順景屋茶餐廳 中環

順景屋茶餐廳 評價 相片

一人做事來到中環, 找那豆腐店.......又唔開. 之後, 當然要找別的東西吃. 一個人, 不用就人家, 由威靈頓街尾行設頭, 看到這年多來, 中上環一帶, 食肆的變遷, 說大也不大, 但點都發現, 總有一兩間以前食過的, 已經搬走或結業.找不到有什麼心水餐廳, 就隨便找一間未食過的茶記, 最重要輕便, 簡單, 快趣. 猶疑了一會, 決定入黎呢間順景屋. 試一試吧.人其實病病地, 冇乜心機食野. 淡淡肉的實在沒興趣. 但身在茶餐廳. 好難逃過肉食呢一刧. 食比較簡單的, 就是魚, 一份塊塊配叉燒, 加粟米汁吧.簡簡單單的快餐店式配搭. 應該唔會點出錯. 不過份量方面, 就失望了少少. 不過阿Q地說一句, 病病地冇胃口, 反而剛剛好. 兩塊仔魚塊, 雖是淋了汁, 但起碼保持到香脆. 叉燒, 就是普通的來貨叉. 成碟野靠汁搭夠. $30, 此等普通貨式, 是病了味蕃試不出真味, 或是真係差少少, 是日, 好難客觀地分析.

連續3日都係掃番中環街市附近呢堆餐廳,反正咁多間,要逐間試絕非易事.今日一改2日的風格,並沒有去得獎及最多好食評的餐廳試,而係去左呢間本來得2個食評ge茶餐廳~地方方面,就都係搭檯架喇~梅菜豬頸肉飯:實在幾有趣的配搭,講真,我係見佢有菜先叫,因為好多都冇.梅菜同豬頸肉竟然成功地配合,滿意.沙爹汁豬扒撈丁:個汁唔點辣,豬扒香口,數量足夠有餘.檸茶有成8片檸檬@@"(見圖)凍利賓納有得揀用梳打沖.另外,有龍鳳檸樂,杯芽好立克等冇咁大路ge野飲.不過埋單果陣多謝都冇句.雖然呢度真係冇乜特色,但仍有佢可取的地方,例如款色多,等候時間短.13:30後炒面粉每個再平$2.

五月廿日(星期三)同老公今晚會去做gym,所以lunch吃點飽肚的東西!老公提議試試順景屋!我們次次都是過門而不入!店子小小,座位比較迫!要等一會才有位!老公本身想吃個set lunch,有义燒炒蛋飯!不過見到其他粉麵都是$30,就點了個干炒义燒意粉我要了個日式海鮮炒烏冬!老公要凍奶茶,我要了凍檸茶少甜!可能他聽錯是少冰!不過奶茶和檸茶都好飲,茶味夠濃兩個炒粉,我比較喜歡烏冬!料也十足!可惜比較油!但是都算不錯!會再來!

約了一班同行飲早茶，交換一點情報，本來行緊去蓮香，但忽然下起大雨來，寸步難行，唯有求其找個地方，避雨兼吃早餐，來了這裡。

人客不多，可能也是一場攔門雨的關係。

有一般的ABC餐選擇，但我卻給那個「特別推介」的早餐吸引過去，就是那個鮑魚火腿絲湯麵。

先來的湯麵，用了個清湯底，上面舖了鮑魚絲及火腿絲之餘，還有不少的青菜，感覺上是健康一點。

湯底幾清，喝起來也不像是味精湯底，這時才知為何此湯不配丁麵而配福麵，因為沒有味精湯底的丁麵，何來好吃？福麵又好像是好一點。

加上鮑魚絲及青菜，這個早餐也不錯。

還有那腸仔奄列，蛋皮薄薄的，腸仔也不是我喜歡的食物，加上油包，純粹填肚子。

再加杯咖啡，真的是飽一飽，廿蚊而已，很是經濟。

順景屋茶餐廳餐單提供港式等推介美食位於中環區，餐廳座位數未知人均消費約$0，結賬可以用現金。

您對於中環餐廳「順景屋茶餐廳」有何 comment？

順景屋茶餐廳餐廳詳細資料：

• 順景屋茶餐廳地址:
  中環閣麟街16號地下
  順景屋茶餐廳, G/ F,16 Cochrane Street, Central
• 順景屋茶餐廳電話:  
• 順景屋茶餐廳價錢: $0
• 分類: 港式
• 座位: 未知
• 付款: 現金
• FB專頁: 順景屋茶餐廳 Facebook

更多順景屋茶餐廳相關資料:

• 順景屋茶餐廳分店
• Youtube
• Facebook
• Twitter
• Google