牛皇海鮮火鍋小菜館 佐敦
地址: 佐敦德興街4-6號
最後更新:
牛皇海鮮火鍋小菜館推介
楺合現代與傳統的火鍋文化，牛皇薈萃各式各樣的傳統及創新火鍋料理及用上鮮美濃鬱的湯底，美味在口齒溢香，愛美食的饕客必定回味無窮。推介美食包括手切肥牛、法國鵝肝、龍蝦剌身、日本活海赤貝、拖羅、活魚刺身、南非原隻鮑魚等。2012年9月全新裝修後設有獨立貴賓房，適合私人聚會或洽談商務理想之選，另有足球直播，環境乾淨，保證食物新鮮衛生！
佐敦牛皇海鮮火鍋小菜館
| 餐廳分店 | 牛皇海鮮火鍋小菜館 |
|---|---|
| 地區 | 佐敦 |
| 電話訂位 | 沒有電話提供 |
| 餐單 Menu | 港式, 火鍋, 壽司, 刺身, 中菜館 |
| 人氣指數 | 921 |
| 價錢幾錢 | $101-200 |
牛皇海鮮火鍋小菜館訂位位於佐敦區，詳細地址是佐敦德興街4-6號，餐廳寬敞座位數目共有150個。牛皇海鮮火鍋小菜館幾錢？價錢優惠後人均消費大約$101-200埋單，早餐午餐晚餐牛皇海鮮火鍋小菜館餐單包括有港式, 火鍋, 壽司, 刺身, 中菜館等美食，付款方式有Visa,Master,現金,銀聯付款。
牛皇海鮮火鍋小菜館優惠
牛皇海鮮火鍋小菜館 評價 相片
朋友生日, 一班邊爐精約埋去牛皇, 一早訂咗VIP房, 本來14人, 但最後只有10個, 所以坐得好鬆動.一班嗜辣朋友必定要叫四川麻辣鍋, 但史生隻眼痛, 所以唔食得辣, 我哋食蕃茄薯仔鍋, 呢個湯底好好飲, 有魚味, 但一加湯就沖淡咗, 而朋友們話個四川麻辣唔夠辣, 後來侍應加咗辣汁, 但都只係鹹而唔辣, 所以下次可以唔試呢個湯底.人多打邊爐有好處, 可以試好多款式食物, 首先係手打四寶丸、豬紅、脆鯇同竹笙, 手打丸彈牙, 豬紅唔太滑又冇咩味, 竹笙吸湯一流, 脆鯇新鮮爽脆, 都幾好.跟住係雞子, 我一向唔食o既, 不過呢度啲雞子比其他火鍋店細粒好多.再嚟有四色餃, 我食咗韮菜餃, 七分韮菜三分豬肉, 比例非常好, 韮菜香, 皮薄, 好味!打邊爐最重要當然係肥牛啦(雖然我一向唔食牛), 其他人都話牛肉好味, 新鮮又唔韌.而我最鍾意就係食急凍烏冬, 一放落鍋煮一陣就得, 好滑呀!呢晚其實仲叫咗好多o野食, 總括食物質素中上, 最重要係有VIP房坐得舒服又唔會俾人騷擾, 所以呢度好啱一大班人嚟打邊爐吹吓水.一班朋友可以有緣坐埋一齊食飯係一種福氣, 朋友間說說笑笑, 可能會有時有啲說話over咗, 但做朋友o既唔需要介懷, 做人樂得自在, 只要一笑置之, 無論自己或者身邊o既人都會開心啲.
