雲吞王麵食 佐敦

雲吞王麵食 評價 相片

猶豫了很久，叫了牛筋雲吞麵!牛筋數量較多，但不夠爽。

零吞只有3隻，味道ok。

後來發現雙併麵要$21，單併只是$10，那我是否做了不精明消費者呢??吃完麵還不夠飽，再叫了生菜填填肚子

一個月前 9:00pm 走入去呢到食碗"雲吞麵", 驚訝地... 幼身既龍絲細麵, 仲要麵身半透明~ 呢個情況得兩個可能. 1 呢間鋪無生意, d麵送左黎, 擺到晚頭黑9點仲未郁過, 令到d 鹼水有足夠時間同麵條完成發酵; 2 師傅煮左碗"生"既麵, 未熟送過黎比我? .......... 呢次埋單 $13+11+5(雲吞麵+牛根丸+油菜) 半透明既... 龍絲... 細麵... 呢一個月係荃灣, 盡可能都揀鹼水麵食, 對比下真係無呢間"雲吞王"既麵咁幼播~ 今日, 帶朋友中午再到呢間鋪~ order 左墨丸麵, 牛根麵~ 朋友叫既牛根就林滑, 我個人鐘意既牛根, 要有"趙"口, 唔好太林, 又唔好硬播... 所以, 好個人化~ 不過, 我碗墨魚丸麵, 70分啦, 至小無欺場先, 白雪雪既丸內, 有一兩粒野比你咬到, 又無雪氣, 算70分.黎多碟菜.... 好平凡既菜心, 得幾條菜..... 入口就知有d 唔同, 就係"熟油", 同上次一樣, 熟油淋菜就緊係間間一樣, 但係, 熟得黎無"o羅"味, 帶小小油香似豬油, 但又無豬油既濃厚味道.... 呢個同一個月前既味係一樣~清場之後.... 仲係欠dd野, 就係個感覺.... 半透明既, 龍絲細麵...無左既 當下再叫多個 牛根丸麵,牛根丸咬開, 肉丸心仲番有小小肉汁, 根丸就唔算彈牙, 可能即熟, 唔係熟定係到擺, 所以粒丸心仲有dd肉汁, 意外收獲~ 再叫多碟菜先, 熟油.... 唔錯~ 今次既麵, 緊緊合格, 可能開鋪幾個鐘, d麵身好新, 鹼水未有足夠時間同麵條完成發酵. 所以, 未完全發揮到, 半透明, 彈牙滑咀既口感 (間間都係咁ga la)..... 可能真係要"入夜"先至食鹼水麵會彈牙d~

呢日女朋友話想食牛腩麵,就同佢去佐敦附近睇下有冇得食啦搵下搵下,見到雲吞王,就去試下啦(其實我地都我肚餓,所以抱住一個唔理好醜,但球就手嘅心態)..去到,個環境一般,冇咩特別....好喇,咁我地就叫野食啦!!我叫左個牛腩雲吞河,我女朋友就叫左個牛腩墨丸河..d野一黎....我地心諗,'嘩,咁少(呢個主要係我諗)',,算啦,,少有少食姐,,,但係,一整起d河粉,,!!!!!又細又短,,,,如果係男人就真係冇鬼用...............食下食下,,我女朋友突然發現,我個碗麵到有毛髮嘅物體!!!!!重要唔只一條!!要讚嘅係我女朋友眼利,要罵嘅就係,,大佬,洗唔洗咁多毛呀..................(呢d毛,俾我地兩個戲稱為捲捲毛XD)不過,碗麵d味道都唔太衰ge....但係,我覺得深水埗果d鋪好食d囉,,又平d tim......................

經濟不景,又要食平野,呢間十蚊麵已經加到十四蚊經過這裡門口時見到價錢平平地, 所以入去試下啦侍應醒目,一入去就有人招呼雲吞麵特價十二蚊.叫左雲吞麵麵爽口,湯味道帶鹹,感覺是味精魚湯(預左)啲雲吞真係一啲都唔吸引,一碗得三粒蝦算係好爽口,可以接受另外叫了一碟菜, 食芥蘭$5抵.幾靚幾爽口坐得真係唔舒服,不過下次都會再黎

再一次黎到呢間食店, 皆因師傅貪平, 十蚊鬆少少就有碗麵, 可以啦, 於是就入左黎食, 而今次一坐底師傅就柯打左牛筋麵!等左一陣一碗熱辣辣嘅牛筋麵就有得食; 先試下個湯底, 湯底清清甜甜, 冇味精; 而牛筋份量極少, 牛筋都算腍但未算好味, 皆因冇左牛筋應有嘅黏, 所以口感一般; 至於麵身算爽口, 不過有鹼水味, 所以都係一般! 總括黎講牛筋質素一般, 環境一般, 地方清潔乾淨, 價錢便宜, 不過十三蚊碗牛筋麵比十一蚊碗嘅牛筋丸麵還要差, 下次都係慳兩雞仲抵食! 師傅都仲會再黎, 不過笑臉比唔到喇!

雲吞王麵食餐單提供港式, 粉麵, 米線, 雲吞, 餃子等推介美食位於佐敦區，餐廳座位數未知人均消費約$50以下，結賬可以用現金。

您對於佐敦餐廳「雲吞王麵食」有何 comment？

雲吞王麵食餐廳詳細資料：

• 雲吞王麵食地址:
  佐敦佐敦道41號
  雲吞王麵食,  
• 雲吞王麵食電話:  
• 雲吞王麵食價錢: $50以下
• 分類: 港式, 粉麵, 米線, 雲吞, 餃子
• 座位: 未知
• 付款: 現金
• FB專頁: 雲吞王麵食 Facebook

更多雲吞王麵食相關資料:

• 雲吞王麵食分店
• Youtube
• Facebook
• Twitter
• Google