鮮果心心 佐敦

鮮果心心 評價 相片

噚日同肥b諗住去牛奶公司食tea, 但係見到鬼咁多人, 就諗住係嗰頭行吓先再返轉頭食,行過隔離街, 見到有間菓汁鋪, 諗住去買杯菓汁飲解吓渴先, 除咗菓汁外, 見佢哋有是日精選, 當日嘅是日精選有椰皇汁同仲夏夜之夢$13. 我同肥B每人一杯, 我飲仲夏夜之夢, 係益力多+火龍果+士多啤利, 幾得意, 酸酸咪咪幾好飲, 肥B飲椰皇汁, 佢話好飲過XX大王, 唔會飲到一口椰絲, 又唔會死甜, 最緊要夠凍, 每杯都係$10咋, 飲到一半, 見到雪櫃貼咗張紙, 寫住"鮮果QQ杯", 問老闆係乜, 老闆話最低係苟葯麵, 之後有D爆爆珠, QQ菓, 滿天星(即係有菓汁味苟葯, 而爆爆珠即係有益力多味果汁爆出嚟喎), 最上有唔同新鮮生果再加芒果汁同士多啤莉香蕉汁撈嚟食, 老闆話低脂, 飽肚又健康, 好多OL買嚟當LUNCH食, 我同肥B叫咗一杯兩份, 食落又幾得意, 又真係幾飽肚, 所以決定下次先去食牛奶公司, 同佢哋仲有買大記糕, 我哋又叫咗芝麻糕, 椰汁糕, 紅豆糕, 南瓜鮮奶糕同桂花糕做今晚飯後甜品, 奶奶食過話佢哋D糕足料, 好食, 叫我下次再買比佢食, 同老闆幾好傾, 佢話會不定期出D新嘢買, D生菓都幾新鮮, 等下次行開再睇下佢地有D乜嘢新嘢食先!

其實呢間都差唔多日日飲好值得一讚呢間果汁店日日都有新野飲仲整得唔錯..當我試過覺得有d可以改善既地方老闆同店員都會即刻改良.service好好同埋好有熱誠整好d野飲就講今日我就試左個mango豆腐花mango味好重..feel唔到有加工過仲咬到mango..個texture好正豆腐花唔會好sweet..夾左個mango汁一流好期待佢地下一個傑作

我係佐敦附近返工家下天氣咁熱, 又咁岩見到一間果汁店, 咪買杯果汁飲下~點知一飲, 就日日幫襯啦正如上面位朋友如實報導, 的確好有良心, 因為的確果汁好濃同好新鮮^^ 睇住佢即切即整, 仲好快手整好, 夠曬時間行返工我最仲鐘飲這間店既芒果益力多, 仲夏夜之夢(火龍果,奇異果...), 五青汁另外要讚下D糕, 的確好好食, 尤其是椰汁糕, 好香椰汁味, 好好食呀芝麻糕都好好食, 超香芝麻味, 又唔太甜, 剛剛適中, 正~仲有好多糕, 貴花糕, 紅棗糕, 馬蹄糕........有時放工會去這度買D糕返去做飯後甜品, 因為的確好好食^^

今日經過佐敦...見到一間賣鮮榨果汁0既舖頭...有d口渴... 所以就買咗杯嚟飲~~呢間係我飲過咁多間果汁中覺得最有良心0既一間~呢間d果汁好濃...好新鮮~唔似得其他嗰d無良店主咁係將d果汁溝糖水~仲有, 呢間d糕點亦都值得一讚~ 因為d糕點唔會太甜~ (因為本人好怕食好甜0既嘢)今日試咗芝麻糕, 椰汁糕同埋雪耳紅棗糕~芝麻糕好香芝麻味~ 勁好味~~ (可能本人好鍾意食芝麻味0既嘢)椰汁糕都好好食~~ 好香椰汁味~雪耳紅棗糕口感幾好~ d雪耳爽爽地~ 所以食起上嚟口感幾特別~值得一試~~而且價錢一d都唔貴~絕對抵食夾大件~

鮮果心心餐單提供港式, 台式飲品等推介美食位於佐敦區，餐廳座位數未知人均消費約$50以下，結賬可以用現金。

您對於佐敦餐廳「鮮果心心」有何 comment？

鮮果心心餐廳詳細資料：

• 鮮果心心地址:
  佐敦吳松街131-137號嘉和大厦地下B1舖
  鮮果心心, S H O P B1, G/ F., K A W I I B L D G,131-137 W O O S U N G S T, Jordan
• 鮮果心心電話:  
• 鮮果心心價錢: $50以下
• 分類: 港式, 台式飲品
• 座位: 未知
• 付款: 現金
• FB專頁: 鮮果心心 Facebook

更多鮮果心心相關資料:

• 鮮果心心分店
• Youtube
• Facebook
• Twitter
• Google