文利餐廳 佐敦

文利餐廳 評價 相片

見門口寫住40年，諗住老字號唔會太差，睇食評都寫得幾好，入去座位都ok，見到廚房唔多企理，唔緊要，叫野食先。

叫左個2人餐，好似好抵。

嚟到見到碟雞，呆一呆，2人份量？！黎埋小菜，問佢係咪有油菜，佢話喺度啦，冇分開上啫。

.....OMG！平時用嚟墊底嘅，竟然已經係油菜，海南雞面頭「搽」晒薑蓉，頂，我唔食薑蓉㗎！！你比得碟薑蓉我點解仲要搽落去！！！有冇下次？ 無！食後感：雞鞋，餸少，孤狗寒！

歷史悠久的茶餐廳，主要係街坊生意。

生意唔錯㗎，但出奇無人寫食評！十幾年幫襯都抵食夾大碟，雖然唔貴，但係食物質數好OK 㗎！平時D晚市碟頭套餐每次都大大碟，大廚好有心機煮㗎，鑊氣十足又好味，食完唔會口渴，都係$5x$6x，包埋湯，飯及飲品，而且次次都食唔晒要打包走！今晚母親節，沒有在外訂位晚餐，見老闆做咗個母親節套餐，就試一試，果然沒有失望！又係好食抵食及大碟！大廚梗係落足心機去煮，茶餐廳竟做到酒樓嘅質素，鮑魚和班球都新鲜爽滑，火喉啱啱好，焦鹽蝦每次都做得好香脆，隻雞唔肥而且好入味，其他幾味水準都食得出係用個心去煮！走時都唔記得多謝大廚，最後攬住個肚，又係食唔晒拎著兩大袋外賣離開！

越做越差？食客有同感，老員工努力四十年，霓虹管換了，看得出老闆做生意誠意，街坊聊聊亦挺受落。

廚房功力不比從前，食物味道遜色了，過了年，别家加價二成，文利仍然保持價廉品質合理優良口碑。

老伙記麗姐、蘭姐、隆叔、宗叔等陸續走了，近年請都是流水作業式，服務態度有待改對。

上年自稱亞姐的一位及頸卷髮老大姐，落單問兩句半老闆娘模樣撐行，這樣沒有，那樣沒有，櫃面埋單六十五元，誤把兩個五毛當了一元用給罵臭，朋友在旁側目，另一次顧客給了千元大紙，不是餐廳都會接受，不必脾氣向顧客發泄。

斯文人吃飯好處攢名聲幸運的話未嘗不可。

玻璃窗貼上名人合照，佩兒，安德尊員，比上鏡漂亮。

路過排迴看看也覺得happie。

真心推介呢間茶餐廳 —— 文利🍴17:59入去都照做下午茶比我地❤️ 係人情味☺️佢個招牌黑白西多士真係好正😋 份量好足👍🏼好正好juciy朱古力醬同煉奶配合得好好西多士炸得外脆內軟上錯野飲即刻補過杯🤣 結果每人free左1杯🍞加埋杯火山🌋美祿恐龍🦖 埋單價$32下次有機會一定會試埋其他正餐嘢食😊

原先前排見到佢寫住結業, 跟住休息兩個星期又開返, 諗住支持下, 睇下係咪有新原素、新驚喜啦。

答案係冇嘅, 而且差過以前少少。

<吉列豬扒腸飯> 吉烈豬扒ok略嫌肥咗少少; 介紹多餘嘅場就大鑊喇, 我估計應該係擺雪櫃擺得太耐, 有啲已經變味, 而且腸身乾乾黑黑, 唔敢食!<京都豬扒飯> 都ok, 冇乜特別。

汁及菠蘿好酸。

<熱奶茶> 同區最大杯。

好飲嘅, 但茶味味道淡咗少少。

<美綠暴龍> 好飲。

午餐時段, 得一個侍應, 撲來撲去, 真係唔知點講好。

唔想畀差評, 希望佢可以改善下, 繼續做返好啲啦。

文利餐廳餐單提供港式, 茶餐廳, 冰室等推介美食位於佐敦區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 35720575 查詢。

您對於佐敦餐廳「文利餐廳」有何 comment？

文利餐廳餐廳詳細資料：

• 文利餐廳地址:
  佐敦文蔚街13-15號地下
  Man Lee Restaurant, G/ F,13-15 Man Wai Street, Jordan
• 文利餐廳電話: 35720575
• 文利餐廳價錢: $50以下
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金
• FB專頁: 文利餐廳 Facebook

更多文利餐廳相關資料:

• 文利餐廳分店
• Youtube
• Facebook
• Twitter
• Google