AQ牛扒屋 元朗

AQ牛扒屋 評價 相片

這間牛扒屋是小女第一次嘗試，不是朋友介紹，也不知道原來有此好店！不用等位啦一進去，老闆娘就好熱情地招待我和我朋友。

點了個(忘記了菜名，大概是這樣吧)焗芝士龍蝦黑椒汁肉眼扒配薯菜~6成熟~白湯~凍檸茶，朋友則點了黑椒汁肉眼扒配薯菜~7成熟~羅宋湯~凍檸茶。

下單不久便來了湯品，好好味上主菜時間大概二十分鐘，因為跟朋友邊聊天邊在等，感覺沒有很久就上菜了~~ 一上主菜，完全是全部新鮮即製的感覺！熱辣辣，霧煙的牛扒好吸引切開肉眼，一陣牛肉香及黑椒香味撲鼻而來，我顧不了儀態大口地把牛肉送進口裡面，香味完全在口內擴散，未咬完第一啖已經在切下一啖的牛扒實在好好味然後試一下芝士焗龍蝦，龍蝦肉好爽口，芝士不會蓋了龍蝦的味道，不會太咸，味道剛剛好！太捧了，不過真係好大碟，我是一個大食嘅女仔全部都食完都真係好飽飽呢我朋友只是叫黑椒汁肉眼扒薯菜，(正常女仔食量)都吃不完，可見是十分足料的！兩個人埋單都只是$250，呢個傾錢係有一個餐是有龍蝦食的~(158+88+4)嘩本人覺得真係好食+抵過安娜同埋坐得舒服好多，服務態度都十分好喔！良心小店，可以再encore

想不到相隔數個月再來，感覺差了那麽多。

這天看到旁邊的元朗茶記倒閉了，看到此店門外有二人座，便再來吃。

眼看餐牌，幾乎每天都有海南雞飯，便點了來嚐嚐，免得次次都吃牛扒那麽悶。

豈料，端來的竟如街市雞飯倒上碟子一般。

先是賣相，雞又大大件、又沒有去骨，還要是骨頭大大舊，還黏著點血的，莫說是海南雞，說成是飯盒我也不太喜歡。

雖然雞沒甚麽雪氣，但亦不見得非常鮮美。

另外，大大件的雞，還肥膩非常，很多件都非常厚皮，底下再贈送一底肥膏，很難可以全吃掉。

還有，通常在餐廳吃雞飯，如東江飯店，最多一半雞胸/雞背，搭點雞腿/雞翼，一半好東西一半雞肋的，但此店居然給我全碟都雞背、雞胸。

事實證明，全份餐牌日日都有的餐，未必是店子的招牌美食signature dish，可能只是成本較低或較易做的菜式而已。

凍奶茶，大大杯冰，茶味仍是不濃的，與元朗舊式茶餐廳的茶根本沒得比較；甚至比米線店的奶茶更沒茶香，喝到後來更加是冰水般。

放假諗住係元朗搵間餐廳据扒，諗起千色後面開左間牛扒屋，價錢見咁抵，晚市$85有銀鱈魚＋芝士焗豬扒，$88居然有和牛，就去試下，點知就中伏簿簿既一片銀鱈魚上面塗上厚厚既類似蜜糖芥末醬同芝士，要撥開d醬先食到d魚，一食落口，勁大陣雪味，完全食唔落，可想而知食物幾新鮮....同行朋友叫左個海鮮鐵板，有魚，青口，帶子，虎蝦，魷魚，好豐富咁，佢叫得鐵板，都預左係煎嫁啦，點知一上枱，又有驚喜，原來鐵板餐係炸既！全部海鮮都係炸熟的....食完真係要飲涼茶...至於餐廳環境，作為一間西餐廳，餐廳音樂竟然不停播住強國歌....仲要係上一輩既歌....實在破壞晒氣氛

第一篇食評竟然係負評叫左一個龍蝦T骨扒套餐跟沙律同一個大蝦牛柳兩個都五成熟先講個湯個白湯麵粉味太重 直程會有團麵粉係到你俾罐頭湯都冇咁嬲！跟住沙律佢竟然係烚薯仔撈沙律醬面頭加三塊西瓜乜真係沙律嚟㗎咩！到左主菜 我真係想死大蝦牛柳個大蝦已經唔求佢大但又係烚嘅牛柳係厚呀居然同我五成變七成龍蝦T骨扒已經係大蝦餐食左一半先個T骨扒五成變三成溝埋當五成五成咩個龍蝦啲肉係"梅"嘅呢餐257下次都係去食安娜餐廳好過另外見到有人冇位員工竟然將放餐牌嘅枱清好俾圓枱人坐俾完個湯人又叫人轉枱叫人一餐安樂飯都冇得食

見新開了餐廳，價錢經濟，便進內一試。

選了牛扒薯條，配忌廉湯。

忌廉湯味道還好，但發現了死屍昆蟲，不太衛生！接受不了。

作為一間新開的餐廳，連基本衛生都管理不了！牛扒薯條，賣相強差人意，只有粟米伴碟，薯條淡而無味，完全是乾炸，我也算是薯條愛好者，什麼薯條都可吃一餐，但吃了數條後完全吃不下去。

牛扒口感嘗算可以。

雖然價錢經濟，但也不值，五十元一個餐在元朗區可有更多選擇。

AQ牛扒屋餐單提供西式, 茶餐廳, 冰室等推介美食位於元朗區，餐廳座位數未知人均消費約$50以下，結賬可以用現金。

您對於元朗餐廳「AQ牛扒屋」有何 comment？

AQ牛扒屋餐廳詳細資料：

• AQ牛扒屋地址:
  元朗西菁街10號地下6號舖
  AQ Steak House, Shop6, G/ F,10 Sai Ching Street, Yuen Long
• AQ牛扒屋電話:  
• AQ牛扒屋價錢: $50以下
• 分類: 西式, 茶餐廳, 冰室
• 座位: 未知
• 付款: 現金
• FB專頁: AQ牛扒屋 Facebook

更多AQ牛扒屋相關資料:

• AQ牛扒屋分店
• Youtube
• Facebook
• Twitter
• Google