和記隆 九龍城

和記隆 評價 相片

朋友介紹呢度有正宗既潮州餅，咁入去揾吓啦，點知乜野餅都無，得返糖同包裝餅，仲有個白皮餅。

唯有買下，個後生仔店員話啲餅係大陸一期期咁運落黎，咁岩呢水既賣曬，幾時再返餅未知。

店內有其他包裝既糖同餅，我就買左包花生酥懷舊一下以前家鄉的味道。

呢度好多不同舊式唐餅，平時好少見，有炒米餅，有雲片糕，仲有好多隻花生糖！花生加芝麻合桃得得，細個都成日食。

估唔到而家仲有。

今日到sogo地庫超市購買潮式月餅。

銷售呀嬸銷售態度極度惡劣, 語氣甚為不爽, 黑口黑面!!!作為消費者, 有挑選的權利, 同時我真金白銀付錢去買, 而唔係你送盒月餅卑我呀!! 難度不可作挑選才買? 難度唔可比較下邊盒好d才買? 難度挑選一盒月餅皮鬆散作送禮/自用之用嗎？！上年特于九龍城門市購買他們的月餅, 2芋蓉, 2豆蓉。

但盒內里竟是3豆蓉1芋蓉, 放錯也算數!!!!!今次實在不吐不快,下次《一定一定》*不會*再想購買這月餅!!!!!同時, 打到店舖投訴, 接電話的女人毫無反應, 一味“哦哦哦”。

曬氣!!!!!!檢討同時提高改善員工質素, 貨品審核程序吧!!!!!!

夾心花生糖質地硬，甜味係死甜，無花生味，仲有油益味龍鬚糖超級失望，見到18蚊都覺得好抵，從未食過咁既質地既龍鬚糖，硬到石頭咁，完全無軟棉棉既感覺，好明顯係整完好耐乾哂個種，食左一啖已經吐左，完全食唔到，成盒扔左

是晚，到九龍城城寨風味飯聚，友人A早到，買了一包和記隆果仁糖給小妹，且拍下店舖和糖果照片以便小妹寫食評之用，超級窩心﹗小妹久聞九龍城和記隆老店的大名，據聞始創於1948年，在尖沙咀海防道經營糧油雜貨業務，於1969年因店舖拆卸而遷到九龍城城南道，轉為經營潮州糖果餅食，至今屹立香港超過半世紀，是潮州餅界首屈一指的老字號。

友人A素知小妹喜歡香脆富嚼勁的小吃，故買了一包以芝麻、花生、合桃和椰蓉等製成的果仁糖$15給小妹。

果仁糖以透明膠袋盛載，袋上寫有「和記隆」，旁邊有「Since 1948老字號糖果餅家」等字。

一包有8粒大小均一的果仁糖，分兩行整齊地排放在膠兜中，賣相不錯。

咬下，軟糖軟腍且不太甜膩，可是，芝麻毫不香脆，花生亦然，且帶陣陣厭惡且濃烈的油膱味，與「新鮮」兩字扯不上任何關係。

吃不下去，只好吐出來。

煞是奇怪﹗反轉背後一看，仍未過期，有效期至今年八月一日。

然而，見到「產地:中國」，心不免沉了下去。

小結：上網查閱，始知九龍城有兩家和記隆 – 一間位於打鼓嶺道的和記隆，乃友人A到訪的小店；另一家位於城南道，乃小妹心儀已久的，全名為「貴嶼和記隆餅家」。

為了求證兩間店是否有關係，小妹致電貴嶼和記隆餅家查詢。

先聽到一段電話錄音 「為了保障服務質素，以下對話設有電話錄音……」，接著，一名女店員接聽，並說出「貴嶼仔」三字。

一問，發現兩店是毫無關係的。

「貴嶼和記隆餅家」的老闆來自潮州貴嶼鄉，故有「貴嶼仔」之稱。

及後，老闆為了把貴嶼糕餅和家鄉美食文化傳承下去，就把「貴嶼仔」註冊，成為了一個獨一無二的品牌。

平時總覺得潮州月餅又甜又油膩今年有朋友送上一盒和記隆月餅來, 昨天就試左一個估唔到味道都唔錯.外層月餅皮用上千層酥皮包住蓮蓉及蛋黃外層既酥皮帶微微既牛油香夠鬆香, 再加上甜而不滯既既蓮蓉十分配合...只係覺得中間既蛋黃就略縑唔夠香口, 簡直可有可無.

和記隆餐單提供潮州菜, 唐餅, 朱古力, 糖果店等推介美食位於九龍城區，餐廳座位數未知人均消費約$50以下，結賬可以用現金，Booking訂位可以電話致電 23830052 查詢。

您對於九龍城餐廳「和記隆」有何 comment？

和記隆餐廳詳細資料：

• 和記隆地址:
  九龍城打鼓嶺道7號地下
  Wo Kee Lung, G/ F,7 Tak Ku Ling Road,, Kowloon City
• 和記隆電話: 23830052
• 和記隆價錢: $50以下
• 分類: 潮州菜, 唐餅, 朱古力, 糖果店
• 座位: 未知
• 付款: 現金
• FB專頁: 和記隆 Facebook

更多和記隆相關資料:

• 和記隆分店
• Youtube
• Facebook
• Twitter
• Google