金滿庭京川滬菜館 (德福廣場) 九龍灣

金滿庭京川滬菜館 (德福廣場) 評價 相片

頭號必食上海名物小籠包, 未食已經感受到湯包幾咁豐富, 識食一定係小心翼翼夾起, 用羹承住, 輕輕咬一小口吸唒啲湯先食個皮同餡, 皮超薄, 肉勁香, 推介！擔擔麵辣味, 花生醬味平衡, 湯底刺激味蕾得來唔會辣到怕怕. 麵質腍腍的, 好味.花香玫瑰骨甜甜酸酸嘅玫瑰骨, 類似咕嚕肉, 仲有菠蘿粒添.豆沙鍋餅薄薄嘅餅皮夾紅豆餡然後煎香, 邪惡但勁好味呀！

久唔久想食中菜，就揀咗呢一間金滿庭。

睇落個餐牌都好多選擇，最後叫咗一碗酸辣湯，蒜片牛肉粒，小籠包同埋鹽酥鴨。

碗酸辣湯太酸，食落得陣酸味。

另外蒜片牛肉粒啲牛肉完全冇牛肉味完全唔知食緊乜嘢。

啲蒜片牛肉完全冇蒜味，呢啲嘢真係唔使錢錢都唔會食。

小籠包食落都正正常常，起碼咬落去有啲肉汁。

個鴨仲犀利一想到睇個樣已經好唔吸引雖然食落係有啲驚喜，起碼食落去啲鴨唔會好硬。

但係整體嚟講成餐飯都好唔滿意。

一定唔會再嚟食。

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎金滿庭其中一個好正既地方係有人參烏龍茶，慢慢回甘果種味好正。

今次食左個4人午市套餐，但份量偏少。

🌟 冷盆三拼 （蔥油海蜇、雞絲粉皮、老北京醬蹄）個人覺得咁多樣餸裏面冷盤係最好食嘅，海蜇幾彈牙，雞絲粉皮超級開胃，如果加埋麻辣就會更加好。

🌟 賽磅蟹味道唔錯，食到乾貝，賽螃蟹好滑，不過份量少咗啲。

🌟 鎮江排骨呢個排骨係先炸過黎再淋上汁，所以食起嚟好香口，個汁配合得非常好，超級下飯。

🌟 有機雜菜煲正常發揮😀🌟 銀耳紅棗糖水有驚喜，好足料，似係屋企媽媽整既味道。

因為食完個lunch set都唔係好夠飽😅，所以加咗八隻水餃🥟。

📍 金滿庭京川滬菜館 𝙈𝙤𝙙𝙚𝙧𝙣 𝘾𝙝𝙞𝙣𝙖 𝙍𝙚𝙨𝙩𝙖𝙪𝙧𝙖𝙣𝙩九龍灣偉業街33號德福廣場二期6樓603號舖

話說老母生日， 指明要去金滿堂食個晚飯。

一黎到，冷氣十足。

叫左五樣野食。

首先個送既前菜唔知咩滷肉，好硬。

之後全部野食唔凍唔熱 （除咗水晶肴肉，因為凍食）連個炒飯都係唔熱 。

最後加埋個超級冷氣真係頂唔順。

我老媽子同個經理講。

佢立即再炒過。

十五分鐘後終於見到熱辣辣既煙喇。

可以食多幾啖飯。

香莤泡羊肉 ， 係滑既， 不過都幾淡口，連羊既DD騷味都冇， 好似食緊油浸肉片， 我諗住係重口味😢 講真 咁既價錢， 我應該唔會再黎。

。

約爸媽出街食飯，佢哋好鍾意去金滿庭。

首先係因為環境真係好乾淨，坐得舒服。

今次我哋三個人，叫咗三餸一湯再加一個甜品。

有我老竇喺度，一定食得晒。

羊肉叉子燒餅非常出色，羊肉份量好足夠，食得好滿足。

砂鍋雲吞雞叫咗¼隻，都有六大碗，個湯唔肥，好清甜，仲有好多菜同大大隻雲吞，又係超級滿足。

上海炒年糕，其實都唔錯，不過我爸媽覺得少少偏鹹。

我阿媽鍾意食咕嚕肉，所以都想試吓金滿庭嘅咕嚕肉。

不過我覺得麻麻，因為切得太細件，所以炸出嚟有少少偏乾同埋唔多肉。

最後我地叫咗高力豆沙，大大個，令到呢個晚餐有一個完美嘅句號「。

」不過因為食得太滿足，最後個甜品忘記咗影相😛你見我哋食咗咁多嘢，最後埋單都係6百頭， OK喎😏

金滿庭京川滬菜館 (德福廣場)餐單提供京川滬, 中式包點, 中菜館等推介美食位於九龍灣區，餐廳座位數350人均消費約$101-200，結賬可以用Visa,Master,AlipayHK,支付寶,現金,AE,銀聯,OpenRice,Pay，Booking訂位可以電話致電 27989066 查詢。

您對於九龍灣餐廳「金滿庭京川滬菜館 (德福廣場)」有何 comment？

金滿庭京川滬菜館 (德福廣場)餐廳詳細資料：

• 金滿庭京川滬菜館 (德福廣場)地址:
  九龍灣偉業街33號德福廣場二期6樓603號舖
  Modern China Restaurant (Telford Plaza), Shop603,6/ F, Telford Plaza I I,33 Wai Yip Street, Kowloon Bay
• 金滿庭京川滬菜館 (德福廣場)電話: 27989066
• 金滿庭京川滬菜館 (德福廣場)價錢: $101-200
• 分類: 京川滬, 中式包點, 中菜館
• 座位: 350
• 付款: Visa,Master,AlipayHK,支付寶,現金,AE,銀聯,OpenRice,Pay
• FB專頁: 金滿庭京川滬菜館 (德福廣場) Facebook

更多金滿庭京川滬菜館 (德福廣場)相關資料:

• 金滿庭京川滬菜館 (德福廣場)分店
• Youtube
• Facebook
• Twitter
• Google