Auntie Polly 九龍塘

Auntie Polly 評價 相片

估唔到嚟到又一村都會搵到茶餐廳嘅蹤影探訪完朋友之後佢帶咗我嚟呢一間幾得意嘅餐廳點解幾得意呢？因為個名好似私房菜咁！喺門口就已經見到呢度嘅招牌豬扒包於是就同朋友一人叫咗一個嚟試吓埋奶茶 價錢都幾抵👍🏼豬扒包真係好好食！邪惡嘅豬扒又夠「冧」又多汁～配咗啲生菜 冇咁油膩令人冇咁有罪惡感！😆至於奶茶 都頗香滑不過唔記得叫侍應多奶搞到成杯嘢有啲「鞋」😣呢度環境夠好 冷氣都好夠涼 同朋友吹翻一個下就水唔係問題😆

今日有小組活動，所以，先返到嚟母會附屬嘅小學，都好耐無過返依花圃街、雀橋街依頭。

活動前同啲組員一齊先食晏，平時都會揀去雀橋街嘅百味雅，典型茶記，食物質素穩定，但今次見人多，時間少少緊又唔想等，故此就去了後面花圃街嘅寶利廚坊。

對比起百味雅，雖然地方細細，但佢嘅環境就新淨啲，又企理啲。

一室白襯深啡，加少少藤織櫈，咪以為好型格，到最後都喺打回茶記模樣。

午餐有好幾個餐牌，不過，分門類別似乎做得有啲「求其」，而且定價都相對貴，貴過百味雅，貼近附近一間酒吧餐廳April K。

結果，我哋大部人都揀較為優惠少少嘅精選午餐，AK共8款，賣$44$48，跟一杯熱飲，如果唔要飯轉意粉仲要加$2。

鹹蛋蒸肉餅飯 $48飯同餸嘅份量絕無偷雞，舊鹹蛋蒸肉餅真喺鎅得幾大件，朋友話啲肉餅都唔錯喎，肥豬肉唔多，打得都鬆化，唔會太硬實。

茄汁豬扒飯 $44小弟要嘅茄汁豬扒飯，無疑又喺超大碟，如果一碟飯俾兩個小朋友食，絕對無問題吖。

3大件有骨豬扒，雖然幾薄吓，亦算交足貨。

豬扒炸得幾香口，由於薄身，入口幾軟腍。

而茄汁個茄味幾重，不過，你唔會有酸香鮮活嘅感覺，因為就好似只有茄汁加茄膏嘅組合。

咖啡一向晌茶記奶茶喺必然選擇，不過，對寶利廚坊嘅奶茶信心唔大，所以，叫咗杯咖啡，算喺不過不失嘅出品。

公司飯 $44餸料就喺腸仔、餐肉、火腿、煎蛋各一，配咖喱汁，雖然無問朋友嘅味道，但應該都預期到，尤其見佢都只喺用普通嘅雞肉腸，餐肉同火腿亦應該唔會用太高級嘅貨。

除咗上述啲午餐，仲有一個由朝到晏都有供應嘅特餐，比午餐平少少啦，不過，都要$39，主要喺多士配蛋，加碗湯粉麵。

牛油厚多士配炒蛋聽朋友講，件厚多士烘得幾脆，又搽滿牛油，反而個炒蛋麻麻哋，炒得過火少少。

沙嗲牛肉湯意粉湯底比較淡味，而沙嗲牛肉少得可憐，味道中規中矩，唯一喺意粉好！如果再去返嗰邊食飯，都喺搵番百味雅穩膽啲，不過，母會嘅重建都仲有兩、三年，暫且返過去嘅日子都喺少。

行過母校見到一間新開既餐廳,老闆娘推介我食佢地既招牌豬扒包,老闆娘話個包係特登搵麵包鋪訂做,所以特別軟熟。

一咬第一啖果然個包真係好軟,塊豬扒又林,食得出係冇疏打粉拿過,本來豬扒包有沙律醬,仲係用日本沙律醬,我同我男朋友一人叫左一個,我叫左走醬,但出黎都好夠味,又唔油,我男朋友就要左個有醬既,佢都話好正,我一個女仔食一個包都夠哂飽! 唔怪得可以做招牌貨!下次一定會再試!不過佢間餐廳面積細左d,一到中學放飯就好爆好多人,下次最好過左2點之後先去!

唔記得邊一個朝早黎附近工作，順帶要醫下個肚。

附近既選擇都唔太多，是但篤一間試下。

沙嗲牛肉公仔麵：味道不錯；火腿Omelette，烘多士：不過不失；檸檬茶：ok。

Auntie Polly餐單提供港式, 粉麵, 米線, 茶餐廳, 冰室等推介美食位於九龍塘區，餐廳座位數30人均消費約$50以下，結賬可以用現金，Booking訂位可以電話致電 23990963 查詢。

您對於九龍塘餐廳「Auntie Polly」有何 comment？

Auntie Polly餐廳詳細資料：

• Auntie Polly地址:
  九龍塘又一邨花圃街11-11C號又一樓地下3B號舖
  Auntie Polly, Shop3 B, G/ F, Yau Yat Lau,11-11 C Fa Po Street, Yau Yat Chuen, Kowloon Tong
• Auntie Polly電話: 23990963
• Auntie Polly價錢: $50以下
• 分類: 港式, 粉麵, 米線, 茶餐廳, 冰室
• 座位: 30
• 付款: 現金
• FB專頁: Auntie Polly Facebook

更多Auntie Polly相關資料:

• Auntie Polly分店
• Youtube
• Facebook
• Twitter
• Google