麥兆記(祖傳)廣州雲吞麵 (機利文街) 中環

麥兆記(祖傳)廣州雲吞麵 (機利文街) 評價 相片

曾經被我喻為全港最好食的「中環麥兆記」雲吞麵鋪，充滿回憶的地方即將在31號結束，結束前來緬懷下，果然如我預期，就關門質素就下降。

當日出菜極慢已無需介懷，食物實在令我懷疑人生！「祖傳蝦籽雲吞麵」蝦籽一如往昔十分香，但份量明顯少了，麵煮得過生，但我又不可浸麵入湯浸泡，否則蝦籽流失，浪費精粹！只好硬著頭皮食了上面帶蝦籽的”生”麵。

而雲吞竟然有兩粒有燒燶味道，另外兩粒都明顯不夠新鮮，今日的湯亦比以前落胡椒重手了，搶了湯本來的鮮味「腰潤粥」粥底一如以往十分香甜錦密不”些”水，豬腰新鮮無豬騷味口感爽彈，但我最愛的豬潤令人大失所望，得兩塊就算，其中一塊老到不得了「白灼芥蘭」雖新鮮但未熟，硬過我條命，前題我已有講”煮淋啲”「白灼鯪魚球」反而有驚喜，有魚味陳皮味但毫無魚腥味，口感似肉丸，鬆軟但彈牙，配上薑蔥和辣椒豉油好正👍🏻但下邊的菜底一樣硬到食不了「炸醬撈麵」水準之作，麵淥得剛好，味道調較亦十分惹味，麥兆記的麵確實夠脆👍🏻「白灼豬潤」為了挽回豬潤在我心目中的失望，又叫多份白灼豬潤”走菜”，真心被煮不熟的硬芥蘭嚇怕了。

而今日的豬潤，事實證明真是太差，不嫩亦勁多筋。

我亦見隔離枱好多人有被漏單的情況，嘆息有些事物過去了就沒了，今時不同往日，無任何事會永久，珍惜眼前

📍麥兆記(祖傳)廣州雲吞麵中環機利文街48號德享大廈地舖.🤓祖傳鮮蝦雲吞麵💰$48.low value of money.有好多麥X記冚巴冷都係同一個家族分家出黎姐係譚仔同三哥啲friend呢間係麥奀個女開嘅簡單家族關係圖：麥煥池＞麥奀＞麥兆.雲吞麵鋪最出名嘅無理由唔係雲吞麵聞到蝦籽好香 但叫咗最經典嘅細蓉細細碗麵with 4粒雲吞雲吞皮又薄又滑 但可能因為咁樣取捨之下雲吞都係偏細粒 同coin差唔多size一粒得隻細蝦仔 偏塌塌 唔飽滿 無啖啖蝦肉嘅感覺麵底係好食嘅相比各類粉麵鋪 麥兆記高下立見.貴精不貴多呢間嘢中咗40%無錯 就係貴 仲要唔飽㗎囉呢個價 過對面街會有抵食又飽肚嘅選擇

我老媽子好鐘意食細蓉。

我自細就跟住佢去食佐敦麥文記，係真係好正好好食！宜家幾十歲人自己周圍去食吓嘢，發現中環呢間麥兆記都好正好有料到！！細蓉加蝦籽！真正銀絲細麵冇苦味，鮮甜濃厚滿滿地魚味蝦湯底，再加炒得香口嘅蝦籽~正呀！！銀絲細麵、散尾全蝦云吞🤤，一口一粒又香又爽！！完美還原以前西關正宗嘅云吞麵，正呀！

好耐冇食這間雲吞麵店，因為有時覺得一碗食唔飽。

但係又好喜歡他們的竹升麵，超爽，乾身，沒有鹼水味。

湯底清甜，同雲吞麵十分夾。

好想懷舊廣東竹升麵一番，不時又返嚟再食，回味吓。

唔知點解，雲吞麵檔的芥蘭特別好味，叫了腩汁芥蘭，好入味。

23/7/2020 周圍食系列 ： 中環麥兆記［祖傳］廣州雲吞麵，分普通和大碗。

湯底：大地魚精華配濃重蝦籽味，鮮味十足，但味略重和偏咸，不過還可以接受；麵底：幼麵彈牙爽口，沒有鹼水味，麵絕對係優質；雲吞：皮薄，較細粒，有鮮味，剛好一口一隻，普通有4粒雲吞，。

總括來說好好味，值得一試，可惜普通真係較細碗，小朋友或女士可能夠，男士就必需叫大碗了。

難得來到加碗淨水餃，湯底如上，賣相吸引，口感豐富，比雲吞好吃。

兩款食物比起坊間潮式粉麵40元以下的，絕對是更為上乘。

麥兆記(祖傳)廣州雲吞麵 (機利文街)餐單提供港式, 粉麵, 米線, 粥品等推介美食位於中環區，餐廳座位數未知人均消費約$51-100，結賬可以用AlipayHK,支付寶,現金。

您對於中環餐廳「麥兆記(祖傳)廣州雲吞麵 (機利文街)」有何 comment？

麥兆記(祖傳)廣州雲吞麵 (機利文街)餐廳詳細資料：

• 麥兆記(祖傳)廣州雲吞麵 (機利文街)地址:
  中環機利文街48號德享大廈地舖
  Mak Siu Kee Traditional Wonton Noodle (Gilman Street）, G/ F, Tack Building,48 Gilman Street, Central
• 麥兆記(祖傳)廣州雲吞麵 (機利文街)電話:  
• 麥兆記(祖傳)廣州雲吞麵 (機利文街)價錢: $51-100
• 分類: 港式, 粉麵, 米線, 粥品
• 座位: 未知
• 付款: AlipayHK,支付寶,現金
• FB專頁: 麥兆記(祖傳)廣州雲吞麵 (機利文街) Facebook

更多麥兆記(祖傳)廣州雲吞麵 (機利文街)相關資料:

• 麥兆記(祖傳)廣州雲吞麵 (機利文街)分店
• Youtube
• Facebook
• Twitter
• Google