九龍城海鮮火鍋 九龍城

九龍城海鮮火鍋 評價 相片

經朋友介紹，家姐生日黎呢間餐廳食飯，黎到先知原來以前有黎過打邊爐，但裝修過，環境比以前舒適，企係門口個陣有個男人同我地介紹魚缸入面既海鮮(後尾先知原來係老闆黎😂😂)，今次先知原來上面仲有一層，安排左坐vip房，非常適合我地呢d咁嘈既人😂😂澳洲龍蝦刺身！勁鮮勁甜！係個魚缸第一眼就俾呢隻龍蝦吸引左我既目光，勁大隻！再黎個紅由刺身，夠薄好鮮甜，有魚缸果然唔同d象拔蚌刺身，淨係食刺身都食到飽😂😂鬼蝦沙律，估唔到兩隻蝦都咁多肉！椒鹽鮑魚，本身諗住新鮮鮑魚蒸好食，但老闆話椒鹽都好食就試下，夠淋夠多汁，唔錯唔錯！呢個又係老闆推介既避風塘茄子，入面釀左蝦膠，外脆入面好多汁！正！再黎個避風塘炒蟹，好香，可惜我唔食得😂😂仲叫左個雞煲食，原來個雞煲係老闆炒既，果然係招牌菜！又香又足料，叫左一隻雞，個個都唔夠喉，因為大家都係愛雞之人😂😂，下次要叫夠兩隻！😤😤老闆知道我地有人生日，送左壽包俾我地食，但可惜太飽，食唔晒😂多謝晒老闆！真係又好食又驚喜！

公司想搞function 咁岩fd搭fd 介紹後 黎左呢間九龍城海鮮火鍋 原來老闆林生岩岩接手 風格同裝修都唔同哂 今次我地一行十四人 老闆林生安排左間大vip 房比我地 房夠大 裝修又靚 另外有麻雀打 招牌椒鹽鮑魚 面頭炸到好香脆 咬入面又好鮮甜招牌椒鹽瀨尿蝦 又係新鮮炸起 瀨尿蝦肉勁鮮個個都話正招牌脆皮豆腐： 本來冇諗住試 但經林生極力推薦 最後都叫左 上到枱真係有驚喜 豆腐炸到外脆內軟送酒、小食一流水煮沙巴躉 新鮮劏起既沙巴 再吸收埋d 麻辣汁 好好味 送飯都好正 仲要有薯粉係底下  岩哂鐘意食辣既朋友招牌沙薑雞腳 ：雞腳夠淋 又有沙薑味！招牌避風塘茄子 ：入面有蝦膠 茄子炸到脆卜卜 極力推薦！

馬友凍食, 馬友夠大, 油香味濃, 最好食就係皮位. 我覺得好食過上次喺度食既黃腳臘.金不換炒薄殼, 好惹味. 肉滑, 可惜肉太細.花錦鱔煲, 裏面有豬骨, 冬菰, 菜. 可能食開紅燒同炆既食法. 所以唔係咁鐘意依個食法, 好似好浪費條鱔.荀, 好入味豬仔腳凍, 無味, 可以不食.咸豬肉炒飯, 飯炒得好好, 乾身得嚟有少少濕潤, 同咸豬肉好夾.滷水鵝肝拼鵝腸, 我食果件鵝肝係最滑, 其他差少許. 鵝腸爽囗唔算太肥.水瓜洛, 可能佢唔係用平地鑊煎, 所以側邊位比較香脆, 中間位置較多汁.潮州白菜肉碎魚旦, 豬肉丸. 豬肉丸味香濃. 魚旦今次普通左啲.白灼獅蛤, 洗得好乾淨, 四成熟左右, 可能係河口附近掘, 所以味道不太咸. 不過確係好鮮味.

係5月同朋友打過邊爐，好鬼難食，心諗絕對唔會再食。

尋日見佢好似裝過修又舞龍舞獅咪入去試多次，完全唔同左，多左小菜食，啲小菜仲要係水準之上👍👍👍好幾款炸既餸都唔油，非常香口，個豬手都好好食，成餐飯十幾個餸冇一個唔滿意，正呀!

第一次黎呢間恰吖恰😋上網睇黎呢到一定要試海魚仔湯底所以物都未諗就點左先！之後諗住點龍蝦刺身比mama食喇，點知是日龍蝦無😖象拔蚌無😖已經有啲失望得啲魚刺身但望落個刺身櫃好似無發過市又無人企喺到切嘢，怕食人水尾所以無原隻嘅嘢完全唔敢叫囉😂😂又諗衰野啦我😂😂呢個時候白雪雪嘅湯底已經令我眼前一亮😻好心急等水滾呢？先試下啖湯底eeeeEeee唔錯woo好鮮魚味應該堅係用左好多🐟去煲既！之後叫左份好似二百零蚊嘅牛肉同龍𧄌都好新鮮！桂花蚌都夠大隻起碼5怕恰左揾唔返🙊唔錯！其他芝士丸吖、菜吖、無物特別！可能飲左太多湯已經唔太食得落嘢🙈希望下次黎個湯可以keep住水準同多返啲刺身喇！如果刺身櫃位光猛啲更好

九龍城海鮮火鍋餐單提供港式, 火鍋, 海鮮等推介美食位於九龍城區，餐廳座位數110人均消費約$101-200，結賬可以用Visa,Master,現金。

您對於九龍城餐廳「九龍城海鮮火鍋」有何 comment？

九龍城海鮮火鍋餐廳詳細資料：

• 九龍城海鮮火鍋地址:
  九龍城打鼓嶺道70-72號地下
  Kowloon City Seafood Hotpot, G/ F,70-72 Tak Ku Ling Road, Kowloon City
• 九龍城海鮮火鍋電話:  
• 九龍城海鮮火鍋價錢: $101-200
• 分類: 港式, 火鍋, 海鮮
• 座位: 110
• 付款: Visa,Master,現金
• FB專頁: 九龍城海鮮火鍋 Facebook

更多九龍城海鮮火鍋相關資料:

• 九龍城海鮮火鍋分店
• Youtube
• Facebook
• Twitter
• Google