車仔麵世家 中環

車仔麵世家 評價 相片

係上環要搵到平過40蚊既一餐真係唔易，仲要包埋野飲，同埋有咁多餸做選擇，呢方面完全無得輸！食到一半先記得影相，嗌左尤魚，牛栢業，油麵加底加腩汁，雖然加左底份量唔係特別多，但都唔少，d餸都有事先煮過，唔會完全無味；最欣賞係腩汁，夠濃食得出係淆出黎，所以都值得加！下午茶2點半到6點真係好抵，2餸1麵有野飲都係35蚊，3餸/2餸加底都係39蚊，係上環真係好難搵到呢個價錢，仲要連埋野飲（只係凍飲+2蚊），抵！

🤨真系有成年無食過車仔麵點解會咁耐冇食？總系覺得而家食車仔麵要有錢人先食得起🙊以前三餸最多咪廿零三十蚊⋯依家去食車仔麵冇$50你都唔洗踏出門口🤯不過前幾日睇到雪姨條YouTube 介紹車仔麵鋪搞到我都心思思想食最後決定打開foodpanda 睇吓公司附近有咩車仔麵店真系久違既車仔麵今次車仔麵叫左必食既油麵⋯而且仲好貪心咁叫左五餸🤣🤣🤣 OMG要破產了！蘿蔔、滷水雞翼、酸齋、柱候牛腩、炸魚肉春卷蘿蔔雖然唔係話好甜果種 但稱得上係好味嘅蘿蔔滷水雞翼 同柱候牛腩都炆得幾入味👍🏼炸魚肉春卷肉質比較實的的啲⋯酸齋味道都唔錯 唔會太酸亦都幾大舊 我中意♥️整體感覺都唔錯✨係可以再食嘅！

如非必要，其實係而家疫情底下，都應該減少外出用膳。

但係屋企個雪櫃真係乜都冇，唯有落街食個晏，再入貨補給下🤔 唔想阻到有需要堂食既人，所以食個快既車仔麵！車仔麵世家，平靚正！$55有五個餸仲包埋野飲。

特別推薦佢個豬腸/冬菇同豆卜。

不論係麻辣定滷水麵係咁好味，冬菇細細粒炆得好入味，然後豆卜應該同蘿蔔放埋一齊煮，所以豆卜有蘿蔔清甜既味道，下次要試下叫黎食先。

另外，想講店內全部姐姐麵好多禮貌，而且野食都速度好快，而且d湯汁唔會成個碗都係，係一碗好整齊唔會好油咁一碗麵上，十分欣賞🙏🏾

車仔麵世家於中環及上環各有一間分店，今天光顧的是中環永吉街的分店全日套餐$45有三餸麵及送飲品$50有四餸麵加飲品$55有五餸麵加飲品今天不是太肚餓，所以就只點了蘿蔔、滷水豬大腸、雞中翼三餸麵及熱檸水。

還加了腩汁及小辣。

雞中翼顏色不是太深，但入面尚算入味。

反而豬大腸就太淋，失去了咬口，可以說是不合格，蘿蔔尚算OK。

湯底加了腩汁但感覺像滷水汁，比較甜，少辣則近乎完全不辣下次可以點中辣了點餐是自行劃紙仔的，十分方便。

我剛好12點到達點餐，等候時間非常短👍

位於中環核心地帶嘅永吉街埋藏住唔少出色食店，例如附近幾間雲吞麵及泰國越南菜都係遊客集中地。

但特別嘅係，呢間車仔麵世家每日唔單只客似雲來，而且大部份都係本地食客，作為foodie當然要一探究竟。

牛腩、豬大腸、豬紅、魚皮餃 － 麻辣醬先要一提嘅係，呢度嘅麻辣醬係超級辣！但同時好香同埋好麻，如果唔食得嘅朋友可以叫小辣，然後先試味再考慮全部撈勻。

整體幼麵麵質唔錯，湯底加埋麻辣醬絕對夠味。

特別推薦滷水豬大腸同埋豬紅，兩款除咗超入面之餘亦入口即溶，豬腸感覺都好乾淨。

牛腩味道相對無咁突出，而魚皮餃亦中規中矩。

整體味道可算係中上，無論係醬料同餸菜都好平均，亦有幾項突出之處，難怪得到附近打工作嘅青睞。

味道 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️

車仔麵世家餐單提供港式, 車仔麵等推介美食位於中環區，餐廳座位數未知人均消費約$50以下，結賬可以用現金，Booking訂位可以電話致電 34263318 查詢。

您對於中環餐廳「車仔麵世家」有何 comment？

車仔麵世家餐廳詳細資料：

• 車仔麵世家地址:
  中環永吉街3-7號地下C舖
  車仔麵世家, Shop C, G/ F,3-7 Wing Kut Street, Central
• 車仔麵世家電話: 34263318
• 車仔麵世家價錢: $50以下
• 分類: 港式, 車仔麵
• 座位: 未知
• 付款: 現金
• FB專頁: 車仔麵世家 Facebook

更多車仔麵世家相關資料:

• 車仔麵世家分店
• Youtube
• Facebook
• Twitter
• Google