泰之選泰國菜館 九龍城

泰之選泰國菜館 評價 相片

好味船麵, 要再嚟•湯底濃但係唔會係杰身，面底可以揀河粉，金邊粉和米粉，我覺得米粉最好因為可以索晒啲汁，呢款係豬肉船麵，勁鍾意去啲香料味，個湯帶點辣味，仲有好多芽菜和通菜，成件事都好夾，同灣仔食開嗰隻係唔同style ,我又好like 呢款喎，比起灣仔嗰間又平好多，又唔使排隊，真心推介！原來舊舖喺福佬村道聽聞嗰時係最最最好食呢！叫咗個木瓜沙律，加鹹蟹，咁先係正宗泰國沙律，配埋個冰凍椰青，perfect meal 😍

去九龍城梗係食泰國菜啦！跟朋友推介黎呢間餐廳食晚飯。

聽朋友講，這個舖位是新的，可能人流比舊舖位少咗。

我當晚去食晚餐也不是很多人。

但食物很值得推介！有是日推介，如果岩胃口既就好抵食！先來一杯青檸梳打，去泰國餐廳必定要這隻梳打水！炸蝦餅，厚肉！點酸甜醬好夾！生菜包，點左小辣，易入口炒金邊粉，略嫌唔夠香口燒豬頸肉，我最愛！半肥瘦，外脆內軟，食到停唔到食食下陸續見到好多泰國人成間餐廳變咗講泰文😂😂兩人埋單唔駛$400

其實第一次食船河，就算之前去泰國玩都冇試過見到yoko介紹講到好正咁，就去試下，但對新界既人來講真係好難去😂😂入到去環境就一般啦，不過可以接受既老闆娘係泰國人來，小店生意，我地下就去食，人唔算好多。

。

雖然咁遠來到，不過值得既，真係勁好食！個湯好濃好正🤤🤤但冇咩味精，食完唔會覺得好口渴，超正！入面有豬肉有菜有肉丸同炸豬皮，好多料！而且係闊河粉來，好好味丫！午餐連飲品$45 ，又平又好食，下次一定再來幫襯！

呢間嘅舊舖係＂泰屋＂，最後搬咗嚟呢度。

舊舖泰菜都係叫＂泰屋＂，不過唔係同一間。

新舖細左，但d椅子好坐左，Menu 都仲用緊舊嘅，所以仲係寫住(泰屋），樣樣菜式都好味，最推薦嘅菜式係船麵、燒雞、燒魚蝦餅(比之前食細咗…，不過都ok)船麵必食！蒜蓉包燒雞必食‼️正

1，船河（$40）朋友極力推介，講到天上有地下冇咁好誇張，點知我一食就師父明白了，豬皮爆脆，湯底好濃郁到不得了，食得出落足心思同工夫，鍾意食泰國嘢嘅人一定會鍾意呢種重口味。

令我對船河呢樣菜式有全新體會，原來船河可以咁好食，食完返唔到轉頭，其他店的船河我而家都睇唔上眼了。

食完仲肚餓咗，唔係因為太細碗，係因為食完後太開胃。

呢碗船河係份量十足，唔係細細碗仔嗰啲，午市連野飲都係四十幾，佛心價啊。

2，由於船河太出色，所以有日夜晚又去食。

冬蔭功（細碗$68）：細碗都好大碗，有船河隻碗咁大，咁抵食都有嘅泰國燒雞（半隻$88）：皮脆肉嫩，香噴噴，甜酸醬正鹽燒烏頭（$158）：即叫即燒，大大條烤餅：鬆脆，menu唔見有，但係有得叫嘅3，閒日每日有一款特價餸，比正價平好多，我食嗰日係泰式咖喱蝦（原價$198，特價$128），平咗70蚊，但仍然非常大碟冇縮水，又好味，蝦爽口不霉，咖喱香甜不辣。

4，話說食剩好多咖喱汁，打包咗返屋企，我媽加咗啲豆腐落去，又食多餐，好味！5，咁落力介紹，係因為好食抵食，泰國人老闆娘好nice好好人。

朋友話呢間舖以前叫「泰屋」，後來又搬咗兩次，搞到舊客都唔知去咗邊。

好似仲未好多人認識呢間舖，我好想多啲人去懲罰佢，希望更多人食到好似我咁興奮咁開心，食完好似去咗一轉泰國咁6，總結：實在太傑出，間舖應該改名叫泰出色利申：真係中非打

泰之選泰國菜館餐單提供泰國菜, 海鮮, 咖喱, 串燒等推介美食位於九龍城區，餐廳座位數40人均消費約$51-100，結賬可以用現金，Booking訂位可以電話致電 54106228 查詢。

您對於九龍城餐廳「泰之選泰國菜館」有何 comment？

泰之選泰國菜館餐廳詳細資料：

• 泰之選泰國菜館地址:
  九龍城城南道3A號地舖
  Thai Long Sim, G/ F,3 A South Wall Road, Kowloon City
• 泰之選泰國菜館電話: 54106228
• 泰之選泰國菜館價錢: $51-100
• 分類: 泰國菜, 海鮮, 咖喱, 串燒
• 座位: 40
• 付款: 現金
• FB專頁: 泰之選泰國菜館 Facebook

更多泰之選泰國菜館相關資料:

• 泰之選泰國菜館分店
• Youtube
• Facebook
• Twitter
• Google