加勒比海燒烤餐廳 九龍灣

加勒比海燒烤餐廳 評價 相片

因為我住係呢度附近,所以久唔久都有去呢度食有陣時明明去度好遠行街,都會番o黎食~ 哈哈講真果句丫,雖然佢個樣就真係...* 當初第一次去都嚇一嚇企左響門口"=w=入面同出面未免"太大對比" 啦掛...不過唔緊要啦~ 講番d野食先我都係去食晚餐ge~ 通常都係食佢個扒餐多有個套餐幾好食~ 1主菜1配菜2個汁for主&配主菜可選" 牛扒豬扒羊扒等* 每樣的價錢都唔同配菜可選" 燒秋刀魚餃子雞翼意式肉丸還有幾樣的值得一提係佢餐湯果個包係蒜蓉包脆卜卜幾好味同埋,大胃王去食o岩晒,因為佢個份量都幾多,同埋佢會有飯意粉薯蓉雜菜比你選,驚唔夠飽可以叫飯...我見到隔離人地個飯..好多"我最愛食佢個羊扒, 次次都會叫,份量夠又唔騷而且好夠味,係一個唔錯ge選擇雖然佢個布丁味道真係...比較似唶哩,不過見到d小朋友搶o黎食,就知道唔係難食果種,只係似唶哩+淡奶而已我同男朋友2個去食呢個餐++埋都係大約$140$160* 視乎你食d咩扒啦* 唔錯" * 3姿訊卡可以有9折 即係免+1

畀呢間餐廳吸引既外表誤導左... 唉! 一入到去,完全係茶餐廳格局!!! 有人仲除鞋食野,好恐怖! >.<食物味道可以,但用料唔係太好,吞拿魚做既食物(見圖),係可以好好食(一片片既罐頭吞拿魚都唔係好貴咋?!) 但$22一個茶餐,仲可以要求d咩? 仲有夾心既吞拿魚同蕃茄係兩塊包入面... 都見到廚師都稍為用心去做... 欠既係人客既要求? 客人要求平,要街坊feel(好多都係拖鞋街坊),以客人為先既做法,減低成本為原則先可以生存... 呢樣我都明白!錯就錯在我揀錯餐廳,入到去我好失望囉! 仲以為係食正常既西餐,點知中西日韓既菜都有既茶餐廳(但係介紹寫係中東菜?!) 咁你就咪整到個門口咁靚啦....冇期望就冇失望啦!!!用心做食物,客人就會再黎幫襯,為左爭生意而將貨就價,人流係有,生意係可以維持,但冇左做食物既誠意同心思,只做飽肚既食物...又有幾多人識欣賞?

餐廳外面裝修吸引，餐廳門外張貼餐牌食物和價格也頗吸引。

上月中跟男朋友去試，雖則是西餐廳，但見有韓國料理供應，大家都點了拉麵套餐，一吃就發覺很不對勁:拉麵根本徹頭徹尾是公仔麵!甜品無果肉的杏色忙果布甸。

餐飲柚子茶(當然非新鮮製造)。

我覺得如果食店無心機、彧勉強去「發圍」多做，只會令食客覺得力有不逮，不如乾脆專注做好本份算了。

都知道係一間食扒既地方不過我地又係去食下午茶時段所以好平２２蚊左右我叫左個ＢＵＲＧＥＲ　ＳＥＴ　ＭＡＴＣＨ　ＰＡＳＴＡ我個同學就叫芝士肉醬ＰＡＳＴＡ佢個個好食過我個個呀我個個好似用左Ｄ中式既山竹牛肉煎出黎既咁而且個燒汁好流我個ＦＲＤ個Ｄ好對路好靚咁熱熱焗起上檯包埋野飲２２落樓面

呢間加勒比海餐廳前後都經過好多次, 但係真係試過就一隻手都數得晒, 佢d野食我又覺得幾好下, 印象一向都唔差, 不過次次佢唔係多人呢就係我唔想去食, 所以已經好耐冇去喇, 早幾日同女友經過, 原來佢又未試過, 而咁又唔使等位, 於是就同佢去試下啦!坐低左再望下餐牌, 嘩! 發覺好多野食, 好多唔同款式, 有日式拉麵, 西式扒餐, 韓式食品, 焗飯, 咖哩等等, 不過炭燒扒餐算係最出名同比較特別! 兩個人商量左一陣後我地決定要一個炭燒雞扒餐, 一客串燒沙爹牛肉同埋一客法式焗田螺! 炭燒扒餐有好多燒汁任你揀, 有蜜汁, 燒汁, 辣汁, 原味炭燒等等, 呢個汁係用黎炭燒時塗上去件扒度; 仲有另一種汁係比你食扒時點的汁, 有黑椒, 蒜蓉, 洋蔥, 芥末等等! 我地決定用蜜汁黎燒, 加黑椒汁黎點!炭燒雞扒餐有蒜蓉包, 餐湯, 白飯或薯菜, 餐飲同甜品,蒜蓉包唔脆, 幾淋下但係就幾香蒜蓉味, 不過唔太熱, 可以啦; 餐湯要白湯, 個湯就幾好味, 栗米好甜, 我鍾意; 主菜炭燒雞扒配薯蓉, 雞扒非常大塊, 冇骨啖啖肉, 蜜汁燒得非常香, 唔點汁就甜甜地, 好有燒烤味, 點左黑椒汁就辣辣地好惹味, 正呀; 薯蓉仲可以加左d免治牛肉上去, 令到d薯蓉冇咁乾身, 幾好; 伴碟有西蘭花, 椰菜同埋粟米粒, 不過我唔鍾意食所以冇試到! 餐飲要熱檸茶, 酸酸地消濟; 而甜品要左哩, 好味!串燒沙爹牛肉非常好味, 原先好驚d牛肉燒得好老, 會好難, 點知黎到發覺牛肉非常之鬆, 仲燒得好入味, 加埋d沙爹汁係非常之正呀, 直頭想安哥; 法式焗田螺就將田螺去左個殼, 將d肉放薯蓉面上焗, 呢個都不過不失, 可以啦!串燒沙爹係$28有5串, 法式焗田螺都係$28, 炭燒雞扒餐就$66, 價錢都唔算貴, 絕對低食同好食過花園N倍呀, 而環境氣氛都算ok, 有冇加勒比海風情就見仁見智啦, 不過有機會就一定會再去!

加勒比海燒烤餐廳餐單提供中東菜, 燒烤, 咖喱, 西餐廳等推介美食位於九龍灣區，餐廳座位數未知人均消費約$101-200，結賬可以用現金。

您對於九龍灣餐廳「加勒比海燒烤餐廳」有何 comment？

加勒比海燒烤餐廳餐廳詳細資料：

• 加勒比海燒烤餐廳地址:
  九龍灣牛頭角道77號淘大商場G92-95號舖
  Caribbean Restaurant, G92-95, Amoy Plaza,77 Ngau Tau Kok Rd,, Kowloon Bay
• 加勒比海燒烤餐廳電話:  
• 加勒比海燒烤餐廳價錢: $101-200
• 分類: 中東菜, 燒烤, 咖喱, 西餐廳
• 座位: 未知
• 付款: 現金
• FB專頁: 加勒比海燒烤餐廳 Facebook

更多加勒比海燒烤餐廳相關資料:

• 加勒比海燒烤餐廳分店
• Youtube
• Facebook
• Twitter
• Google