荔苑樂園餐廳 佐敦
地址: 佐敦德興街7A-7B號地下
最後更新:
荔苑樂園餐廳推介
以荔園為主題的本土懷舊餐廳，提供中式小菜及多國菜式。
佐敦荔苑樂園餐廳
| 餐廳分店 | 荔苑樂園餐廳 |
|---|---|
| 地區 | 佐敦 |
| 電話訂位 | 沒有電話提供 |
| 餐單 Menu | 港式, 中菜館 |
| 人氣指數 | 843 |
| 價錢幾錢 | $101-200 |
荔苑樂園餐廳訂位位於佐敦區，詳細地址是佐敦德興街7A-7B號地下，餐廳寬敞座位數目共有70個。荔苑樂園餐廳幾錢？價錢優惠後人均消費大約$101-200埋單，早餐午餐晚餐荔苑樂園餐廳餐單包括有港式, 中菜館等美食，付款方式有現金付款。
荔苑樂園餐廳優惠
荔苑樂園餐廳 評價 相片
入到餐廳令我憶起童年時跟爸爸媽媽到荔園玩既感覺, 那是70,80後既集體回憶既地方, 樂園清拆其實真係好可惜!! 今次就黎到荔苑回味一番, 我亦能夠睇得出餐廳是有花過心思去設計同佈置每一個角落, 絕不馬虎!!大門口有大象天奴同木馬擺設去歡迎我地既光臨店內有船仔卡位, 角子老虎機, 龍形車卡位, 香口膠收銀櫃枱等!! 非常夢幻呀細致餐牌, 杯, 落單紙都好有特色, 好old school feel呀~~麻辣魚腩煲+魚卜 ($108): 而食物方面都有反甘上下水準, 係我地爭扎揀魚腩煲定魚煲時, 待應就建議我地揀魚腩煲$78+$30魚卜啦!! 嘩, 甘就一次過滿足晒兩個願望了!! 魚腩同魚卜都好入味, 魚腩肉質鮮嫩, 特別係d魚卜好鬼滑, 又唔怕腥, 仲要一直有個爐仔熱住, 好warm呀!!香草瑞士雞翼 $68: 有成7隻甘多, 有d意外呀! 味道幾濃味下, 啱晒重口味既我呀!!釀火箭魷魚$98: 飯多汁唔會乾爭爭, 因我唔太喜歡食飯的, 特別係白飯!! 魷魚都是比較重口味的, 肉質又會太un !! 荔苑特飲$35: 其實係荔技味野飲, 入面有荔枝味珠珠加彩色啫哩, 幾好飲呀!!
最近荔園從開，令我記起半年前，我都去過的一間餐廳。
這間餐廳是荔園做主題的，但應該和荔園係沒關係的，但感覺比中環荔園做得好。
那天我和朋友E路經此地，因約了朋友在旺角食晚餐，想在佐敦吃了東西，所以突然想到這間餐廳，那時開業沒多久，所以貪新鮮。
聽其他朋友在FB分享，這間餐廳要等很久的，所以不抱太大期望，那天我去到一個人都沒有，應該準備落場，我本有點失望，但我都好明白，員工都要休息和準備晚餐時段，正當準備離開時，有員工出來說可以入坐，我當然很開心啦，我問佢有沒有下午茶，佢話如果你要就做比你啦，好開心呀！我們想好時，想選擇荔園特飲，佢就說這個要加錢，不過如果你要兒童餐就不用，我們就選擇了兒童餐。
賣相如下：兒童餐A,意粉就主打，賣相可以，如果當晚餐就唔夠，下午茶就當然可以啦，主菜有肉有菜，大人小朋友都接受到，但其實那杯荔園特飲好普通，我唔太識形容，真是很普通。
但這個意粉餐都還可以。
兒童餐B,這個賣相更可愛，是飛機來的。
飯做主打，我其實不太喜歡飯，不過朋友選擇A，我便試令一個，很豐富。
主菜都是普通菜色，但做型上加分。
我們只點了兩個兒童餐，店員很好，沒有趕我們走，我們還四圍影相，佢地都只是默默清潔和食員工飯，希望下次可以再來吃晚餐，但到時唔知會唔會需要等很久了。
對年輕一代來說，香港主題樂園只有兩間，對 70、80 後來說，還有兩間主題樂園：荔園和青龍水上樂園。
筆者成長於窮困年代，加上住在九龍區，較常去荔園，它在上世紀末結業後，港人失去不少共同回憶。
有心人去年底在佐敦開設荔園主題餐廳「荔苑樂園餐廳」，為免版權 (你要知有利可圖時，就有人出來說他是版權乜乜乜) 問題，老闆取諧音「荔苑」。
別擔心，走進店中，你可回味荔園點滴。
名雲週六下午到訪，好多人排隊，等了約 45 分鐘入座。
一家細小的茶記，是荔園的縮影。
特別門口「守門象」天奴，是當年荔園的鎮園之寶。
筆者記得最後一次去荔園，天奴已歸西，樂園特別為天奴設石像，紀念牠與港人一同成長。
樂園必備旋轉木馬，等位時攝一攝，kill time 指定動作。
可謂全店最有特色的過山車座位，入座後還可以關門，不過座位略嫌淺窄。
荔園恐龍屋入口，當然成為餐廳佈置之一。
