發記粉麵 何文田

發記粉麵 評價 相片

昨晚去咗何文田放狗狗，帶住狗狗，真係無乜食店可以選擇。

唯有選擇何文田邨的冬菇亭進食。

選咗間叫發記粉麵，露天進食，狗狗又可以放在旁邊，都幾好風味。

依間麵檔開業約有30年，傳統的街坊麵店，當然叫招牌的墨魚丸麵再加一杯凍奶茶啦。

墨魚丸约有4粒，口感幾爽，幾好食。

湯底入味，好有麵檔風味。

但杯凍奶茶就一般般。

奶茶味好少。

個人認為唔合格。

埋單就$38元。

價錢尚可接受。

老闆工作態度認真，對客人有善，值得一讚。

有空都會過來光顧這間人情味的傳統麵檔。

難得進入何文田愛民邨這懷舊的社區，我當然要幫襯下熟食冬菇亭，畢竟而家大集團同埋商場餐廳林立的香港，現在咁有風味同香港特色的大排檔已買少見少。

我哋揀咗呢間叫發記粉麵專家的大排檔，雖然佢叫粉麵專家，但係我哋見到其他食客點佢的牛腩好靚好正咁，我哋清一色食佢嘅咖喱牛腩同清湯腩果然冇令人失望。

我點了佢嘅咖喱牛腩飯（$43連飲品），驟眼睇有啲似大快活嘅阿活咖喱牛腩，佢的咖哩唔係嗰啲求其用咖喱粉溝開黃色嘅「假」咖哩，而係上面有一層辣油，食得出有其他香料花椒八角辣椒粉等等唔同層次味道嗰種咖哩，同亞活咖哩有啲似但係味道冇咁濃烈，係我個人鍾意嘅口味。

牛腩炆得夠腍同埋入味，額外會有啲牛筋，足料豐富😋但係薯仔就大舊相對唔係好夠入味，不過都相當送飯！正！其他嘅嘢食都唔錯有一定嘅水準，而且大份又價錢實惠，否則都唔會屹立香港咁多年，不過眼見呢啲小本經營嘅有香港特色的傳統大排檔生意越嚟越難做，俾大集團壟斷市場，眼見逐間結業真的有點不捨，所以有機會都多啲幫襯呢啲小店，一來可以感受下香港傳統特色，二來當支持下小店都不錯啊！環境：5/10服務：7/10 價錢：8/10 食物質素： 8/10整體：7/10

夜媽媽在何文田找個晚餐快食~ 試下去大排檔幫襯~遇上「發記 ...粉面專家」...查實去得老區大排檔, 再加上夜媽媽(910pm), 都係預左無咩正野食....叫左個四餸車仔麵餐~ $36 有四餸麵+油菜~ 真係抵食既~ 味道就梗係..... 同個價錢咁上下啦~ 似D 大學頹飯咁~ 食得你剛飽, 又唔會好好食咁呢~每樣餸都有2件, 係咁上下~ 米粉少D (不過我在不少店吃米粉都覺唔多夠咁~可能係個人食量大) 菜正常...  麵味道..... 餸唔係好食到有咩味, 應該係俾沙爹汁蓋過晒....沙爹汁都幾辣, 辣味重無咩花生同甜味~因為我唔係好食得辣, 辣到都唔係太知食左咩... 建議唔食得辣既朋友, 唔好叫沙爹汁喇~~ 唔係喊住食.... 好辛苦....查實本來對食物都無咩期望.... 後來望到.... 「粉面專家」.... 即時扣分......雖則呢D虛銜.... 但咁樣對比更大.....   

發記粉麵餐單提供港式, 車仔麵, 中式糖水, 大牌檔等推介美食位於何文田區，餐廳座位數未知人均消費約$50以下，結賬可以用現金，Booking訂位可以電話致電 27138406 查詢。

您對於何文田餐廳「發記粉麵」有何 comment？

發記粉麵餐廳詳細資料：

• 發記粉麵地址:
  何文田忠孝街60號愛民邨熟食亭地下3-4號舖
  發記粉麵, Shop3-4, G/ F, Cooked Food Stall, Oi Man Estate,60 Chung Hau Street, Ho Man Tin
• 發記粉麵電話: 27138406
• 發記粉麵價錢: $50以下
• 分類: 港式, 車仔麵, 中式糖水, 大牌檔
• 座位: 未知
• 付款: 現金
• FB專頁: 發記粉麵 Facebook

更多發記粉麵相關資料:

• 發記粉麵分店
• Youtube
• Facebook
• Twitter
• Google