會唔識既食店,得勝利牛丸,最出名既當然係牛丸,而事實上牛丸又真係爽口彈牙,難怪多年屹立不倒,但而家食返就覺得份量太少,而且愈黎愈貴,近年都比較少去幫襯了

完全唔知點解今次帶咗老公嚟先發現上次個食評係寫錯咗隔離舖頭真心低能🥲所以為咗平反再寫多次，但係好可惜今次我明明嗌牛筋牛腩米，佢變咗牛丸牛筋米😐不過上次食嗰碗浄牛筋牛腩係真係好好味嘅今次呢碗有米粉嘅牛筋同埋湯底都係冇變過不過我對佢嘅牛丸就麻麻哋啦可能唔係我想像中嗰啲入邊有一粒粒texture 嘅牛丸不過佢粒牛丸係OK爽口嘅可能我本身唔係話太鍾意食牛丸又唔係我嗌，係佢送錯嚟所以先入為主對粒牛丸扣分了不過上次食嘅牛腩同埋牛筋係冇得頂

I can only say just a very normal beef ball noodle shop. It said the beef ball are all handmade but honestly no matter taste or texture are just ok.....or I should say just a normal beef ball. So disappointed that I come all the way with hubby to Yuen Long and try this shop! I wear 振興beef ball are way much better than this! We also have beef brisket (牛腩）and again that is just ok. Nothing special and nothing impressive and why it can be one of Michelin recommended restaurant?!

元朗老字號 道聽途說勝利牛丸新鮮多汁又爽口彈牙。

特意前嚟一試。

之前未食過勝利牛丸，有啲期望，畢竟係一間老字號，出品應該有保證。

一坐低就見餐台上冇餐牌，左望右望先見到餐牌都貼咗響牆上，食物款式選擇唔多，主要提供牛丸、牛腩和牛筋3款食物為主，無論係單併、雙併抑或三併粉麵，一律都係$40，貪心啲叫咗個三併河粉，一次過可以試曬牛丸、牛腩、牛筋嘅味道。

牛丸、牛腩、牛筋河粉碗粉一上台，嘩裝到好滿，但碗粉份量唔算多，河粉上面放咗小小冬菜，湯底顏色偏黑有啲似開稀嘅豉油，湯底淡。

首先試個牛丸，牛丸唔係咁爽口彈牙而且冇咩牛肉味，普通貨仔。

至於牛根、牛腩就炆到入曬味，但牛腩就炆得好老似柴皮，而牛筋就炆得冧但就冇咩口感。

整體嚟講成碗河粉味道一般，驚喜欠奉都幾失望。

畀錢時收銀姐姐有禮貌，借得一讚。

勝利牛丸餐單提供粵菜, 廣東, 粉麵, 米線等推介美食位於元朗區，餐廳座位數70人均消費約$50以下，結賬可以用現金，Booking訂位可以電話致電 24759969 查詢。

您對於元朗餐廳「勝利牛丸」有何 comment？

勝利牛丸餐廳詳細資料：

• 勝利牛丸地址:
  元朗康景街1號裕景坊20號祥發大廈地下
  Victory Beef Ball, G/ F,1 Hong King Street, Yuen Long
• 勝利牛丸電話: 24759969
• 勝利牛丸價錢: $50以下
• 分類: 粵菜, 廣東, 粉麵, 米線
• 座位: 70
• 付款: 現金
• FB專頁: 勝利牛丸 Facebook

更多勝利牛丸相關資料:

• 勝利牛丸分店
• Youtube
• Facebook
• Twitter
• Google