勤始皇 九龍城

勤始皇 評價 相片

午市來到, 一心想吃糖水, 怎知道沒有供應, 是否沒有人午市時份吃糖水? 算吧, 既然已坐底, 也有朋友是未吃飯的, 就一行五人試了以下點心, 再加一個飯.奶皇包: 7分, 點心是即蒸的吧, 等了十幾二十分鐘先有得食, 一開始來的就是個甜的: 奶皇包. 這裡的奶皇包是相當巨大, 看看以下照片, 就知道這個奶皇包的尺寸, 基本上是個籠到差點放不下.好久沒吃過傳統的奶皇包, 近年吃的都是流心奶皇包, 想不到這裡的就是傳統版, 個包夠鬆軟, 奶皇幾香, 在分配不均之下, 我一人吃了一個半, 但還算吃得滋味.鳳爪: 不喜愛吃鳳爪, 留給cheap兄他們主力去吃吧.蝦餃: 6分, 賣相不俗, 皮是厚了一點點, 蝦肉還算可以.窩蛋牛肉飯: 是朋友的午餐, 沒有試了, 不過單看牛肉, 實在跟吉野家的牛肉飯一樣. 幾奇怪, 竟然不是肉餅的形狀.燒賣: 6分, 幾大粒, 豬肉偏肥, 不過想一想, 其實是幾傳統的感覺.想吃傳統一點的點心, 這裡會是個選擇吧. 不過環境只是一般, 好像也沒有怎樣裝修過. 至於店名, 還是不明白為什麼這樣叫.

上週六，十分有幸能與歌神在龍城Neway一起K lunch! 不過K lunch這回事嘛，大家都知道其時間及食物水準是相當有限的，結果唱是不夠喉了，肚子也不太滿足。

反正食友有提議，甜魔聚餐前又來了這間新開的勤始皇打多場底。

這間店還真有點怪，起初以為是點心專門店，來到才知主要供應各類港式粉麵飯，場內連很基本的點心紙也久奉。

結果大家就憑阿姐的講解，隨便點了幾款大路的點心，包括：　蝦餃正常的大小，正常的蝦肉比例，正常的味道，總之一切正常。

由於是蒸得熱氣上騰的上檯，還是加了一點印象分的。

鳳爪據食友講味道不錯，可對於雞腳興趣一般，只挑了底下的芋頭來吃。

芋頭煮得不太稔，不過墊在底也沒有很多的油，算是OK。

燒賣當日被大家發現了我不吃豬肉燒賣的秘密，是的，我只吃魚肉燒賣，最愛是鴻福堂的杞汁燒賣!　窩蛋牛肉飯除各款咸點外，有未吃午餐的友人點了窩蛋牛肉飯，這蒸飯以鐵盅上檯，特別之處是用的並非牛肉餅或免治牛，而是肥牛片，收致成品酷似吉野家牛肉飯，我試了一片牛肉連味道也似，唯一分別是多了隻半生蛋。

據友人意見，味道也是可以，才賣$23也幾划算。

其實今餐最特別是巨大無比、一籠兩件的奶皇包，上一檯即引起大家嘩然，更有教友抵死提出這包十分似周秀娜，全場笑爆!! 　為了充份彰顯奶皇包的「澎湃度」，忘了是誰的主意又將巨包與ipod放在一起作相比，哈哈! 仔細一看，包身上還有可疑的凹位，是不是阿廚也忍不住啊? 由於一籠只得兩個包，後來大家再追加一籠娜姐奶皇包，想不到第二籠比第一籠更逼爆又big爆! 為奶皇包的份量驚訝完畢，也是時間試試其味道，這包是是傳統餡芯，沒有流心效果之餘餡芯也不太多，味道倒是幾香甜純正的。

其實食友還對這裡的燉甚麼糖水很有興趣，不過午市又是沒供應，唯有早早埋單，然後正式展開兩場龍城甜食記! 今餐埋單只需$100，相當經濟抵食，想平平地吃頓午餐又或吃個大包的，這裡是個選擇。

