金發餐廳 佐敦

金發餐廳 評價 相片

以為佐敦大街唔會有伏，但早餐質素伏到我要寫第一篇食評。

四眼肥仔侍應好有禮貌，醒目貼心。

但佢嘅早餐係我食過咁多間餐廳之中最差一間。

首先，凍檸茶D茶好酸，仲飲到好大陣水喉水味，我飲左少少就冇再飲。

個公仔麵有陣紙皮味，食得出係好低質個啲麵，炒蛋唔似炒蛋，唔知佢點整出來。

雖然份早餐係比啲冰室平，但大佬你都唔好咁伏。

侍應禮貌再好都挽回唔到。

大家去到餐廳，可以留意，有位四眼哥，留意下他對客態度。

找錢時佢會叫你："伸隻手出嚟"；叫佢抹下張枱，佢回應："睇唔睇到我入緊單？" 唔靜止對我，對枱枱客都係咁，大家點睇？我一向耐耐有食呢間，但面對呢位新掌櫃，真係覺得無必要食餐飯要受氣，我就可一不可再了。

食茶記，正正常常，好難想像會有d伙記，會出現咁嘅態度，全佐敦得一間食店嗎？

係我食過最難食嘅茶記！係得茶記食我都吾會期望有乜好態度～吾講服務，講食物雞亦撈公，雞亦酸嘅，2隻食剩1隻，食吾落散叫 西多士，入面冇花生醬都算，外觀完全影響食慾，更何況係吾好食炸魚薯條，梨到無醬無茄汁，要問先有忙都情有可原，問題係吾忙，舊魚咸到我食左一啖已經放棄 …無下次，可能係我吾好彩 🙂

<佐敦黃店茶記>呢間茶餐廳格局 裏面全部 staff都有番甘上下年紀 雖然網上話佢係黃店 有支持理大 . 但我都唔太 sure . , 但甘啱經過食個麵都冇壞既 係唔係黃自己衡量 😂 整體普通茶記質素 經過食個 tea都 ok既🍴雲吞麵 33 蚊🍜雲吞自己包 雲吞皮幾香滑 蝦肉 都幾彈牙 個麵感覺淋左 d 可能只係我食得唔夠快😂 . 湯底都有少少魚香 🐟 落 d辣油食都 ok . 仲有兩條菜食 算係甘🍴炒貴刁 47 蚊宵夜餐 炒貴刁 個人覺得可炒得乾身 d . 🔥 河粉既份量真係冇得輸 夠哂大碟👍🏻蝦仁🦐 叉燒 火腿🐷紅綠椒都炒得夠香 辣度適中 我就鍾意再落辣油更惹味 . 除左冇甘乾身 其實都十分唔錯👍🏻Score 平均分 <7/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~金發餐廳 佐敦佐敦道37e至37k號統一大廈 a座地下=====================

咁啱係佐敦揾個地方食個快下午茶，係app睇附近有冇黃店，見到呢間金發餐廳就係正我隔離。

入到去有量體溫，冇乜人所以大家坐到好開，咁我就梗係搵個卡位坐啦。

嗌咗個五香肉丁撈公仔麵同杯咖啡，價錢我唔記得咗，又冇影低，不過都係正常下午茶三四十蚊個啲價位。

五香肉丁撈麵正常水準，冇咩可以講，劣食嘅我嚟講仍然係覺得唔錯。

😂我不嬲鍾意飲茶記嘅咖啡，唔知係咪太耐冇飲，呢杯咖啡多奶我覺得幾正。

只係食咗個下午茶，冇咩野講，整體嚟覺OK。

金發餐廳餐單提供粵菜, 廣東, 港式, 麵包店, 茶餐廳, 冰室, 咪嘥嘢食店等推介美食位於佐敦區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 27719898 查詢。

您對於佐敦餐廳「金發餐廳」有何 comment？

金發餐廳餐廳詳細資料：

• 金發餐廳地址:
  佐敦佐敦道37E-37K號統一大廈A座地下
  金發餐廳, G/ F, Block A, United Mansion,37 E-37 K Jordan Road, Jordan
• 金發餐廳電話: 27719898
• 金發餐廳價錢: $50以下
• 分類: 粵菜, 廣東, 港式, 麵包店, 茶餐廳, 冰室, 咪嘥嘢食店
• 座位: 未知
• 付款: AlipayHK,支付寶,現金
• FB專頁: 金發餐廳 Facebook

更多金發餐廳相關資料:

• 金發餐廳分店
• Youtube
• Facebook
• Twitter
• Google