鍋心粥底火鍋 佐敦

鍋心粥底火鍋 評價 相片

自從3,4年前食過之後，呢幾年都冇去食過.....點知最後斗鋪都搬埋......真係到訂位個陣先知.....幾年前佢係抵食既，但個陣我記得未到真係好好食~但隔左幾年，今次再食又有唔同的感覺!準時到左門口見到好多人.....真係好多人..不過佢都好快,大慨10分鐘就已經放曬大家入去坐低~ 坐低當然要揀食咩喇....當日揀左龍蝦同蟹都有的餐.....兩樣野一上台見到都好新鮮!!!!!!開始緊係食左呢兩樣野先喇~ 鮮甜,肉彈牙,有糕!推!再黎就當然係其他海鮮喇!幾年之前黎食...都覺得佢的海鮮好新鮮...今次再黎..真係再打破之前的記憶..因為成晚所有海鮮都係非常好食，完全冇一樣野伏......一入黎個陣有朋友話得咁小野會唔會食唔飽....但食食下...大家都開始話點解仲有咁多野....到最後...真係食剩左好多野...裝埋有成2個外賣盒....朋友先講...原來咁多野嫁...粥就真係冇影相喇....因為真係一下就食曬~當晚唯一唔好就係...原本我地已經食曬野...諗住叫佢幫手煮粥...同左個侍應講...個侍應拿左的粥水黎.,.....嘩一聲就加水然後走左去...我個下都覺得奇..點解係加粥水唔係加粥....等左好耐都冇人黎...先再搵第二個伙記....講一次...佢一句就話....你地做咩咁多水既....(態度係非常好的)我地先由頭講一次....佢先知道發生咩事...最後整走好多水先再煮...但味道就淡左好多了.......不過咁.....以佢的價錢...真係抵食既....無可否認....

其實我麻麻地鍾意食粥底火鍋架咋， 但家姐話呢間好好味，又抵食， 唔試唔得咁話。

吹到咁大， 咁就緊係要拉大隊嚟啦。

我地訂左第二場， 所以都等左一陣，等清場。

坐底店員就會開始報置桌面、鍋底、放低調味架等。

流程十分順暢。

點菜亦非常簡單， 海鮮六選一， 其他配料選八款。

我地因為第一次嚟， 所以當我地點好菜， 隔離左右都已經開始上菜了😅。

打邊爐當然要配啤酒啦，仲要係我至愛嘅青島添！好快我地都開始有得食喇。

每張桌面上有放了計時器同每款海鮮所需烹煮時間， 好方便。

我地先吃蛤蜊、大蜆、鮑魚、多寶魚等， 跟住煮蟹。

大蝦勁新鮮， 上桌時仲不停跳緊，我地要用碟蓋住以防生蝦亂跳😂。

吃過海鮮， 我地開始滾其他配料， 魚皮餃好好味， 響鈴就麻麻地， 下次唔會叫， 雞丸係手打，裡面溝左雞骨所以幾有咬口。

豬肉片同豬肚都好好味。

最後店員會加入南瓜、芋頭粒同米飯煮粥， 吸飽各類海鮮精華嘅粥勁鮮甜， 勁好味。

咁多野食，呢個價位真係物超所值！

呢間嘢好多年前食過，但係就唔喺佐敦食老婆搵咗呢間，佐敦五點九食到八點半我覺得打邊爐早啲食早啲完都好可以有時間消化下先瞓我就未嚟過呢間，咁坐低都非常系統性揀海鮮，揀其他配料，而且必須要提嘅就係佢位置都幾大幾舒服多寶魚非常細條但係非常新鮮看魚嘅眼睛就知道，彷彿未死一樣兩隻黃金貝亦都非常新鮮肉蟹覺得佢有啲水蟹嘅感覺肉唔係滿滿頂住個殼，有一啲啲扣分沙白就好食嘅，不過就唔係好大粒活蝦四隻，每人兩隻，係真係未死嗰活蝦但係呢啲係街市買大約70蚊斤嘅基圍蝦唔算頂級貨亦都叫咗鮑魚同鮮魷，鮑魚算大隻呢啲係街市買應該都去110蚊斤配料方面呢個雞滑好好食，裏面有啲馬蹄爽爽口咁我認為係必點嘅另外牛脷都幾好食肥牛正正常常冇乜特別另外嗰啲什麼勝瓜萵筍牛丸我就唔多講喇正正常常啦而佢個系統就係，一開始係畀米水嘅食完海鮮之後佢就會畀芋頭同埋南瓜粒你加落去唔係畀你食，最主要係你煮到最後爛曬跟住呢就會有個職員用個筲箕同你壓溶曬佢再加啲米漿落去，張呢個湯底做成粥再加埋豬油渣粒，菜脯同埋芫茜成為咗你眼前呢一碗粥佢嘅黃色唔係黎自於蛋黃係黎自南瓜個粥係超級超級超級好食因為叫多咗一支蒸餾水所以410蚊否則只係400蚊講真食材係啱啱好夠食唔會係可以食到過曬癮嗰種但係講真四百蚊又唔使做，唔使洗坐低食完拍拍籮柚就走我覺得係好抵食

