小意陸 九龍灣

小意陸 評價 相片

🍝餓媽卡些意粉餐 $68平時omakase壽司閒閒地都要人頭$1000💸見佢個名咁有創意就叫左2個omakase 意粉…原本冇抱有太大期望…結果有驚喜💯第一份類似忌廉🍅醬，食落去甜甜地…配2大粒青口& 足料雞肉！扁意粉煮得岩岩好唔會諗，青口食唔到雪味👍🏻第二份類似燒烤🍅醬，比較惹味！配45粒帶子+鴨胸肉～ 幼身意粉彈牙，配菜洋蔥都煮得好入味～ 佢即叫即整所以熱辣辣咁食特別好味包埋小食：咖哩角&春卷有飲品附送✨總體黎講性價比係真係高…而且佢個menu 設計得有心思～ 如果唔想叫餐都可以散叫…好似車仔麵ge做法，從醬汁配菜意粉都係自己選擇💓 九龍灣除左德福淘大又多個新選擇🕺🏻

近排多咗戶戶送，嗌咗依間5次左右嘅意粉餐，覺得幾好食，雖然外賣係貴啲但依然覺得買得過，意粉份量好足！慳慳哋可以分兩餐食🤣但最近依兩次，唔知係咪同一條外賣仔，上一次畀我發現炸雞輕咗得返三分二，然後建議封口，今次再嗌發現真係落咗幾口釘，但係畀人扯開咗一邊嘅紙袋，一睇入面盒炸雞係畀人開咗口嘅🙃都偷食得好明顯下有冇真係咁想食炸雞😂食得嗰一兩嚿夠喉咩…結論係你阻止唔到一個堅持想偷食嘅人🤷🏻‍♀️下次都係齋叫意粉或者行多兩個字去堂食買好過～

.見到food court新開左間食意粉、炸雞既店，就諗住試下啦，仲可以自選自配意粉，幾有新意。

我揀左香濃蕃茄醬、蜆仔、煙鴨胸、粟米扁意粉。

本身想叫菇，但冇菇😢 另外本身都想叫份炸雞，但見佢整定左又睇落好多油，就唔想叫了，除非即叫即整，可能個陣試業中、人流又未係好多吧。

意粉即叫即整熱辣辣，仲要好大份，心諗正喎！不過食落味道麻麻地，落左巨多蕃茄醬，令到成份意粉好杰，另外意粉份量太多令到好難吉出黎食，蕃茄醬巨多愈食愈酸😢蜆肉份量都ok，唔會全部都係殼。

最失望係我搵黎搵去都唔見鴨胸，原來切到一粒粒，溶入左蕃茄醬到，因為我睇過佢地社交平台出既相係有一塊塊鴨胸我先諗住叫，點知依家係一粒粒，同埋得幾粒咁😮‍💨食到一半已放棄…因為成個意粉都好杰不過$58呢個價錢食到一份大盒意粉，可以填肚，但味道一般。

可能下次食返佢配搭好既choice會好啲？

見有新店入去試食無骨炸雞芝士味👍👍(必食)有骨炸雞配咖哩味, 都不錯。

今次無試的薯條都好吸引, 都有多款汁配上的。

最特别Omakase 意粉一念天堂, 一念地獄(到時才知自己食咩😂😂👍👍good idea)仲有像叫車仔麵自選的意粉有五款汁醬, 蕃茄, 青醬, 芝士汁, 最特别的心情汁...等等餸除了一般的菇菌, 火腿, 鴨胸, 煙肉, 蜆肉, 雞肉, 蔬菜, 粟米, 仲有青口, 帶子, 蝦蝦....各樣都不錯, 大家可以幫襯下小店😍😍

平時去到九龍灣，通常都去德福或淘大，但其實附近嘅得寶商場都好多好嘢食，今次去試下food court入面一間新開嘅小店，還在試業當中。

1️⃣ 自選車仔意粉 $58話明車仔意粉，當然咩都可以自己揀，首先可以揀意大利粉定扁意粉，之後就可以醬汁，再揀配料，我就揀咗蒜香橄欖汁意大利粉🍝配煙肉、帶子、西蘭花，粉量唔少，即叫即整，好香蒜香味，意粉軟硬適中，帶子有5粒，鋪上芝士粉，好惹味😋2️⃣ 韓six炸雞 $48如果嫌唔夠喉，仲可以試下店主推介的炸雞，佢有幾款味道可以選擇，仲可以揀無骨，啱晒我呢啲鍾意啖啖肉嘅人😜我覺得最襯韓式炸雞當然係紅辣芝士，帶有微微嘅辣，非常惹味，大約有10件左右，炸粉做得好薄，咬開仲有啲肉汁🤤

小意陸餐單提供多國菜, Food Court等推介美食位於九龍灣區，餐廳座位數未知人均消費約$51-100，結賬可以用現金,八達通。

您對於九龍灣餐廳「小意陸」有何 comment？

小意陸餐廳詳細資料：

• 小意陸地址:
  九龍灣牛頭角道3號德寶商場地下木馬工房FoodCourtF06號舖
  Mini Six, Shop Food Court F06, Trojan Food Club, G/ F, T B G Mall,3 Ngau Tau Kok Road, Kowloon Bay
• 小意陸電話:  
• 小意陸價錢: $51-100
• 分類: 多國菜, Food Court
• 座位: 未知
• 付款: 現金,八達通
• FB專頁: 小意陸 Facebook

更多小意陸相關資料:

• 小意陸分店
• Youtube
• Facebook
• Twitter
• Google