火鍋頭 九龍城
地址: 九龍城龍崗道17號地舖及1樓
最後更新:
火鍋頭推介
粵式牛肉海鮮火鍋店，主打頂級本地手切肥牛，時令優質海鮮及足料湯底。
九龍城火鍋頭
| 餐廳分店 | 火鍋頭 |
|---|---|
| 地區 | 九龍城 |
| 電話訂位 | 23823767 |
| 餐單 Menu | 港式, 火鍋, 海鮮, 中菜館 |
| 人氣指數 | 1100 |
| 價錢幾錢 | $201-400 |
火鍋頭訂位位於九龍城區，詳細地址是九龍城龍崗道17號地舖及1樓，餐廳寬敞座位數目共有100個。火鍋頭幾錢？價錢優惠後人均消費大約$201-400埋單，早餐午餐晚餐火鍋頭餐單包括有港式, 火鍋, 海鮮, 中菜館等美食，付款方式有Visa,Master,AlipayHK,支付寶,現金,AE,銀聯付款，Booking網上訂位可以電話致電 23823767 查詢訂座。
火鍋頭優惠
火鍋頭 評價 相片
有個住土瓜灣嘅朋友成日呻話無啖好食，其實附近嘅九龍城有好多好嘢食㗎！今次4個朋友一齊食飯，呢個人數最好就係去打邊爐喇，叫到成枱都係嘢食真係好正。
番茄鮮蜆龍蝦鍋 $288 睇顏色都知超香濃！最正係入面有成隻龍蝦㗎！等緊湯底ready時，識食嘅梗係食住小食先。
墨魚油炸鬼 $58 超好食！墨魚嘅鮮加埋油炸鬼嘅酥脆，點埋泰式辣醬好開胃。
冰梅一字骨 $58 酸酸哋又唔係無肉食，好食又開胃。
炸妙齡香蕉 $42 本身聽到「妙齡」好有遐想，朋友形容佢為炸香蕉糕，因為佢個texture同平時炸香蕉有啲唔同。
九點海鮮牛肉盛 $850 呢個set落單嘅時候覺得有啲貴，但食嘅時候真就覺得點得好好！佢包括咗極上手切牛拼盤同埋海鮮盛。
碟牛好高質，油花分布均勻，牛味又出，個人覺得最正係牛頸肩肉同埋牛胸爽，前者好香肉味，後者食落爽口，口感過癮。
海鮮方面好新鮮，帶子都幾大隻，另外有瀨尿蝦食都幾驚喜。
西班牙黑毛豬 $78 又係一睇就知靚，薄切厚度啱啱好，肥瘦適中，不過啲牛太正，有少少被比下去。
手打粒粒墨魚丸、芝心蝦丸、鮮蝦韭菜餃、梅菜王豬肉丸 (雙拼) $8898 啲丸全部都自家制，好值得叫嚟食，其中梅菜王豬肉丸味道好特別，同埋芝心蝦丸都係好好食，食嘅時候小心熱！炸魚皮 $48、香炸金響鈴 $58 兩樣都好正，特別係叫濃湯一定要叫響鈴嚟索吓個湯。
茼蒿菜 $48、萵筍 $42 第一次食萵筍，食落好似瓜咁幾爽口，好特別嘅口感。
水晶粉 $32 必叫！！連埋海鮮、肉、湯嘅精華，超好食。
柚子梳打 $38、巨峰梳打 $39、荔枝梳打 $39、黑牛 $39需加一服務費，加埋醬油費後，4人埋單約2200。
如果你鍾意睇我嘅食評，不妨關注我，支持吓我，謝謝你☺️💕
冬天就快完，把握時機打邊爐，今日嚟咗九龍城一間幾出名嘅火鍋店。
佢有好多款嘅醬料俾我哋揀，包羅萬有！首先我叫咗個招牌花膠冬瓜濃雞湯，湯底好足料，飲落都清甜，而啲花膠就幾爽口。
冬瓜同娃娃菜等清清地我鍾意☺☺肉類叫特級手切安格斯肥牛(大份) ，肥瘦均勻，肉味濃郁， 淥一淥就食得，非常嫩！😜丸類揀左雙拼，手打芝心蝦丸加鹹蛋豬肉丸，前者彈牙可口，有芝士流心，正！後者裏面真係釀左鹹蛋🤩🤩🤩時令龍蝦揀左游水青龍蝦，幾大隻，一人一半😘肉質鮮嫩，好爽口！打邊爐點少得叫蔬菜類啊！我叫咗時令嘅西洋菜，仲有皇帝菜，兩本都係我哋打邊爐必叫嘅菜，啲菜索晒湯嘅精華，唔錯啊！小食部分我哋就叫咗燒汁一口牛，份量都幾多，牛味十足！食到舔舔脷👅👅另外就係香炸韭菜餃，總共有六隻，其實佢都有啲似炸雲吞，入邊就係香香嘅韭菜😆😆飲品叫咗竹蔗茅根水勁大支，兩個人分享啱啱好，清熱解渴另外仲有白蘭通寧，甜甜地，都有幾香濃嘅酒味，易入口，加咗青檸飲又多一個層次呢一餐食得好滿足，服務都唔錯！一大班人或者兩三知己都好啱喺度打邊爐😝