鍋心出咗名抵食夾大件，粥底海鮮火鍋每次食完親戚朋友都讚過不停👍🏻因為夠晒平！靚！正！平！每人$200就食到五六款海鮮加自選配料同海鮮粥，呢個價邊度搵靚！雖然只係$200大海鮮一啲都唔揸流攤，每人都會有半隻肉蟹，一隻鮑魚，四五隻蝦，大約10隻蜆，半條多寶魚...正！全部海鮮都10分新鮮，就算我外賣打包返屋企啲蝦仍然跳跳紮，鮑魚郁下郁下自選配料冇記錯應該係八款，我揀咗午餐肉，萵筍，魚腐，肥牛，梅頭肉（必吃），雞骨丸（必吃），鮮淮山...而且會配埋粥水俾你先打邊爐，打完邊路所有海鮮嘅精華都係粥水嗰度，呢個時候加埋南瓜粒同埋芋頭粒，成個粥升華晒，不但有海鮮嘅鮮甜味，又有南瓜嘅香甜，記得留肚食粥！！！食完超飽，減肥晤好試，因為好味到停唔到口

為慶祝我識睇Google map ，我決定今晚將減肥放埋一邊，食餐飽佢😋😋。

多謝肥仔比左個機會我有用得著Google map既時候😏😏 等我行餐懵，消耗腦力同腳骨力。

你真係用心良苦今晚係肥仔帶我食餐好既☺️☺️好開心呀💫💫因爲我皮膚敏感既關係，我已經無食海鮮2年幾，最近先停左葯，醫生話可以慢慢試下食海鮮，yeah!!! 我終於解禁，但如果真係痕既話，唔洗食藥啫，但若然痕的話都有葯膏可以包底。

😙😙太耐無食海鮮既我舉手🙋🏼‍♀️🙋🏼‍♀️承認🙆🏼‍♀️🙆🏼‍♀️我係有點滾動🥺🥺個火鍋既玩法係粥底。

我地叫左個蟹set，裏面仲可以自選五款海鮮，我比肥仔全權發板😋😋 我就懶到唔想諗野😂😂等食算數🤣🤣佢揀咗魷魚，蝦，鮑魚，帶子同埋蠔。

海鮮新鮮質素唔錯架😙😙好味👏🏻👏🏻除左海鮮我地仲叫左D邊爐配料，其中芝士豆腐，韭菜餃，牛丸都幾好味。

同埋會有張紙講解海鮮要煮幾耐同埋有個計時器做一個溫馨提示。

我覺得係貼心既💫💫食到8899，店員拎左啲南瓜芋頭芫荽蔥叫我地放哂d粥既配料落去個粥底備用。

準備稍後時間壓軸登場👏🏻👏🏻 佢地最後會過黎幫你煮埋個粥，其實個粥唔會唔好食。

佢完全索晒啲海鮮嘅鮮味同精華！我覺得發明粥底火鍋嘅人好聰明，由頭鮮到落尾，做到首尾呼應嘅效果！你當我是浮誇吧！😌😌又或者我係第一次食粥底火鍋係大鄉里左少少。

個人感受係：好滿足！碗粥我食左半碗淺嘗算😂唔係唔好食，而係感到好痕，我唯有點到即止作結。

將剩如嘅全部pass 比肥仔。

🥳🥳我希望自己可以逐步征服海鮮。

❣️❣️咁肥仔你就唔使再就住我出街食飯既選擇。

🌈🌈我期待有一日可以同你食到手臂咁粗咁長嘅大頭蝦，大過手板嘅生蠔，跳跳紮生猛到飛起嘅龍蝦，啖啖肉嘅肉蟹等等☺️☺️不知不覺由差不多7pm左右食到10pm幾，真係快樂不知時日過😂😂 臨到賣單，嘩！打咗個突，兩個人$500有找。

我覺得咁嘅價錢食到質素好嘅海鮮，餐廳d卡位又闊落。

d店員服務都ok啦 ~ 仲想點？！😎😎

鍋心粥底火鍋餐單提供粵菜, 廣東, 火鍋等推介美食位於佐敦區，餐廳座位數未知人均消費約$101-200，結賬可以用Visa,Master,現金，Booking訂位可以電話致電 28862012 查詢。

您對於佐敦餐廳「鍋心粥底火鍋」有何 comment？

鍋心粥底火鍋餐廳詳細資料：

• 鍋心粥底火鍋地址:
  佐敦德成街1-5號康源閣地下A-B舖
  鍋心粥底火鍋, Shop A& B, G/ F, Hong Yuen Court,1-5 Tak Shing Street, Jordan
• 鍋心粥底火鍋電話: 28862012
• 鍋心粥底火鍋價錢: $101-200
• 分類: 粵菜, 廣東, 火鍋
• 座位: 未知
• 付款: Visa,Master,現金
• FB專頁: 鍋心粥底火鍋 Facebook

更多鍋心粥底火鍋相關資料:

• 鍋心粥底火鍋分店
• Youtube
• Facebook
• Twitter
• Google