生蝦皇食坊 佐敦

生蝦皇食坊 評價 相片

是晚一家人食飯, 來到生蝦皇,之前食過一次,但完全無印象, 今次聽聞食海鮮餐, 真令人振奮來到佐敦,以前348 DISCO對面,現在是九龍諾富特酒店對面, 不過生蝦皇改了名,叫小杬館, 好似轉左手?!!星期日十分難泊車, 去到隔離街泊得半個鐘, 一餐飯入了4次標, 不過知情人透露,如果無大巴泊在門口咪標位, 其他私家車係任泊, 但都係博一博...我地唔敢入到去7:30 無咩人,有兩層,我地坐下層, 隔離枱有另一枱熟人食緊飯..原來佢地好似識老板, 埋單佢地仲叫老板俾優惠我地一坐低, 10大一小, 一張大圓枱, 舒適!!點解D 餐具有雞樣呢??!!!但都唔錯, 好有餐館FEEL..第一道是沙薑豬肚, 嘩..一來個樣賣相已經充滿吸引力...一打開錫紙, 熱辣辣的香氣迎我面撲過來, 食落口好惹味, 送飯不錯..涼伴麻辣蜆, 凍食, 好開胃的前菜, 前菜份量也不少..啫啫芥蘭, 芥蘭是分開的, 侍應一過來放低個沙鍋,之後放菜落去, 沙沙聲, 好熱甘不停炒菜, 即成!!!食落好有味道, 又夠菜味!豉椒炒聖子, 大大隻聖子 11蚊一隻, 我不能相信, 眼前11隻 也只是121蚊..無可能, 不知是因熟人平左, 或是根本就甘抵....味道不用多說, 辣辣惹味...我一個都食左3大舊!!黃金魷魚,不識欣賞,食落好怪, 外表是黃金,蛋味, 但入面好淋, 濕濕地...魷魚好似唔夠新鮮...我食完一舊已不再吃了!!都是椒鹽魷魚穩陣!避風塘炒瀨尿蝦, 可惜,我地叫了6隻, 一開二, 肉質不錯,但個避風塘竟然不辣又不夠味...好像煮熟蝦,再炒了幾下醬料, 炒得不入味呢叫了兩隻蟹, 蟹肉新鮮,又多蟹膏,好正..好耐無食甘大隻蟹,但避風塘味道同瀨尿蝦一樣不入味, 又唔惹味..失色好彩叫了一隻用薑蔥炒, 此道菜是全晚最好食的, 薑蔥汁多, 又多蔥, 配上厚厚的蟹肉, 一流!!企鵝..雞, 我仲以為食企鵝, 原來是個卓頭, 佢整好之後插起來, 企身的上枱,之後佢會拎埋一邊用胶剪剪開D 雞!雞,最後分了兩碟, 砌得算不錯,但好多都無了皮, 但味道入味, 炸子雞!!魚 2斤重 480蚊, 魚好滑, 不會太熟, 但豉油不咸, 又不鮮味...好淡口..揚州炒飯好味,乾身, 但點知干燒伊面仲好味, 不落辣醬也夠味,不是平時晚飯的配菜,它也是主角之一..食到最後, 個糖水是埋尾的美品, 點知紅豆沙一放枱出煙, 落口是微暖,不熱, 還要溝了好多水, 無味,無豆.......這碗紅豆沙,我寧願佢無出現過, 不會令這間食店留下一個壞印象....埋單俾少一個人, 每人是$375..都OK!!!!

生蝦皇食坊在數年前幫襯過一次,是因為其在報紙宣傳細龍蝦$78一隻(好似是這價錢,太耐了不記得清楚),當時還吃了蟶子和鮮鮑魚,覺得食物新鮮,價錢不貴,畢竟食海鮮以新鮮為首要,所以決定再次食一次是日老公生日,想食龍蝦,於是想起生蝦皇,到達時大約8時,人不算多,我們在樓下坐下來,點了以下食物:1. 豉椒炒蟶子皇(2隻)這個蟶子很鮮味啊,可是有少許韌,但勝在鑊氣十足搭夠$38/隻2. 上湯龍蝦伊麵這個一上桌便被它的賣相吸引住了,顏色太美了,龍蝦肉質鮮美,份量十足(兩個人吃是很足夠的),伊麵吸收囇龍蝦汁的精華,很滋味!$238+$20(伊麵底)3. 酥炸桶蠔這個有四大隻桶蠔,很足料,可是以我倆的胃口,兩隻就剛剛好,四隻就有點兒過飽了,不過還是很好味的!$138餐後還有送西瓜,很好呢!這一餐是吃得很滿意的,雖然埋單計要$548,但都算是物有所值的!

