合發燒味茶餐廳 佐敦

合發燒味茶餐廳 評價 相片

正所謂吊頸都要抖下氣，呢排比公事私事煩個沒完沒了，所以即使好多野未解決，都要出黎relax翻一晚。

接老公放工後，就黎左呢度，想搵間有英超睇的食店吃飯。

但行左好耐，都無咩選擇，係呢間價錢較ok, 不過格局嘛，係"地茂"d。

七點開波，6：45入到去無咩人，揀了最好的位置坐下，這裡雖然細，但有好幾部電視(其中一部仲要係好大部，又不會太迫。

不過環境真的要改善。

因為好多蚊滋飛來飛去，同埋好多發泡膠粒又係飛來飛去，唔知點解。

仲有係幾部冷氣都係滴水，好disgusting.因為每人最低消費要$40，望完餐牌都不難選擇，款式選多，而且價錢都算高，所以不難fulfill$40。

食物方面，叫了四川海鮮煲跟飯和湯，連飲品$45。

味道唔錯，不過底的豆腐明顯變壞了，有酸味。

再來一個蒸海上鮮，要了烏頭，等左成半粒鐘，味道都幾好。

呢度既奶茶都幾好飲，凍飲都幾有茶味。

如果不是為睇波，都不會選呢度。

所以餐廳播足球係賺得返既。

個人黎講，如唔係為慳錢，睇波都係去飲野既地方睇會好d，或者o係屋企睇，因為係一般食店睇，唔係話氣氛好好，同埋顧住食飯，d人又行來行去，好難投入去睇。

今晚同D朋友諗住去牛奶公司食野,點知冇位,諗住行前D睇下有乜食,見到有間門口D燒味幾靚, 又話有波睇!入左去食個飯兼睇波,叫左個雞鵝飯同凍奶茶,D飯大大碗,D餸又夠熱, 特別係D燒鵝, 真係好好食!!不過有樣野唔係幾好,就係好迫,可能因為附近得佢依間有波睇掛...

大戰過後,成身汗臭,三人行要找個地方坐下,大衛遙指不如就呢間合發啦.)同老銅的合發應該沒有關係.既然稱之為燒臘飯店,雖然接近午夜,仍然叫一碗燒肉飯來補充能量.燒肉本質還算可以,肥膏位同瘦肉位分明,脆皮齦到要用力才咬得開,苛刻一點,店內廿四小時營業,應該新鮮熱辣燒味全天候才對.只怨自己在不適當之時候,吃不適當的食物吧.另有四大聯賽的晚上,店方亦有足球轉播,最低消費$35,在茶記睇波,地道香港特色.不過我還是愛去Pub多一點..

白加士街食肆林立，平時見到佢只係茶餐廳一間都唔想入，但係見老闆好努力拉客，捧下場啦。

叫左羊腩飯+油鴨脾飯，竟然冇試招牌燒味飯(呢間係主打燒味既茶餐廳)，不過其他食物水準都唔錯。

羊腩飯既羊腩係分開一大碟上，好多汁，d枝竹吸哂d精華，爭在唔似羊腩煲有爐熱住上。

油鴨脾質素一般啦，一樣咁鹹。

老闆好落力拉客，如果落雨天佢既位置咁方便一定吸引到唔少客!

食過呢間燒味幾次.,燒鵝同乳鴒可以叫好食過好多所謂知名燒味店。

但賣價就同大家樂相差不遠。

至於燒其實吾錯.,化非常。

祗不過呢度著重蒜香味.,而落糖較少。

若中意食甜味濃的燒,可能吾係咁滿意.,但我反而幾滿意.,因為我吾係咁中意太甜的燒！

合發燒味茶餐廳餐單提供港式, 茶餐廳, 冰室等推介美食位於佐敦區，餐廳座位數未知人均消費約$50以下，結賬可以用現金。

您對於佐敦餐廳「合發燒味茶餐廳」有何 comment？

合發燒味茶餐廳餐廳詳細資料：

• 合發燒味茶餐廳地址:
  佐敦白加士街61號地舖
  合發燒味茶餐廳,  
• 合發燒味茶餐廳電話:  
• 合發燒味茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 合發燒味茶餐廳 Facebook

更多合發燒味茶餐廳相關資料:

• 合發燒味茶餐廳分店
• Youtube
• Facebook
• Twitter
• Google