Can-teen 九龍灣

Can-teen 評價 相片

今日女友係九龍灣有個interview，沒搵食的心情下選了這間店。

雖說是快餐店，但賣相和質素都比其他大路的快餐店好。

我倆點了的餸菜如下：雙拼(燒鴨，油雞)粉：份量比想象中的要大，當中的雞、鴨都比較肥。

但燒鴨的皮可是脆口的，讚！粉的湯低比外面快餐店濃，不會水汪汪的。

海南雞飯：雞同上面的一樣咁肥，但此雞的味道明顯比雙拼的雞入味。

而飯的份量是非常驚人(好似有點誇張，但我倆都咪能完成它)。

黃薑的味比較重，但好似少了一份雞油的風味。

跟餐的還有那個湯，眼見的湯料就有雪耳和幾件瓜，亦不是一般水汪汪的，讚！餐後，女友去見的工己經full quota了，忙了一整天的資料就……努力~~~wow字

** 此 食 肆 的 第 五 個 喊 **尋晚(1752008 Sat)8點同女友人RL,F做完義工後o黎呢o度食飯,我叫o左個豬扖雞扖司華力腸鐵板餐,要燒汁,成$52.00,真係貴.RL要o左個切雞飯,F要雜扖鐵板餐.我個餐有忌廉湯,麵包,,我o地先搵位坐等人送上鐵板餐.一會,我個餐到o黎,要自己加汁,RL幫我加.其實自己點加?又要打開張餐巾遮住啲煙.其實個收銀幫我落錯order,畀o左個唔知咩魚配雞扖餐.F最遲o黎,但佢竟可以快過我飲湯,啲湯好杰,杰到好似漿糊咁,差! 然後我食個餐,有大大個焗薯,先食啲魚,OK o既,唔鯹,而雞扖,原來好細件,有啲過份.RL都只係幫我加o左一半汁,都甜得過份同好口渴,焗薯冇乜味,唔掂.RL食o左幾啖飯話好硬,我話不如自己加啲水落去,佢話咁加湯啦,於是佢問個收o野o既亞姐,我唔記得佢答乜,只知佢態度唔好同唔識處理,RL就拎碗飯出去叫人加少少湯,返到o黎,變o左湯飯,佢重話啲態度好差,好似覺得佢o係呃佢o地湯咁.至於F o既雜扖餐,我冇問佢評價,不過同樣係$52.00,我呢個就好唔抵囉.講真,如果要我o係快餐店以呢個價錢食鐵板餐,雖則呢o度環境整到好舒適,但始終都係要自己拎o野搵位同加汁,咁我不如畀多少少去餐廳食.

總覺得Canteen比大家樂、大快活甚至美心MX都高一籌，無錯，論環境，肯定較為舒適；論食物質素，又好d；論服務，大家不相伯仲；但論價錢，又真係貴咗少少。

經過美心food2，好墟冚，搵個位都難。

細心望吓個餐牌，原來Canteen比美心food2貴些少，怪唔得少咁多人啦，不過坐得舒服d又值回票價。

兩個人霸咗張四人檯有d唔好意思，不過成晚都較為少客，好讓我哋可以坐得舒舒服服咁食嘢同傾計。

我柯打咗六寶飯配凍OT少甜，美心大集團有質素保證，六寶有墨魚、燒鵝、油雞、叉燒、鹹蛋及紅腸，加幾條油菜，味道尚可，飯亦唔會太腍。

男友柯打咗海鮮湯麵（有兩隻餃子）配凍綠茶，湯麵味道一般，餃子唔掂，外皮超硬，凍綠茶唔太甜夠清幾好。

埋單都係八十幾蚊，幾抵，絶對有下次。

同男朋友仔去完睇戲諗住去赤丸食.點知見咁多人,大家又好累,見到食物又幾啱食喎,所以就去canteen 食得!諗左好耐食唔食拉面,見佢又有個小食同飲品送,但最後都係食左海南雞反$38.男朋友就食左個西籣花雞求套餐$40,感覺似美心.其實係唔係美心開的?我見人地食拉面都幾靚.下次食下先!!

個多月前的食評。

3點左右，同朋友黎食tea,食燒鴨瀨粉。

奶白色既湯瀨粉加另多上既燒鴨。

兩樣既份量都多，而且好好味奶白色既湯，清清地；瀨粉通透加多d蔥花，大大碗都食得晒。

燒鴨真係好多，又唔會太肥，片唔脆，肉好好味，好香鴨味，加埋d汁，食完一舊又一舊。

凍奶茶亦幾好飲，有茶味。

個人覺得非常超值，環境衛生亦唔錯。

Can-teen餐單提供港式, 快餐店等推介美食位於九龍灣區，餐廳座位數未知人均消費約$50以下，結賬可以用Visa,Master,現金,八達通。

您對於九龍灣餐廳「Can-teen」有何 comment？

Can-teen餐廳詳細資料：

• Can-teen地址:
  九龍灣偉業街33號德福廣場地下G54A號舖
  Can-teen, Shop No. G54 A, Telford Plaza,33 Wai Yip Street, Kowloon Bay
• Can-teen電話:  
• Can-teen價錢: $50以下
• 分類: 港式, 快餐店
• 座位: 未知
• 付款: Visa,Master,現金,八達通
• FB專頁: Can-teen Facebook

更多Can-teen相關資料:

• Can-teen分店
• Youtube
• Facebook
• Twitter
• Google