重慶燒燒烤旗艦店 佐敦

重慶燒燒烤旗艦店 評價 相片

朋友話想食串燒，於是揀左呢間。

因為原來舖頭招牌名唔一樣，搵路個時有啲小迷茫。

後尾有位大哥響出面執野，見到我地十下十下，後來叫我地係咪訂左位。

咁先相認到首先職員比我感覺都幾真誠，後勤力收碟。

但不忘走單。

味道方便，呢啲串燒都係燒完面頭撒啲粉。

我地剛點完菜，聽到有個客人投訴串燒好咸，可能因為個個客人，我地啲串燒咸度適中。

其實整體上，最好味都係鵝肝法包，仲要勁大舊鵝肝 而酸辣粉味道較輕，酸辣零，辣油少雞煲不過不失，調味再重一點串燒不過不失兩個人埋單咁就802蚊

好耐冇食呢間，都係冇訂位即興食，每次水準都唔差，最鐘意雞軟骨同魷魚蘇今次試新野，芝士牛丸、豬肉片萵笋仲有燒湯丸，其實都唔記得啲名喇牛丸上枱以為得上面嗰少少芝士，咬開嗰下有驚喜，啲芝士流住出黎，味道同質地我都鐘意但另外兩樣就一般般，豬肉片萵笋同期望有落差，賣相同味覺都唔討喜下次唔叫...唔計呢2樣整體都ok，四個人埋單一千左右，飽哂

之前婆婆同舅父黎左依間食，話好食過之前果間；跟住就一直講話要帶我同仔仔一齊去食多次。

一直講，講左幾個月，大家終於夾到時間一齊去食啦。

講真，我同仔仔都有D失望，因舅父同婆婆講到好好味架嘛，但我同仔都覺得上次果間好食D。

而且呢，上次果間既飲品都好好飲，今次依間多數都係支裝飲品，見佢有乜果粒果汁就試下啦。

嘩，難飲到爆。

就係依杯野啦，難飲，重要幾十蚊，真係唔怪得枱枱都係飲支裝飲品啦。

真係伏到嘔，咁難飲，就唔好寫出Menu啦。

講真，野好味，都要有杯好野飲先得架，因為依杯野，我真係覺得冇下次；我去番斜對面果間好過。

羊架，係幾好味，又唔SO；隔離果隻唔記得係乜魚乾，我覺得冇乜特別，但我哥好似幾鍾意，食完再點多左碟；可能配酒係好味D。

牛脷都幾好味；但係牛肉粒果就好一般啦，係唔會想再食架啦。

依個大多蒜容，食完其實唔知食左乜海鮮；根本就係食緊蒜容龍蝦，依個都幾好味；值得叫。

重有其他食物，冇影相的，都係麻麻地好味。

不過依間就抵食過斜對面果間囉；我地4個人食，先係1118，幾好意頭丫。

上次係斜對面果間食左差唔多2千呢。

不過上次果間，淨係叫幾杯飲品都2,3百囉；不過上次果間既飲品係值咁既價既。

門面，講真，依間外在都唔係好吸引，唔係婆婆同舅父極力推介都唔會入去囉。

結果，唔...係有D幾好味既，但有D都好唔掂；而且飲品完全冇睇頭，勝在係平囉。

7個大人1位小朋友唔一定要打邊爐, 串燒係一個好好既選擇.就係有返咁上下人數可以叫超多款式既串燒同前菜. 有牛肉, 牛舌, 羊肉, 蒜蓉烤生蠔, 雞泡魚干, 燒白鱔, 燒多春魚, 燒煙肉荔枝, 燒香蕉, 菠蘿, 銀杏, 田雞腿, 雞軟骨, 茄子, 日本番薯仔, 金茹, 韭菜, 西蘭花, 年糕, 饅頭....等等仲有叫左幾個前菜: 麻辣豬耳仔, 兩款涼伴皮蛋, 有晶瑩剔透金黃色嘅皮蛋和一般食開既黑皮蛋…等等樣樣食物都真係有返咁上下水準, 全部即叫即燒, 上台時仲熱辣辣, 出煙既, 一定好食啦, 有串燒點少得啤酒和飲品呀, 飲品有幾款自家清熱特飲, 大大杯潤喉又下火.啤酒都有好多款枝裝選擇, 生啤都有幾款, 有我愛既 Hoegaarden Rose,啤酒配串燒絕配, 成班朋友開心食講不停笑不停. 除左串燒, 前菜, 仲有烤魚同雞煲, 可惜我地實左太滿足啦, 留返下次再來啦!!

以前一想食燒烤就會去呢間重慶燒但係都隔咗幾個月冇食過 返黎再食係上星期四嘅事夜晚八點半都唔係好多人等位反而係九點打後先多人呢度嘅冬菇韭菜粟米同埋豬頸肉串燒都好好食我哋叫左小辣都唔算好辣依家仲多咗好多海鮮可以食整體來講都算係幾好食嘅

重慶燒燒烤旗艦店餐單提供川菜, 四川, 串燒等推介美食位於佐敦區，餐廳座位數未知人均消費約$101-200，結賬可以用現金。

您對於佐敦餐廳「重慶燒燒烤旗艦店」有何 comment？

重慶燒燒烤旗艦店餐廳詳細資料：

• 重慶燒燒烤旗艦店地址:
  佐敦渡船角文英街22及24號地下
  Chung King BBQ Restaurant, G/ F,22&24 Man Ying Street, Jordan
• 重慶燒燒烤旗艦店電話:  
• 重慶燒燒烤旗艦店價錢: $101-200
• 分類: 川菜, 四川, 串燒
• 座位: 未知
• 付款: 現金
• FB專頁: 重慶燒燒烤旗艦店 Facebook

更多重慶燒燒烤旗艦店相關資料:

• 重慶燒燒烤旗艦店分店
• Youtube
• Facebook
• Twitter
• Google