放工例行公事，食糖水今日黎左勤始皇，坐位舒適，地方寬敞，光猛乾淨，坐了很久也不想離開。

食左個綠豆沙（$15），好足料，豆同水的比例恰到好處，又不太甜，十分專業，比其他糖水舖好得多。

聽說這裡的合桃露和杏仁露才是主打，一問之下，這裏的廚師為以前尖沙咀糖朝出身，怪不得有這麼高水準。

下次再來

14112010從 Openrice 的「最新餐廳」一欄見到九龍城開了呢間新店, 睇落仲好似糖水 / 小菜 / 粉麵乜都有供應, 是日捉了兩老晚飯嚟試試.叫了 3 餸 1 飯 share 食, 另一人一碗糖水各自食, 好客的老闆 (?) 最後又不斷「畢」了多款糖水請我哋試食 結果當然食到超飽, 不過整體質素其實十分麻麻, 詳情如下:薑蔥花雕炒蝦:中蝦係「原隻」煮, 連「鬚都」無「剃」食落淡而無味, 不過肉質尚算爽身, 起碼都新鮮的; 碟底汁液呈水汪汪的橙紅色, 食落就係蝦膏/油 + 水的味道, 算不上惹味; d 蔥就幾老, 不過起碼食到「炒過」的味道, 叫幾香口吧.蝦醬蒸頸肉:serve 時聞到輕輕的蝦醬味, 食落口就反而無, 奇怪?豬頸肉賣相似肉片多 d , 以「肉片」來計質地就幾爽口, 不過作為「豬頸肉」就唔多掂了; 碟底有大量粉絲, 索滿油及少少蝦醬味的肉汁, 唔係唔好食, 但實在比較油膩, 淺嘗好了.節瓜蝦米粉絲煲:叫餸食飯點都要有菜吧, 諗住呢味會清淡及穩陣一點就叫嚟試試, 點知嚟了一鍋 "sizzling" 的 , 睇真 d 亦果然好多油, 食落就更加啦 蝦米較硬不過食落幾鹹香, 節瓜就軟軟的, 粉絲亦太腍身, 加埋索油豆卜, 算吧啦. 瑤柱蛋白炒飯:上檯時已「立立令」, 飯粒食落夠熱但欠鑊氣, 而且實在炒得太油又較濕, 唔係好掂; 蛋白正正常常, 瑤柱就夠味的, 但咬落奇硬 呢碟炒飯絕對係浪費 quota 之作, 早知叫碗雲吞麵就算. 糖水揀了蓮子杏仁露:杏仁露的確幾香天然杏仁味, 質地幾滑溜, 甜度亦剛好, 不過蓮子 (初時嚟錯了普通杏仁露, 蓮子係後來老闆補返俾我的) 有無硬 d 呀, 食落仲有苦味, 想點 試了少少阿媽 order 的山水豆腐花, 豆味叫有, 但質地嚡到呢, 咁樣拎出來見人? 阿爸就叫了蕃薯糖水, 不過佢喺我諗住試之前已經成碗「隊」晒, 應該都唔差吧.而「試食」的就有芝麻糊及合桃露... 老闆好 proud 咁話前者係「新鮮磨」, 質地較「稀」係因為「無落豆粉水」etc, 但我食就只覺得芝麻味好淡, 而且唔夠甜 (太甜梗係唔得啦, 但芝麻糊唔甜點會好食?); 後者就同杏仁露異曲同工, ie 質地幾滑溜, 甜度剛好, 合桃味亦清香, 算比較好的一款.呢度明明新開張不久, 環境卻有點殘舊, 而且唔知點解覺得好大陸 feel 老闆就十分熱情好客, 見你食完嘢仲會問你對食物的意見, 不過你答佢「炒飯比較油」, 佢又會話返你「炒飯要油先炒到0架」 又講埋 d 咩「其實小菜其次」, 因為佢哋「主打」的係糖水 (吓? 咁你開糖水鋪算啦!), 而家做埋小菜都係「徇眾要求」云云的「偉論」, 聽到哭笑不得之餘, 亦沒好氣再理佢了.埋單每人約 $90, 雖然老闆 (?) 話齋,「小菜其次」, 但成餐飯基本上無一樣嘢係真正滿意的 (連佢引以為傲的「主打」糖水, 都輸福佬村道「地茂」糖水鋪幾條街!), 再來的興趣絕對係「零」.後會無期!

九龍城真係好多野食，揾到間新開的鋪頭，就唸住試下我2個人叫左雲吞麵 雜醬麵 烏江豆腐花雲吞麵湯底好正雜醬麵好有Q啊，勁好味烏江豆腐花 滑漉漉 好有豆香味依家係香港真係好難揾到咁正宗既豆腐花

勤始皇餐單提供粵菜, 廣東, 粉麵, 米線, 甜品, 糖水, 中菜館等推介美食位於九龍城區，餐廳座位數80人均消費約$50以下，結賬可以用現金。

您對於九龍城餐廳「勤始皇」有何 comment？

勤始皇餐廳詳細資料：

• 勤始皇地址:
  九龍城城南道72-74號
  Emperor, 72-74 South Wall Road, Kowloon City
• 勤始皇電話:  
• 勤始皇價錢: $50以下
• 分類: 粵菜, 廣東, 粉麵, 米線, 甜品, 糖水, 中菜館
• 座位: 80
• 付款: 現金
• FB專頁: 勤始皇 Facebook

更多勤始皇相關資料:

• 勤始皇分店
• Youtube
• Facebook
• Twitter
• Google