潮流餐廳 佐敦

潮流餐廳 評價 相片

自從一年多前無意中行過肚餓入去幫襯過，覺得呢間野都算平靚正，又未至於果種要專登要約朋友去食果種，不過每次幫襯我都無失望，早兩晚去食了個大蝦龍利晚餐，68蚊蝦唔霉龍利煎得香，湯夠濃，包又熱，仲有隻蒜容青口做前菜同埋紅豆糕做甜品，食物質素無投訴，不過佢最好既強項係環境夠好坐，位夠闊落，周圍有電視，但係從未見過佢有超過七成客…照計佢個地鋪都幾貴租，都驚佢會執…

上星期六去左九龍公園, 之後行行下就走到來呢度, 好累就入左來tea雞翼薯條+凍檸茶($22) 雞翼和薯條即叫即炸, 我無食, 但看賣相也不錯冬菇回鍋肉米粉($20) 份量都幾大碗, 冬菇和回鍋肉都好多, 咁既價錢真係比足貨環境普通, 但坐卡位都算舒服, 咁既價錢與服務都算不錯

呢個佐敦區d野都差唔多俾我地食到七七八八。

咁呢日就來左呢間野食飯。

我地叫左個露筍雜菜泡飯同雪魚鵝肝飯。

個露荀泡飯都還可以既，但係冇乜特別囉。

個鵝肝就唔得啦，又係鹹牛肉來既，厄鬼咩？你收三十幾四十蚊就唔該你整好ｄ啦。

呢度雖然處處有電視，但係同好多茶餐廳一樣，一陣煙味。

政府幾時全面禁煙呀？

行到有點累, 便走進來坐坐.想點芝士餅和窩夫, 兩者都無.唯有點了雞翼辣肉米粉.味道幾好, 好似出前一丁的豬骨湯底, ok.但杯奶茶就唔係幾好啦!奶太少, 唔夠香滑.差不多30蚊, 不便宜, 但地方倒坐得頗舒服.

之前一晚, 同老公黎個世界盃牙較戰.季軍賽, 我選德國取季軍.當然係我有眼光, 所以老公要請我食飯…嘻…黎開呢頭, 叫老公周圍行下, 睇下邊間好, 再同我一齊去食.結果老公揀左呢一間.望落都幾好坐, 就入左去.最奇怪係西餐格局, 但係又有日本野食, 有點不倫不類.心唸, 好有可能兩頭唔到岸, 西同日都唔好食.我點左焗三文魚保雲酥蘇套餐.忌廉湯OK沙律好味, 有肉, 有生果, 有菜.唔係好CHEAP o個種, 正!焗三文魚保雲酥蘇好好味呀!估唔到呢間餐廳可以整得咁有水準.個白汁有少少wasabi芥辣味, 好鬼正!個三文魚又焗得香, 值得再黎食過!餐飲熱檸茶無特別啦服務都OK.我地見個三文魚上面拮左兩條野, 即刻問個女仕應係乜, 食唔食得?個女仕應唔知, 不過都好有禮貌話即刻問下個廚師.好快佢就覆番我地係可以食o既, 係炸左o既麵條.總括各方面都唔錯, 會介紹比朋友再黎食.

潮流餐廳餐單提供港式, 咖啡店等推介美食位於佐敦區，餐廳座位數未知人均消費約$51-100，結賬可以用現金。

您對於佐敦餐廳「潮流餐廳」有何 comment？

潮流餐廳餐廳詳細資料：

• 潮流餐廳地址:
  佐敦白加士街98號金威廣場地下7至10號舖(近寧波街)
  IN Cafe, G/ F., Shop7-10,98 Parkes Stree, Jordan
• 潮流餐廳電話:  
• 潮流餐廳價錢: $51-100
• 分類: 港式, 咖啡店
• 座位: 未知
• 付款: 現金
• FB專頁: 潮流餐廳 Facebook

更多潮流餐廳相關資料:

• 潮流餐廳分店
• Youtube
• Facebook
• Twitter
• Google