新天幕酒吧 何文田

新天幕酒吧 評價 相片

早前冇左早餐，而家開返梗係來試試～價錢keep住一樣～抵質素跟以前一樣，都係咁好味好多選擇，入到餐廳，第一個感覺好特別～用酒吧形式經營，另一番風味～係一個夜晚嘈吵轉變早上寧靜既環境食野～眼見仲有最新雜誌同報紙提供～同男朋友一齊係呢度食左個靚靚早餐～～～成個人都開心晒～～～～～早餐叫左個熱飲，即磨咖啡老闆娘親自送餐過來，十分熱心同體驗唔小心整溜左杯咖啡，老闆娘都即時過來話換過杯好窩心，飲飲下，老闆娘仲話唔夠飲可以添加真係好抵呀！！

今日中午我們去咗何文田窩打老道嘅「新天幕酒吧」食中午飯！我們叫咗香烤鷄胸湯煙斗粉嘅湯底話係忌廉磨菇湯底，但味道就非常淡，煙斗粉都幾煙韌彈牙，香烤鷄胸烤得好香口，肉質好鬆軟！燒香草鷄扒拼金沙骨配鮮果嘅色澤賣相都幾吸引，鷄扒燒得好芳香，肉質好嫩滑，金沙骨嘅肉質都幾鬆化，唔會好硬實，鮮果亦都幾新鮮！全日早餐：德國腸嘅腸皮都幾脆身，煙肉煎得幾香口，牛乳炒蛋炒得都幾滑溜，炒雜菌亦幾滑身，牛角酥都幾酥脆鬆軟！餐湯：薯仔車打芝士湯嘅味道極之淡，唔係好覺有芝士味！

(中伏) 我今日落雨行過見到間天幕餐廳，行左幾十級樓梯，唔緊要，上到去，黑媽媽，冷氣開到鬼咁凍，風口仲吹住白煙，知道係一間樓上嘅酒吧，都無咩太大期望，諗住普通食餐晏最後叫左個西冷排配意粉中午餐。

餐湯無味，仲有啲唔知點形容嘅一粒粒野係入面，個感覺就好似有啲魚子咁，但係係一個西湯喎。

意粉發脹，汁係酸嘅，帶點啤酒味，啲汁仲要撈埋落啲意粉度，真係食唔落件排無特別，只係食到表面個幾粒香草有味咖啡差，飲左兩啖，淨返大半杯，頂唔順，放低錢走人如果大家夠膽而又有閒錢嘅，就上去試下啦！

單看招牌原初以為是酒吧, 所以沒有留意, 但昨天同數個朋友再路經此地, 發覺此酒吧於早上是經營餐廳, 又於天氣寒冷不想再搵地方LUNCH, 所以就膽粗粗一試一試之下, 原來又係一間隱世餐廳, 坐位舒適, 地方整潔, 服務員有禮,下單又快手, 價格OK, 食物水準一流。

於是第二日試埋早餐, 完全是好味, 由其是已很久沒有食到咁回味既沙哆牛肉所以值得一試, 分分鐘一試難忘...........哈哈最重要午餐可免費升級紅豆冰

一個地方3個驚喜掟鏢、唱K、上網 前年係度攪過生日Party，之後間中都有黎玩吓。

見星期一早左收工咪約D Friend落去Happy Hour囉。

點知…一去到門口有D唔同既感覺，再沿樓梯向上行發覺已改頭換面( 新裝修)，同之前好唔同，因多左個卡拉OK台，再新添左2部韓國飛鏢機，連埋舊式飛鏢機，總共有4部飛鏢機，鍾意掟鏢既我，當然加左唔少分啦‧ 裝修後，最唔同既係比到我有分區既感覺，即係有唱歌區 + 飛鏢區 +上網，仲有間VIP貴賓房亦換左部42”既電視機，音響當然係好過之前好多倍啦，而大廳既喇叭由3隻加到7隻，企上個台度係咪好似開緊Concert咁呢！正…。

順帶一提仲有一張4 – 6人獨立高枱，而長長Bar枱最啱掟鏢人士坐…我出年生日都唔駛再諗地方Lu… 因為我係最早到，而幾位老闆又好人到爆比我係咁影相，成個小記者咁，介紹埋其他我知既野啦…啤酒Happy Hour 6支/$128，Normal Hour 6支/$168，人頭Nuts $10位( 老闆話如果有20人只收10位咋…低到爆)仲之就有得傾啦！！！小食都有(但唔記得左有咩)下次我一定要試，仲可以叫外賣添...講住咁多先下次再講...

新天幕酒吧餐單提供西式, 酒吧, 卡拉OK等推介美食位於何文田區，餐廳座位數50人均消費約$51-100，結賬可以用現金。

您對於何文田餐廳「新天幕酒吧」有何 comment？

新天幕酒吧餐廳詳細資料：

• 新天幕酒吧地址:
  何文田窩打老道67C號1樓
  Sky Light Karaoke Pub, 1/ F,67 C Waterloo Road, Ho Man Tin
• 新天幕酒吧電話:  
• 新天幕酒吧價錢: $51-100
• 分類: 西式, 酒吧, 卡拉OK
• 座位: 50
• 付款: 現金
• FB專頁: 新天幕酒吧 Facebook

更多新天幕酒吧相關資料:

• 新天幕酒吧分店
• Youtube
• Facebook
• Twitter
• Google