首先想講ge係點解隔左個幾月先寫返個食評推介生蝦皇？米就係今晚餐飯去左間好差ge餐廳lor食到一肚氣，心想早知去返生蝦皇開飯好過，令我好想寫呢個食評，因為我覺得一間好ge餐廳係真係要去支持下架！眼見用心做ge餐廳一間一間甘倒閉，真係好腕惜架，以後香港只會得返一堆垃圾快餐最推介係聖子，津白，凍"顯"同反沙芋（下次補相！請見諒）d“士應”仲送左碟炒顯比我地送酒好窩心！d阿姐周時會問d送有無問題？好無食？但講真，去甘多次，見果度d生意都吾係好好，次次晚飯時間都吾滿座真係有點兒擔心做吾長真係吾願見1間好ge餐廳末落....所以都盡諒會同朋友去食多d當支持下！

之前多次經過此飯店見它提供很多優惠，已想試了。

今日做完野時間尚早才6:00pm，又經過此飯店，食少少當是late tea吧。

我估計它因位置較入不太起眼，於是提供很多優惠，所以真的沒聽聞它質素如何。

它有提供代客泊車服務。

飯店細小有些像上海菜館，而公雞餐具很有特色，waiter會勤來換碟。

我們點的一隻乳鴿送來時只得兩件，我以為是半隻乳鴿，原來是mini/ teacup size! 味道一般。

上湯龍蝦是送伊麵的，送來時才知是小龍蝦開邊，伊麵份量也少，幸好味道不錯。

聖子皇才$22/隻，味道很香，過下口癮! 當然與彭慶記的聖子皇尚有距離啦!完全沒有期望的酥炸魷魚鬚，是超級酥化脆口! 與酒樓的分別很大，有些像雲南酥炸雞翼。

真想外賣返家當作小食。

結帳時才知它送糖水，但綠豆沙味道太淡了。

我想，下次經過此飯店會外賣酥炸魷魚鬚返家!

22/12(二) 7.30pm冬至正日,跟家父一行六人,萬變不離其中,跟家父飯聚大多以中菜為先.首訪"生蝦皇".位置僻靜的西貢街,店內的人氣相對地也不特別沸騰.咱們被安頓於樓下近入口的圓桌,點了蟹粥$38,脆炸牛腩$55,蒜蓉蒸蟶子$25,炸子雞$90,大斑兩味$168:紅燒斑腩及翡翠炒班球,蟹粥一小窩沒味精,也沒味道的蟹粥,蟹肉亦不見精彩...脆炸牛腩炸過的牛坑腩質地鬆化,且含濃重的八角香,讓人垂青的脆炸牛腩.蒜蓉蒸蟶子中等體型,中庸味道,蒸至有點過火的蟶子韌度略為高.紅燒斑腩鑊氣十足的紅燒斑腩味鮮肉地強.翡翠炒斑球西蘭花炒斑球炒得清爽,味道直截了當!炸子雞得到瘦骨嶙峋,肉質乾柴的過氣炸子雞一隻.透支了$640,非高消費,獲得的亦不是高享受....

生蝦皇食坊餐單提供粵菜, 廣東, 海鮮, 中菜館等推介美食位於佐敦區，餐廳座位數未知人均消費約$101-200，結賬可以用現金。

您對於佐敦餐廳「生蝦皇食坊」有何 comment？

生蝦皇食坊餐廳詳細資料：

• 生蝦皇食坊地址:
  佐敦西貢街15號
  生蝦皇食坊, 15 Saigon Street, Jordan
• 生蝦皇食坊電話:  
• 生蝦皇食坊價錢: $101-200
• 分類: 粵菜, 廣東, 海鮮, 中菜館
• 座位: 未知
• 付款: 現金
• FB專頁: 生蝦皇食坊 Facebook

更多生蝦皇食坊相關資料:

• 生蝦皇食坊分店
• Youtube
• Facebook
• Twitter
• Google