三和田日本料理 九龍城
地址: 九龍城福佬村道65號地下
最後更新:
三和田日本料理推介
午市放題$56 任食壽司刺身
晚市放題由入座起2小時$118 任食壽司刺身、任飲
九龍城三和田日本料理
| 餐廳分店 | 三和田日本料理 |
|---|---|
| 地區 | 九龍城 |
| 電話訂位 | 沒有電話提供 |
| 餐單 Menu | 日本菜, 壽司, 刺身 |
| 人氣指數 | 904 |
| 價錢幾錢 | $51-100 |
三和田日本料理訂位位於九龍城區，詳細地址是九龍城福佬村道65號地下，餐廳寬敞座位數目共有40個。三和田日本料理幾錢？價錢優惠後人均消費大約$51-100埋單，早餐午餐晚餐三和田日本料理餐單包括有日本菜, 壽司, 刺身等美食，付款方式有Visa,Master,現金付款。
三和田日本料理優惠
三和田日本料理 評價 相片
九龍城離返工地點稍遠，只有長假期前後冇甘多嘢做先食過黎。
本來想試對面新開既韓國店，可新開張，太多人等位，所以轉左黎呢度。
呢間嘢第一次黎，係公和荳品隔離，外面同入面裝修都有啲殘舊，聽同事講佢係附近放題始祖之一。
佢第一樣吸引我既係個價錢，廿幾三十頭一個餐，仲包汽水，真係好耐見過甘抵既價錢！款式都算多，有拉麵、定食、刺身、壽司、飯類。
我今日想試下親子丼，因為好掛住半熟蛋既口感。
等左大約十分鐘，大大碗既親子丼黎到！個份量真係冇得挑剔，鋪滿飯面，厚厚一層；個蛋應該係同雞扒快兜就放係飯面，所以感覺有啲亂。
侍應既姐姐拎過黎，擺係我枱面個陣，忍吾住講左聲，嘩！好靚＿佢指個半熟蛋。
我都覺個蛋既凝固狀態幾好，但我幻想係平時就甘打隻蛋落黎，自己撈個種境像會比較好睇啲。
我先試下佢既雞蛋，已經接近熟，冇咩話好吾好食。
反而個雞，好鹹！！！落大多汁喇，滲埋落飯度，想食啖白飯中和下都冇，但肚餓都係照食。
食到一半，我已經好飽，又好鹹，係甘飲茶。
到我地埋單個陣，個姐姐叫返我地轉頭話有汽水送！又吾早啲講，都食哂，埋埋單！！無奈！
近來老婆工作辛苦, 而知道她想吃刺身, 故帶她去我以前去過的深水埗三和田吃午間放題. 怎料, 去到見到原來已經結業, 多失望! 幸好老婆沒怪我. 更陪我於晚上再去九龍城分店"報仇".無可置疑, 店子的格局不太日式, 但這點無礙我們的"報仇"大計. 先來各種刺身, 有: 三文, 甜蝦, 北寄貝, 吞拿....等. 種類不少, 亦很新鮮, 尤以三文及甜蝦取勝.飲品是自取的, 我相信沒有那幾間有這麼多選擇, 有啤酒 (2種) 及多款汽水, 哈! 竟然有老婆的至愛 青蘋果味汽水, 另, 更有無限供應的冷熱清酒, 簡直是愛喝者喜訊!他們的前菜, 蟹籽沙律, 中華沙律, 海哲, 很清新和爽口, 一定耍試!燒物做得不錯, 特別是雞腎, 雞軟骨, 多春魚, 冬菇, 牛肉為皆. 加上惹味的燒汁, Oishi! 燒青魚及秋刀魚的味道與賣相均皆. Tempura 也做得香口, 亦不太油, 蝦炸完後肉質鮮甜及爽脆, 好吃! 由於我倆食量有限, 只叫了極少量壽司, 更完全沒要煮物, 飯或烏冬, 但已是十分滿足. 而且, 他們的招呼也很熱誠和勤快, 亦有禮貌, 值得再來!