男朋友見家長 所以搵間好少少既食咁有朋友介紹呢間打邊爐幾正而我屋企又鍾意烚下烚下就試下啦 :]咁因為訂左枱所以唔駛等好耐就入得一開始就叫左啲熟食炸肮腩同乾煎蝦look個肮腩幾特別 個蝦look就對於比較喜歡食清淡既我就咸左少少不過都ok到我既重點出場啦！！叫左勁多刺身 有活魚 象拔蚌 三文魚 龍蝦 生蠔三個字 超新鮮!!!!條魚同龍蝦黎到既時候重郁緊雖然有啲唔忍心但真係好好味 跟住就到邊爐叫左蕃茄斑腩湯底 最欣賞有蕃茄同豆腐做湯底 養顏 hehe跟住就有 牛肩 牛脊 黑豚肉 筒蠔蝦墨滑 雲吞水餃 炸魚皮響聆 最鍾意個黑豚肉唔會好多肥肥 跟住蝦墨滑好彈 牛都好好味最緊要無雪味 好難得!!龍蝦泡飯做結尾 總結 好味同新鮮值得介紹同反兜
妹夫食過後一值推介此店,今晚終於決定來食,妹妹一早訂位,訂位的時候說明5位大人,一架BB車位,因為塞車我們遲到了,弟弟同朋友T到先,他們話店舖給了卡位坐,不能放下BB車,沒辦法也只好照坐下先.因為時間關係,叫弟弟他們先點個湯底及些少食物,湯底係妹夫介紹的.此店環境真係好擠逼,今晚妹妹同妹夫要將傻BB夾在他們中間,對於他們來說是第一次遇到這種情況,也好可以給他們訓練,吸取吓經驗,以後再遇到更惡劣的情況.也可容易應付.今晚的湯底是魚頭豆腐湯,其他火鍋配料有水餃~~~鮮帶子片~~~脆鲩魚片~~~蝦滑/墨魚滑鮮腐皮~~~炸生腐皮~~~菇類併盤~~~蟹子包心丸~~~蟶子皇~~~日本珍珠蠔極品雪花和牛$298~~~花彫蛋白蒸蟹$3XX ~~~ 及竹庶茅根水一渣今晚的食物可以說普通....海鮮類唔太新鮮.....物非所值今晚三大錯誤:第一錯~~湯底弄錯了,弟弟叫的湯底並非妹夫說的那款,原來這裡有另一款魚湯,所以妹夫話個湯底唔夠濃第二錯~~可能因為這裡以牛做賣點,朋友T就叫個雪花和牛想試吓,但原來妹夫話他們食過的是手切肥牛,打邊爐會好味些,而這個和牛就麻麻地第三錯~~再一次告訴我們,食海鮮真係唔好隨處食,見到此店的宣傳廣告法國蟹,朋友T心思思又想試,於是我們要了花彫蛋白蒸蟹,完全沒什麼蟹味,肉質好淋身,蛋白又唔滑我想大家都不知自己今晚到底食過什麼,尤其結賬的時候.....
我地4個人，去到無咩人，位幾好坐，都係同一班朋友傾計的好地方，待應服務也好好！湯鍋是tomato﹠potato,吾覺有tomato﹠potato味道，都幾淡味下 ，食物就無咩特別，不過不失，所有食物都夠新鮮，田雞來時還在跳，但鮮味不夠，手切肥牛ok la！又吾係特別好食，買相一般la！偏少雪花紋的，有相看！魚就好好食 ，珊瑚蛘都正，好有鮮味！牛骨髓 整體ok，如至在同朋友傾計食下飯，都係好地方！
Happy hour完朋友話就近揾地方打邊爐,於是就行上街頭間牛皇試吓。
行到入去得2枱客,心諗冇人嘅，Ｄ嘢得唔得！望吓餐牌有$288嘅4人套餐：手切肥牛一碟、蝦墨滑一份、自選湯底、自選10款什項(水尤、久菜餃、魚皮餃、朱粉腸、桂花蚌、朱頸肉、魚片头、魚咀、竹笙、生根),4個人再order多碟手切肥牛,炸魚皮,娃娃菜,油麥菜,牛白肉。
加埋12支森宝埋單$741!嘩！好飽呀!D材料又新鮮,絕對唔會係套餐就俾D曳嘢你,D伙計又nice,好賓至如歸嘅感覺!洗手間又乾淨,GOOD!!!!!
牛皇海鮮火鍋小菜館餐單提供港式, 火鍋, 壽司, 刺身, 中菜館等推介美食位於佐敦區，餐廳座位數150人均消費約$101-200，結賬可以用Visa,Master,現金,銀聯。
您對於佐敦餐廳「牛皇海鮮火鍋小菜館」有何 comment？
牛皇海鮮火鍋小菜館餐廳詳細資料：
- 牛皇海鮮火鍋小菜館地址: 佐敦德興街4-6號 Beef King Seafood Hotpot Restaurant, 4-6 Tak Hing Street, Jordan
- 牛皇海鮮火鍋小菜館電話:
- 牛皇海鮮火鍋小菜館價錢: $101-200
- 分類: 港式, 火鍋, 壽司, 刺身, 中菜館
- 座位: 150
- 付款: Visa,Master,現金,銀聯
- FB專頁: 牛皇海鮮火鍋小菜館 Facebook
更多牛皇海鮮火鍋小菜館相關資料:
香港餐廳2026推介9月