台灣ET鹽水雞 (衙前圍道) 九龍城

台灣ET鹽水雞 (衙前圍道) 評價 相片

我去買果日係平日放工時間，雖然有人等緊要排隊，但係2位真係好快手，唔洗等好耐就可以攞。

最近咁熱，食冷盤就最岩，份量多，選擇多，味道岩岩好，唔會太鹼，雞幾滑，食落唔會好嚡，好乾。

老闆娘好好服務，又好傾，我第一次買唔知揀咩好，佢就介紹腐皮比我，本來唔打算要嚟款，但係既然老闆娘介紹就試一試。

試過真係好好食，老闆娘介紹無錯，值得推介，值得一試。

我都係第一次知道打邊爐中間有年糕果款叫麻吉燒><另外忡叫咗豆漿，豆味足，飲落唔會淡，唔會好似水咁。

總之值得推介，值得再幫嚫。

約咗朋友係九龍城按摩，可能因為落雨，竟然見到ET鹽水雞唔洗排隊，之前見元朗嗰間排成個鐘都食唔到，就即刻去買咗份黎試。

叫咗份1人餐再加冷麵同餸，本身想試吓加紫薯，點知已經賣晒，唯有下次先試店員推介甜不辣同菠蘿，應該菠蘿當造，加埋入去真係好好食 又甜又多汁！而甜不辣係同台灣食嘅味道一樣，好好食！腐皮甜甜地同鹽水雞都好夾再加埋少少辣，又發現左新大陸鹽水雞我驚雞胸會好難，所以要咗雞髀肉，同埋叫咗店員盡量走皮，店員都好細心咁盡量幫我但一份冇咁多雞皮，肥肉方面唔多，岩晒我呢啲追求健康嘅人貢丸同無骨鳳爪就無太大特別喺味道方面，我要咗微辣，但覺得下次試小辣會更惹味呢間鹽水雞比起其他地方嘅鹽水雞無咁咸，味道岩岩好

今日去開九龍城按摩 按完出黎都8點 周圍行下睇下食乜好… 行行下見到開咗間ET鹽水雞周街泰國菜館 見到台灣野都幾驚喜呢間好多分店..聽就聽得多 其實未試過一於買黎試下先，套餐同配菜都有好多選擇揀咗B餐 配菜就揀杏鮑菇 雞腎 同芭樂雞夠滑同入味 雞腎好爽脆 好食喎杏鮑菇正常操作..好食既都最好食就係芭樂 好甜！同調味非常之夾 3樣配菜佢係mvp招牌洋蔥夠爽甜 叫左小辣 好惹味..份量好多 對得住價錢.. 宵夜送啤酒一流 隻貓仔聞到香味都走過黎下次會再買

今日無意中路過見到九龍城剛新開咗間台灣ET鹽水雞，正呀！唔洗去葵廣喇😂最近天氣熱辣辣，最啱凍食鹽水雞！即買盒返去試。

選咗個一人餐加杯豆漿，雞髀+3配菜：芭樂、粟米仔、白云鳯爪，走蔥。

驚唔知食唔食到小辣，好彩老板好好人話BB辣都無問題咁就要BB辣啦(平時譚仔食10小辣😂）返到屋企即開餐！🥢份量都唔少豆漿幾好飲喎，豆味都濃甜度適中啱我口味！一嚟梗係試件雞先，驚喜喎！一啲都唔鞋唔乾，好嫩滑，雞皮仲爽口添！芭樂同鹽水雞好夾的，新鮮脆口，個汁更加帶出芭樂的甜味，絕配！粟米仔又係爽脆，索晒啲汁，入味好食白云鳯爪去晒骨，啖啖肉，正！我覺得個汁調配得好好，唔會太油亦唔會太乾得味粉，真心不錯已經諗定下次要再試其他配菜咁多款，有排試下次我要挑戰小辣

台灣ET鹽水雞 (衙前圍道)餐單提供台灣菜, 外賣店, 小食店等推介美食位於九龍城區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 64383218 查詢。

您對於九龍城餐廳「台灣ET鹽水雞 (衙前圍道)」有何 comment？

台灣ET鹽水雞 (衙前圍道)餐廳詳細資料：

• 台灣ET鹽水雞 (衙前圍道)地址:
  九龍城衙前圍道21號地下A3號舖
  ETG Chicken (Nga Tsin Wai Road), Shop A3, G/ F,21 Nga Tsin Wai Road, Kowloon City
• 台灣ET鹽水雞 (衙前圍道)電話: 64383218
• 台灣ET鹽水雞 (衙前圍道)價錢: $51-100
• 分類: 台灣菜, 外賣店, 小食店
• 座位: 未知
• 付款: AlipayHK,支付寶,現金
• FB專頁: 台灣ET鹽水雞 (衙前圍道) Facebook

更多台灣ET鹽水雞 (衙前圍道)相關資料:

• 台灣ET鹽水雞 (衙前圍道)分店
• Youtube
• Facebook
• Twitter
• Google