放咗工好大壓力, 想食日本嘢去減吓壓.....點知壓力重大, 因為食得太飽午餐30幾: 飯當或湯麵 加 三文魚壽司或刺身個燒雞飯當同個湯麵唔係話特別好好食, 一般般的OK。
但係底食既, 同埋個份量係多的。
還叫咗啲其他壽司同南瓜天婦羅壽司Good! 三文魚刺身好新鮮。
甜蝦壽司好底食, 因為有三隻蝦做一舊壽司。
個蟹子軍艦好大舊, 一般既一舊一口都可以 但佢呢個一口咬真係食唔到。
而且啲蟹子同飯既比例係真係一半一半 唔會話飯多過料。
佢舊壽召飯真係比一般既大舊, 睇得出的, 但飯既質感其實欠佳, 有點過急煮熟飯 粒飯中間有點粉粉地既質感。
南瓜天婦羅味道OK, 只係炸得唔太夠。
咬入口成舊南瓜都好熟, 有點先煲後炸的口感。
睇門面，這餐廳絕不像一間食日本料理的餐廳，因為實在和一間茶餐廳冇分別。
是日食放題，一行8人。
這是平日的晚上，入座率約只有三成，非常冷清。
點菜的紙得2張，選擇唔多，但壽司、刺身、串燒、鍋物都有齊。
刺身﹕有北寄貝、八爪魚、白拖羅、三文魚、甜蝦等，上得好快，叫左一陣就有得食。
由於本人唔食魚類刺身，所以唔知咩味，但見佢d三文魚就切得好厚身，睇落去的色澤都唔錯既，男朋友說好味~佢話最正係白拖羅，口感好rich~我就淨係食左北寄貝、八爪魚同甜蝦~都算新鮮，但甜蝦唔知點解冇乜甘甜的蝦味...整體刺身而言我會俾到67分。
蟹粥﹕完全係奇怪味。
一d蟹味都冇，完全唔明點解叫蟹粥，蟹柳都唔見得有一條...=.="除左味精味，完全食唔到用咩黎整，好吊詭，仲要味精得黎係難食既。
我只能夠俾佢1分。
壽司﹕用四個字形容，送俾佢「不知所謂」。
d醋飯整得好差，味道古怪，而且d米都硬硬地。
叫左個帶子壽司，片帶子薄到透光，而且勁勁勁細片，我諗都有半隻手指公咁大片既~食落去完全唔知咩味，係零味道既~!!鰻魚壽司d鰻魚係乾既，完全冇汁~!!!都係果句，不知所謂。
俾2分佢。
鰻魚炒飯﹕用左極少鰻魚粒同雜菜粒炒，成碟飯都係豉油色既~~雖然唔係好食到有鰻魚味，但個味道其實都ok既，喊喊地帶輕微鰻魚味。
都俾到6分。
銀鱈鍋﹕鱈魚係冇味既，成個鍋除左幾舊魚，全部都係雜菜，而且冇乜味，d湯係水既味道加左鹽咁囉。
4分~!!牛仔骨﹕好韌.,....味道還可以，都幾入味，正常，但真係好韌.....4分其他已經自動忘記左食過d咩啦....實在一d都唔難忘......全部都係45分......唔多記得.....飲品都係任飲，除左正常既可樂、七喜之外，仲有好多奇怪野，例如罐裝涼粉爽.....見到但我冇飲.....服務都ok啦~都有收下碟，叫佢落單都會應你既~正常啦~每人$148~唔使加一。
唔好要咁高，都可以食到好飽既，就係好飽囉，味道千其唔好有要求。
:點解會有一間日本食肆會有咁低水準連最基本三文魚刺身都無味,甜蝦同所有刺身都唔新鮮,咁劣質的食物都可以攞出來供應.....其他食物試完一啖巳經唔想再食....最慘係我唔想浪費食物,但是我真的没有勇氣吞下去,,老闆.請你不要這樣做生意........:l:因為好難得先可以同我最心愛的阿儀去食飯........
三和田日本料理餐單提供日本菜, 壽司, 刺身等推介美食位於九龍城區，餐廳座位數40人均消費約$51-100，結賬可以用Visa,Master,現金。
您對於九龍城餐廳「三和田日本料理」有何 comment？
三和田日本料理餐廳詳細資料：
- 三和田日本料理地址: 九龍城福佬村道65號地下 San Wo Japanese Food Company,
- 三和田日本料理電話:
- 三和田日本料理價錢: $51-100
- 分類: 日本菜, 壽司, 刺身
- 座位: 40
- 付款: Visa,Master,現金
- FB專頁: 三和田日本料理 Facebook
更多三和田日本料理相關資料:
香港餐廳2026推介9月