上世紀 80、90 年代是創作最自由的年代，港產鬼片甚至可以在恐龍園取景，超有共鳴，你有見過今天的港產片，可以在乜乜樂園取景嗎？特別是鬼片。
兒童飛機餐 ($48)沒錯，年屆三十的名雲點兒童餐，請別爆我，只想找回童年回憶。
荔園特飲 (兒童餐餐飲)濃縮飲料一杯，倒是飲料中的爆珠有驚喜。
水煮魚套餐 ($60)賣相挺好，香味也夠，只是不夠辣。
這是綠茶乳酸特飲「加油」($88) 的盛具。
這是回味荔園哪一特色，名雲倒沒印像。
餐廳展出的懷舊玩具，你玩過幾多樣？名雲玩過波子棋、膠手槍和籃球機，也食過白箭香口膠和朱古力豆。
「荔苑樂園餐廳」的「入場券」，即是等位的籌。
飲水學英文。
角子老虎機佈置。
試食「荔苑樂園餐廳」，名雲三點抵達，等了約 45 分鐘入座，與朋友吹吹水、影影相，時間不難過。
經各大傳媒報導，好多人慕名而至 (包括我)，已超越了餐廳的承受能力。
部份顧客點菜後，食物上枱慢 (接下來幹什麼你想得到)。
餐廳主打茶記食物，不要想像是主題樂園餐廳的華麗食品，加上餐廳實在太忙，部份特色食品限時供應，食物質素和效率也有待改善。
如你好想好想回味荔園回憶，不介意食物質素不似預期，可以現時去。
如想慢慢享受一餐，還是等熱潮過去才去吧！荔苑樂園餐廳 地址：九龍佐敦德興街 7A 7B 號地下電話：2377 2882 營業時間：7am 1am人均消費：$50 $100
女朋友係 網上 見到 美食介紹 一心見到2015 2月新開復刻 好。
一於去試下 反正今日去開果頭。
一去到 見到似曾相識既樣子 原來係舊king1既位置 。
咁有個女服務員出黎介紹下有下午茶 都幾有禮貌 下午茶得6款 價錢$36 包茶 。
反正都黎到 試下啦。
唔洗等。
一入到去帶位坐低 個位幾得意 可以打開入去。
但好逼 肥少少都唔洗坐到入去。
再望下周圍 。
無人。
環境不如介紹 真的只有相片的幾件擺設 沒什麼驚喜。
感覺裝修好差。
低成本。
不像冰室懷舊 而是殘舊。
好。
先別說環境 看下餐牌。
因為沒很餓 只係點左個蝦多士同雞脾餐兩個人食 。
叫左杯巨峰同百香果。
巨峰黎左 無味 紙包果隻都好飲過佢 百香果都差唔多 咁上緊。
好。
等左成15分鐘 （無人都要15分鐘）算。
賣相中等啦 。
先食蝦多士。
唔算差 。
再黎雞脾薯角（有栗米旁） 不過不失啦 但栗米係凍 唔好食 。
重點來 好 咁食完 想要多張餐巾抹嘴 問左第二個女服務生 （阿嬸） 好聲好氣 唔該可唔可以比張餐紙我。
佢竟然答 餐紙比左你 無架喇 。
我果刻真係呆左。
食左咁多年 無餐巾供應要比錢買一包我聽過 但同我講餐紙係有限真係第一次 而且紙質咁差咁你不如開頭果兩張都唔好比我啦 阿嬸。
好唔緊要 我嘴可以唔抹 但我有權唔再黎食。
依個簡直係幫公司倒米既傑出員工。
好 算我忍你。
我埋單走人
今天同朋友講起我去過荔園餐廳食野，跟住佢話幾有興趣，所以今日就再一次黎到呢間野，但係今次就唔係食甜品而係黎食正餐。
我地係睇完menu之後就叫左蝦多士，金沙蛋黃醬炒雞同埋綠菜乳酪。
唉，點知真心中伏囉，蝦多士雖然幾大件，但係蝦嘅份量唔多，仲要油油地，味道又一般左啲。
金沙蛋黃醬炒雞，我一開始仲以為係無骨，點知原來係有骨嘅，差啲中招，而且又唔夠香，又咸。
綠菜乳酪簡值係伏中之伏，原本諗住應該幾好飲嘅，點知一飲，真係不禁倒抽一口涼氣，完全係喝緊粉囉。
。
唉，原本諗住俾個試下正野，點知中伏了sicksicksick
荔苑樂園餐廳餐單提供港式, 中菜館等推介美食位於佐敦區，餐廳座位數70人均消費約$101-200，結賬可以用現金。
您對於佐敦餐廳「荔苑樂園餐廳」有何 comment？
荔苑樂園餐廳餐廳詳細資料：
- 荔苑樂園餐廳地址: 佐敦德興街7A-7B號地下 Lai Yuen Amusement Restaurant, G/ F,7 A-7 B Tak Hing Street, Jordan
- 荔苑樂園餐廳電話:
- 荔苑樂園餐廳價錢: $101-200
- 分類: 港式, 中菜館
- 座位: 70
- 付款: 現金
- FB專頁: 荔苑樂園餐廳 Facebook
更多荔苑樂園餐廳相關資料:
香港餐廳2026推介8月