好燒味 九龍灣

好燒味 評價 相片

大半日忙完一輪個肚餓到咕咕叫...終於等到放飯, 個腦不停叫我搵肉食....搵肉食...不過呢附近無乜野啱食...醒起EMAX有間好燒味, 一於去食個燒味飯補充下體力由於個肚想食大量既肉, 所以就叫左六寶飯個飯有叉燒、燒肉、燒鴨、白切雞、薰蹄同咸蛋咁豐盛既肉食陣容, 一定夠飽啦除左夠飽, 質素都好重要佢地既燒味都幾唔錯, 叉燒半肥瘦剛好燒肉皮脆肉鮮嫩, 點薑蓉食一流其他燒味都唔錯, 係白飯份量可以多返少少女仔食可能食唔哂, 但麻甩佬食可能唔多夠白飯

呢排病病地，唔舒服咗成個禮拜，今日仲要個肚唔舒服，要食得更加清，唔可以太過油膩。

到食晏時間又唔知食乜好，同事見到我嘅情況，佢提議我試下買好燒味，初時我仲話燒味咁油膩，原來而家有款非常健康嘅飯盒，係供應雞胸肉，連雞皮都會去埋，相信係主力for on diet人士。

同事見我病，幫我買埋返嚟，個外賣盒係紙盒，設計得好精美，感覺餐廳係注重細節detail位嘅。

打開飯盒見到有雞胸之外，仲有西蘭花，有肉有菜有飯，整體都好平均。

雞肉食落就真係主要食天然嘅味道，唔會有過重嘅調味料。

肉質唔嚡算係嫩滑，啖啖肉一條骨都無，都係另一個賣點。

如果我唔係病病地，我可能會覺得白飯連少少醬汁都無就有D dry嘅。

咁啱今日出開九龍灣既EMAX做野做完野啱啱好三點三下午茶時間，又見有些少肚餓就搵下野食啦不過呢附近眼望好似無咩選擇，就揀左呢間好燒味試下啦呢間好燒味除左燒味飯之外仲有撈麵選擇，作為下午茶份量剛剛好於是我就揀左流心蛋叉燒撈麵啦叉燒大約有56塊左右每一塊都好厚切，肉質好鬆軟，唔會硬柴柴咁，仲肥瘦適中女仕就話怕肥，專登揀瘦叉啫我呢啲麻甩佬就無有怕既，肥多少少都未驚過一見到隻流心蛋就忍唔住拎起筷子篤穿佢，誘人既蛋黃即刻漏哂出黎，睇見都流哂口水撈撈埋埋又估唔氾流心蛋同叉燒撈麵都幾夾，個醬汁又少少甜甜地，食落應該係叉燒醬汁食完啱啱好滿足哂～係正既

出開emax時有D肚餓，諗緊展貿有咩地方可以食少少嘢，夜晚又要去打波，唔想食得太飽。

咁啱就路過好燒味，見到下午茶有燒味嘅包賣，就去了解下係咩嚟架喇。

睇圖片似係刈包，比較有特色。

刈包係台灣嘅地道小食，外貌似係饅頭中間開一半，中間夾住肉餡。

咁台灣通常都係夾住滷豬肉所以亦有「虎咬豬」嘅說法。

我點咗個係夾叉燒嘅，所以都係「虎咬豬」。

入面嘅叉燒好淋，雖然肉質偏瘦，但係唔會好乾，食落有肉汁，亦都醃得入味。

加上2片青瓜就唔會有漏嘅感覺。

整體上唔錯，對比傳統茶樓叉燒包又係另一種風味。

係呢頭返工放LUNCH其實都幾少選擇...但我屋企又無飯家庭黎既，所以唔似其他同事咁幸福可以帶飯返黎食望穿秋水終於係前個排新開左間好燒味，一聽個名就知係專食燒味，啱哂我口味啦佢除左平時食開既燒味飯配搭之外仲有好多唔同款式既食法例如有素叉燒、羊肩肉叉燒、麻辣貴妃雞等等，仲有得加錢配日本溫泉蛋，燒味配溫泉蛋又幾得意喎本身打算叫四寶飯食下，落單前咁啱俾我見到有個肉燥飯又好似幾吸引跟住就改變主意食肉燥四寶飯啦呢個飯包括有燻蹄、溫泉蛋、涼菜同埋主角肉燥肉燥煮得好入味，少少甜味唔會太過火，撈飯一流加埋溫泉蛋一齊食真係正到一個點，而且肉燥份量都唔少，夠撈哂成盒飯有餘燻蹄有四塊，肥瘦剛好，唔錯而涼菜就有青瓜、泡菜同醃菜，都係送飯良品呢個飯既餸菜每一樣都好好送飯，搞到個白飯都唔夠食，確實係抵食夾大件另外仲買左枝茶飲下，滿足~

好燒味餐單提供粵菜, 廣東, 港式, 燒臘等推介美食位於九龍灣區，餐廳座位數未知人均消費約$50以下，結賬可以用現金，Booking訂位可以電話致電 55419851 查詢。

您對於九龍灣餐廳「好燒味」有何 comment？

好燒味餐廳詳細資料：

• 好燒味地址:
  九龍灣展貿徑1號E-Max國際展貿中心2樓243號舖
  Good BBQ, Shop243,2/ F, Hong Kong International Trade& Exhibition Centre,1 Trademart Drive, Kowloon Bay
• 好燒味電話: 55419851
• 好燒味價錢: $50以下
• 分類: 粵菜, 廣東, 港式, 燒臘
• 座位: 未知
• 付款: 現金
• FB專頁: 好燒味 Facebook

更多好燒味相關資料:

• 好燒味分店
• Youtube
• Facebook
• Twitter
• Google