和味生滾粥 佐敦

和味生滾粥 評價 相片

本人最鍾意食粥，但有要求。

食材豐富新鮮不用講，還要水米比例恰當，最怕是加了粉漿的。

某些有腸粉油炸鬼的粥店就係加了粉漿，粥底較杰（不是綿），食完一定口渴。

反而稀稀地的粥才好吃。

這間粥店間唔中就會心思思想食，魚粥和及第粥最正，食完個胃好舒服。

無論是魚腩、魚鮫、魚尾、魚雲、魚嘴還是魚骨都好正，魚煎到金香才滾粥，而且加了薑汁（不是薑粒！不用吐出來），不腥，鮮甜。

及第粥多料又新鮮，無異味，尤其那厚切豬潤無得彈。

食粥可自助添加生菜。

另外他的椒鹽魚腩好香口，不過今次無叫。

每次黎只食香煎魚卜粥, 以前廿幾歲無咁鐘意食粥, 覺得無什麼特別, 當大個少少已經食過好多美食, 加上消化無以前咁好, 以前食飽都可以去做運動, 所以久而久想食d快食到（一煮撈埋d粥同料）易消化又飽肚既meal, 好幾年前食過, 當時行過覺得, 粥店都可以米芝蓮 !? 我覺得好新奇, 竟然唔單止介紹大路野, 小眾既粥店都到青垂,。

試完就知地道同有心機。

每個部位都可以整一碗粥出黎, 粥係好出色。

唔同其他煮法,好似煲湯咁煮過程總有流失同過鞋, 煮粥係保留所有食材味覺營養集於一碗, 魚卜外層滑內層同個頂位就爽有咬口, 魚味濃,重要既係食到魚味濃但可以無骨, 食得舒服又暖胃。

一碗有78粒煎香魚卜, 即係要用上咁多條魚, 睇得出有當中有心機。

我唔會特別留意佢地服務, 反正我係食碗快粥, 有心機整咁多部位已經係對得起價錢既手藝。

佐敦好吃店不少，講到粥，一般大家都會講新興棧魚粥，但本人覺得另外一件和味生滾粥更勝十籌。

已經不知第幾次到此店吃粥，每次都一定要吃這裡的豬膶，厚切，爽口，吃落起沙。

對比其他所謂出名吃豬膶嘅麵店，真係唔知好幾多倍。

粥有好多搭配，我專一魚，各個魚部位都試過，除魚腩稍遜色，其它部位都一流。

此店味道偏濃味，所以吃得十分和味，粥底偏甜，味精一定是有的，但比出名其他粥店沒有那麼明顯，亦能吃出有少少瑤柱鮮味。

如點生滾魚粥，無論各個魚部位都會先香煎而且係加上好多燒酒。

如不喜歡可以叫老闆免煎，免酒。

個人覺得酒味道真正是這粥點睛之筆，酒和魚一起煎過香味濃郁，再加上粥滾生，少許薑蔥，真正和味。

其他菜市，推薦任何薑蔥類，薑蔥豬膶，薑蔥田雞，特別推薦薑蔥魚雲雖說比不上大排檔勁鍋氣可能薑蔥比較多了一點，但味道也是十分不錯。

椒鹽類就不要試了，太鹹了真的不行。

總的來說豬膶和魚粥一定要試，其次就是薑蔥類，價格我自己覺得稍貴的。

星期日又去油麻地買菜，便專誠去和味粥吃 bunch, 和佐敦另一老魚粥店比較一下。

粥品也點了和上次新興棧一樣的魚鮫粥和魚腩粥。

粥上檯，份量不多，配上大量葱段，粥錦很重酒香。

魚鮫粥 只有魚鮫一邊魚腩粥有3大件魚件是和葱段煎香，灒米酒才下粥滾熟。

可能煎得久了，魚肉有些焦香不夠軟滑，酒味濃烈和清淡的粥不太配合。

豬潤腸粉 不過不失，整體可以。

鯪魚球 新鮮現炸，大大粒熱得燙嘴。

外脆內軟實，有質感，也有陳皮香。

和新興棧的比較價錢比較便宜，用料份量沒有那麼多，酒味過重，魚件焦香便失去軟滑度。

如果喜歡吃香口的可能和味粥會合適。

某日 行完山 又唔太肚餓 只想食雞粥去open rice望望 揾到啲間和味生滾粥去到門口 有種熟悉感覺 我小朋友時黎過長輩們鍾意食魚粥 果時印象中成日排長龍再望一望牆身 幾乎全部都係食魚小妹我知 今次黎錯地方 一心只想食雞粥點都好 一場黎到 試下酥炸鯪魚球 4粒即叫即炸 上台時差不多有半隻手掌大細咬落去 外脆內有咬口 食出陳皮味可以點小小蜆介醬 鹹鹹地滑雞粥雞件本身有煎過 食落肉質滑 除此之外粥綿綿有薑蔥味 份量都尚算大碗仲叫杯豆漿 正常冇特別食物味道都好食 不過服務態度可改進

和味生滾粥餐單提供港式, 粥品, 茶餐廳, 冰室等推介美食位於佐敦區，餐廳座位數33人均消費約$50以下，結賬可以用現金，Booking訂位可以電話致電 27830935 查詢。

您對於佐敦餐廳「和味生滾粥」有何 comment？

和味生滾粥餐廳詳細資料：

• 和味生滾粥地址:
  佐敦吳松街75號地下
  Delicious Congee, G/ F,75 Woo Sung Street, Jordan
• 和味生滾粥電話: 27830935
• 和味生滾粥價錢: $50以下
• 分類: 港式, 粥品, 茶餐廳, 冰室
• 座位: 33
• 付款: 現金
• FB專頁: 和味生滾粥 Facebook

更多和味生滾粥相關資料:

• 和味生滾粥分店
• Youtube
• Facebook
• Twitter
• Google