漁八•壽司 九龍灣

漁八•壽司 評價 相片

2020年1月1日晚上經app叫左外賣，價錢唔算多，$700內，1900比錢落單，一路等，等到2010，個外賣都未到，開app，張單冇左，無Miss call ，無短訊，親自打去餐廳打左5次都冇人聽，但當時app仲見到可以落單，搞左一大輪先聯絡到app客戶服務，又查左一大輪先知佢地已經收左工，電話都冇個通知，落到單，比到錢，但又冇通知客戶情況下取消張單，好似唔需要責任咁，2020第一日就咁，唔係下嫁！？

無意間係fb見到呢間壽司店有外送服務,咁岩公司開party咁就試下，打去落單既時候，因為佢地d壽司好多都冇圖片睇所以有d都要問下店員係d咩同有咩推介，都問得比較耐，有d唔意思添好彩店員都幾有禮貌，唔錯唔錯店員推介厚切三文魚腩壽司$15/件，送到黎緊係要試下啦真係有驚喜呀個三文魚腩係岀面好少見到，食落好肥美其他既壽司都幾抵食，比起出面d大品牌相對性價比大d小店黎講算好好，下次會再幫親P.s如果下次有外賣碟提供埋就好喇

話說我同男朋友成日想食日本嘢，但係日本嘢大部分都比較貴～ 最近俾我發現咗一間性價比極高嘅壽司小店。

呢間小店嘅壽司款式多，價錢由$3至$35一件，唔好以為平嘢一定無好嘢，呢度嘅壽司質素都幾高，幾新鮮好味㗎！三文魚刺身 $77三文魚（背部），盒盒刺身都有標明位置同重量，呢盒有半磅都只係$77！而且唔係腩部都夠肥美蟹子沙津 $25都幾大盒㗎！而且汁料可以揀蔴醬或者沙津醬。

海蜇 $10火炙三文魚腩 $17 好肥美好厚！燒咗表面，非常好味！好正！海膽軍艦 $18 份量一啲都唔少，而且好新鮮唔腥！帶子 $8 好抵啊！而且好新鮮好甜！汁燒玉子 $4、汁燒三文魚 $5 非常抵食味道亦不錯其他都唔錯，唔續樣介紹喇。

有讚當然有彈，有兩款壽司需要改善：鵝肝壽司 $28 味道其實ok，但係燒到熟曬，乾乾地，似係燒過龍，可以改善。

吞拿魚腩壽司 $20 唔肥美好似普通吞拿魚壽司咁，唔推薦。

每人$150左右，性價比算唔錯。

大熱天時想食下涼涼的魚生飯降溫，見到價錢唔貴就試下。

三十四蚊既蟹籽三文魚魚生飯，唔抱有咩期望，不過可能唔新鮮，食落三文魚魚生味道怪怪的⋯⋯縱然賣相唔差，冇鮮味都算，但冇魚味。

食左三分之一，都係唔好博，決定唔食了。

加左$15 跟三文魚刺身，又細件，直頭係熱的，好驚滋生細菌，魚肉有點「枚」，於是又係半途放棄。

食完之後，肚痛同肚瀉左兩日。

自從發現咗屋企附近有一間不錯嘅日本料理小店，我就每個星期都起碼嚟買一次外賣如果堂食嘅話只有3張櫈，坐響商場走廊上，所以眼見其他顧客一般都係外賣多。

佢地最出色嘅係三文魚腩壽司同珍寶帶子壽司～價錢唔算貴，三文魚腩嘅壽司算係驚喜價厚切三文魚腩壽司，真係好厚切好肥美，我覺得比好多其他壽司店出色。

而且佢地用嚟做壽司嘅部位，同三文魚腩刺身嘅部位係唔同嘅～ 做壽司嘅更肥美，每次必點幾件。

珍寶帶子雖然要$35一件，但係佢片帶子好大件，其實個size係可以分開兩粒做兩件壽司😍 所以都算抵食，而且粒帶子非常甜美！推薦！蟹子沙律$25，唔算好大份，勝在多蟹柳同蟹籽，而且可以選擇胡麻醬或沙律醬～ 所以每次都會叫另外一提小店仲有熱食，例如鰻魚飯、吉烈豬扒咖哩飯等等，即叫即做，味道都ok。

不過相比壽司，我還是鐘意食佢地嘅壽司多啲。

漁八•壽司餐單提供日本菜, 壽司, 刺身等推介美食位於九龍灣區，餐廳座位數未知人均消費約$50以下，結賬可以用AlipayHK,支付寶,現金，Booking訂位可以電話致電 57032573 查詢。

您對於九龍灣餐廳「漁八•壽司」有何 comment？

漁八•壽司餐廳詳細資料：

• 漁八•壽司地址:
  九龍灣宏光道80號麗晶商場地下6號鋪
  漁八•壽司, Shop6, G/ F, Richland Gardens Shopping Centre,80 Wang Kwong Road, Kowloon Bay
• 漁八•壽司電話: 57032573
• 漁八•壽司價錢: $50以下
• 分類: 日本菜, 壽司, 刺身
• 座位: 未知
• 付款: AlipayHK,支付寶,現金
• FB專頁: 漁八•壽司 Facebook

更多漁八•壽司相關資料:

• 漁八•壽司分店
• Youtube
• Facebook
• Twitter
• Google