如果想出去打邊爐但又想食得好啲，依家香港真係有好多選擇，不過火鍋質素未必間間都咁好，呢間位於九龍城嘅火鍋頭已經唔係第一次幫襯，新開嘅時候已經嚟過一次，服務好之餘嘢食更加冇得頂㗎 ！今日同朋友過嚟食生日飯，所以我特別叫個海鮮火鍋，估唔到嘴刁嘅朋友仔都覺得好味道！一開波撈左個醬料先墨魚油炸鬼，叫咗一個職員都推介嘅小食，唔好睇佢用油炸鬼製成，其實一啲都唔油膩，以渣嘅方式將油炸鬼本身嘅油逼出，而且墨魚膠口感彈牙，配上油炸鬼食出奇地夾，另外可以點上餐廳為我哋準備嘅甜酸醬，更加別有一番風味點解我會咁鍾意呢間火鍋店？除咗佢嘅食材新鮮乾淨之外，最特別嘅一定係佢哋嘅湯底，今次我點左天麻燉魚頭湯，有冇聽過打邊爐之前先飲湯底？呢度就係有一個咁特別嘅要求，湯頭放咗一個超大個魚頭，而且湯底裏面嘅配料都好足， 入口帶有天麻香味，唔知過嚟唔打邊爐淨係飲佢個湯可唔可以嘅呢？🤣海鮮拼盤 用新鮮鮑魚嚟打邊爐大家有冇試過呢？平時係屋企都唔捨得食新鮮鮑魚，今日估唔到用上新鮮嘅鮑魚打邊爐，將鮑魚切片，煙韌彈牙口感帶有鮑魚味，新鮮嘅食材當然要食佢嘅原汁原味啦，就咁食已經好好味，唔需要再點任何醬料除咗鮑魚，仲有聖子，蜆，同埋花竹蝦， 新鮮既花竹蝦上枱嘅時候仲好生猛，而聖子同蜆都係一樣咁新鮮，所以話只要材料新鮮，食到佢原有嘅味道就係最好味㗎啦！極上和牛盛 5種不同既牛部位（牛肩肉，本地手切牛邊抓，安格斯牛柳粒，雪花牛立方 & 牛胸爽）每款食材都係有餐廳悉心挑選，因為本身自己比較鍾意脂肪含量冇咁高嘅牛肉，所以個人比較鍾意食本地牛肩肉同本地手切牛邊抓，始終新鮮牛肉關係，個人覺得牛香味比較重！雪花牛立方因為脂肪含量比較高，所以肉質都呈現粉紅色狀態，相對地食落去口感比較軟身，但相對亦比較油膩。
果鍾意食有口感嘅嘢食，又唔怕肥嘅，可以試吓牛胸爽，牛胸爽其實係牛嘅脂肪，不過有別於一般脂肪嘅口感，口感極之爽脆！完全估唔到脂肪原來可以有咁嘅口感😆 好神奇兩個人食呢個牛肉拼盤同海鮮拼盤真係超級多，真係超級正！如果可以嘅話覺得同34人食更佳，同男朋友今日捧住個肚走人，超滿足
九龍城咁多好野食,竟然又嚟食火鍋 ??呢度 有新鮮足料火鍋食!! 我地要咗花雕雞做湯底 , 藥膳花雕好有酒味仲有半隻雞花雕雞食!安格斯牛肉片,睇到佢雪花分佈咁平均 ,食落口又嫩又有牛肉味 !海鮮拼盤夠新鮮 ,啲蝦仲彈下彈下 !! 脆肉鯇腩 (必食推介)識我嘅朋友都知道我超鍾意食脆肉鯇魚,真係去到邊都要食。
今次唔係一片片 ,切 嘅同平時脆肉鯇片方向唔一樣 。
但係夠厚肉,啲骨都容易拎出嚟 !夠新鮮夠脆口 😋!手工餃都好爽好彈牙架!!
你有打邊爐Buddy嗎？✅夠老友交得心乜鬼都講得✅無冷場尷尬乜都可以廢up✅見過哂大家最醜態嘅一面✅大啖食大口飲無儀態憂慮✅口味相似唔洗遷就唔怕肥第一時間唸起邊個？Tag佢啦喂！📣——九龍城有質素火鍋🍲1️⃣宮廷滋補天麻燉魚頭湯 $288細個唔好魚頭，大個左就知係正野啦！😍魚頭好大個夠新鮮，魚肉好多又超級滑，魚油更係重點，食食下食哂成個頭🤤2️⃣時令海鮮 刀貝& 蟶子皇 (時價)大大件厚肉非常新鮮，好鬼正呀🤤3️⃣特級手切安格斯肥牛(大) $498份量大，肥牛油花十足切得厚薄均勻剛好，口感嫩稔又重牛味，好正！不過略厭肥肉比較多🙈4️⃣香炸金響鈴 $58即炸熱辣辣夠脆口無油壓味，正！5️⃣墨魚油炸鬼 $58新鮮炸起夠香脆，沾雞醬食，波有無好吃的理由🤣6️⃣水晶粉 $32口感好滑又帶點煙韌咬口，正！7️⃣招牌手打墨魚丸x梅菜丸 $88墨魚丸真係有粒粒墨魚，梅菜丸好似食梅菜肉餅好棧鬼！兩者都打得彈牙，好準之作👍🏻8️⃣竹庶水 $68兩人份，清熱一流👍🏻
火鍋頭餐單提供港式, 火鍋, 海鮮, 中菜館等推介美食位於九龍城區，餐廳座位數100人均消費約$201-400，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 23823767 查詢。
您對於九龍城餐廳「火鍋頭」有何 comment？
火鍋頭餐廳詳細資料：
- 火鍋頭地址: 九龍城龍崗道17號地舖及1樓 Huo Guo Tou, G/ F&1/ F,17 Lung Kong Road, Kowloon City
- 火鍋頭電話: 23823767
- 火鍋頭價錢: $201-400
- 分類: 港式, 火鍋, 海鮮, 中菜館
- 座位: 100
- 付款: Visa,Master,AlipayHK,支付寶,現金,AE,銀聯
- FB專頁: 火鍋頭 Facebook
更多火鍋頭相關資料:
香港餐廳2026推介8月