漢記泰國菜 九龍城

漢記泰國菜 評價 相片

呢間之前都食過，第一次認真打OpenRice，真係值得推介！！價錢唔貴，真係泰國人既餐廳當日有朋友生日🎂 我帶埋蛋糕去食，佢哋都冇收我切餅費，店員好好🍤 生蝦刺身呢個超好食！虾超級新鮮！絕對唔係急凍貨！次次尼都會食螄蚶真係唔係咁多地方食到咁好食既螄蚶，雖然你睇佢有啲血水，但其實咁先好食！鮮味十足🥗 青木瓜沙律作為前菜幾開胃🌶️ 冬陰公湯味道可以，但用其他蝦取代左大頭蝦，蝦味唔夠濃郁泰式燒魚魚熟既程度拿捏得好好！燒完之後魚都好滑，次次都要叫！超級推介！🥬 炒椰菜苗，好食，但味道可以濃d~🐷 燒豬頸肉送酒一流，唔會好乾

是日尖子帶路, 到訪九龍城的漢記. 假期晚上九時正到達, 場內只有兩三成滿, 可入即入座. 店內裝修簡單, 燈光光猛, 地方尚算乾淨企理. 看看menu, 點選了泰式炸蝦餅(HK$68), 泰式濕炒河(豬)(HK$55), 泰式青咖哩(雞)(HK$70). 泰式炸蝦餅, 有八小塊, 分量不少. 試一口, 蝦餅外層挺香脆, 略為燶了丁點. 蝦肉也算彈牙, 但鮮味一般, 水準普通. 泰式濕炒河(豬), 鑊氣略為不夠, 整體不夠惹味, 感覺普通. 泰式青咖哩(雞), 這個不錯, 只是丁點辣, 味道夠香濃, 跟飯吃一流! 原本想吃串燒, 此店竟然沒有提供. 吃飽飽要回家了!

之前係深水埗食開一間美味又抵食泰國菜館，唔知咩原因結了業再食唔番。

有日搭車經過九龍城在車上見到一間舖有同名同招牌款泰國菜館，晚上回家查獲電話📞去問一問原來係深水埗食開果間，跟著就相約家人再嘗，與之前味道一樣噤好味，終於找到啦！ 今晚訂位再嚟有另一番味道，老板娘親切介紹食一新菜式：芒果魚，她詳細介紹食材係青芒果配炸鰂魚，聽落本人唔太喜歡，因爲我係唔食淡水魚，她極力推薦所以叫了一碟試試，上菜時有喜出望外感覺，外觀，食落口一點（聲）味也沒有，魚夠脆肉嫩滑，芒果絲同配菜味道恰當。

另外叫左海鮮冬蔭公湯材料非常豐富，酸辣味道，泰式拼盤有蝦餅鮮味，春卷脆，串燒有肉汁，泰式鳳爪各有特式。

蟹肉炒飯材料豐富，咸魚炒芥蘭唔太油膩爽脆。

燒牛肉都係新嘗試，肉質嫩而不鞋有燒烤香味。

另外龍眼冰同椰青都是每次指定會叫飲品清甜好味。

老板娘親切介紹，可惜舖位位置不在九龍城食街當旺位，處於人流小街位這是最令我覺可惜的，味道絕不遜色。

新開係九龍城既泰餐廳一入去得老闆娘識講廣東話其他都係講泰文初初諗住無咩人食實好伏叫左幾樣野 份量足 野overall 都好味冬蔭公湯、蝦餅同豬頸肉係推介既👍🏻最最最驚喜係佢有象啤既生啤都係$30 大大杯👻👻👻👻👻👻👻超抵！老闆娘仲送左個自家製炸蝦片比每一檯So far叫左碟金邊粉 好大碟👍🏻拼盤 即炸 好食👍🏻冬蔭功湯半打串燒兩杯啤酒埋單$450😇性價比算高叫太多，兩條友食唔晒要打包😋

推介大頭蝦$178一隻，新鮮燒得剛剛好，非常好食，另外其他食物質素也好份量夠大，沒有加一服務費，抵食。

據說由觀塘瑞和街街市搬來的，但星期天晚上到來人流也不算多，可能新開張關係，我經過時也沒有留意到，反而是給門外放置的大頭蝦吸引進去，一試覺得物有所值，大家不坊去試試。

漢記泰國菜餐單提供泰國菜, 海鮮, 串燒等推介美食位於九龍城區，餐廳座位數50人均消費約$51-100，結賬可以用現金，Booking訂位可以電話致電 27186662 查詢。

您對於九龍城餐廳「漢記泰國菜」有何 comment？

漢記泰國菜餐廳詳細資料：

• 漢記泰國菜地址:
  九龍城太子道西428號地舖
  Hon Kee Thai Restaurant, G/ F,428 Prince Edward Road West, Kowloon City
• 漢記泰國菜電話: 27186662
• 漢記泰國菜價錢: $51-100
• 分類: 泰國菜, 海鮮, 串燒
• 座位: 50
• 付款: 現金
• FB專頁: 漢記泰國菜 Facebook

更多漢記泰國菜相關資料:

• 漢記泰國菜分店
• Youtube
• Facebook
• Twitter
• Google