蘭州攪攪麵 中環

蘭州攪攪麵 評價 相片

午飯時間經過, 門口細, 唔起眼, 注意到只因門口有店員叫賣. 而吸引我入內的不是"攪攪麵", 而係"蘭州拉麵"幾隻字.叫個午餐, 牛肉麵加酸梅湯, 牛腩肉過得去, 不過麵身就比較硬, 未淥熟似, 要改善. 最唔好係座位太狹窄, 坐得唔舒服, 唔改善話, 應該唔再去啦.

四點響附近搵食, 行行下行左黎依到.見咁平又個名又得意就入去試下.一行入去又冇客又冇待應, 坐低先見到有兩個人響廚房做緊野.但佢地好似完全見唔到亦感覺唔到有人行左入黎一樣望都冇望過我地, 甚至乎我地嗌左幾次唔該都係冇反應.到最後真係勁大聲叫佢寫野個女仔先走出黎.嗌左兩碗麵, 本身想加兩蚊飲杯豆漿, 但佢話得番一杯所以大家「共同進退」都係冇要到. 飲品黎講依到算少, 得豆漿, 酸梅湯同五花茶(唔知有冇記錯)就咩都冇.兩碗麵口感幾得意, 煙煙un un, 粗身的好多麵粉整. 所以份量唔多但都幾飽肚.我的菜肉餃幾好食, 菜味好香咬開亦見到好多菜, 肉唔似肥豬肉. 脹卜卜的好大隻, 不過封口個位塊皮就厚左少少.朋友請我食左一隻瑞士雞翼, 雞翼唔會似小兒麻痺的好粗壯, 不過肉質少少鞋, 而且味道似老水. 應該係拎人個名做勢.食完之後好頸渴, 味精份量應該都唔少.依到地方真係好細, 只得一面可以擺一排四人枱另加多一枱響門口旁, 多一個人黎加張椅已經會阻塞條走廊.

本來想去九記食牛腩, 但因為遠又趕時間, 經過呢度, 咪唯有食個quick lunch.有套餐, 廿九蚊有麵有菜又有飲品, 都幾抵. 叫個五香牛肉麵, 湯底濃, 麵都幾有咬感, 但唔彈牙. 牛肉都尚算可以, 香料味重, 又唔算韌. 碗大大但麵少少, 個人覺得會唔夠飽. 菜要生菜, 朋友則要芥藍, 都係灼得較生, 唔得!間舖真係好細好逼, 自己覺得坐得好辛苦, 一定坐唔耐. 不過勝在快同平囉!

因誤會走左過來呢間食，地方好細，同之間好迫，我坐低之後，一彎低身就同後面的人背貼背。

叫左個冬菇雞絲攪攪麵餐，包碟菜同飲品。

要左生菜同酸梅湯。

個麵賣相可以，因為佢地係用冬菇片而唔係冬菇絲，雞絲係較粗身，而且唔會連埋雞皮，感覺較健康，但個麵就正如KC話齋，D麵可以再軟D就更好，飲啖湯幾有味，斷估湯底味精唔弱(事實亦都係之後好口渴)，份量就一般啦，但我0個碗有七成都係麵碎(即係麵頭麵尾咁啦)，要扣分。

碟菜本來都無乜特別好講，但居然俾我食到一截像筋，唉。

最似樣咪算係杯酸梅湯，起碼唔係淡茂茂。

但我唸佢地的服務真係要多加改善喇，地方唔係大，坐滿都係得五六廿個客，但只係我坐0向度呢半個鐘，已經聽到佢地多似漏單，我隔離的食客仲食到黑晒口面添。

上星期終於可以同個同事試下呢度的攪攪麵，十二點來到，無咩人，呢度舖位唔大，可以想像如果多人都會坐得好迫。

除了麵，亦有飯及幾款小食，第一次來當然要試試攪攪麵。

同大家食一樣，呢度又係有部手動的攪麵機，師傅即叫即攪麵。

叫了五香牛肉麵同瑞士雞翼麵，兩款麵都幾大~我講係個碗，份量算中等，以我來說是夠食。

先吃麵，有咬口但麵質頗硬，可以軟熟一點更好，單比麵是比不上大家食的；湯底選了牛肉湯底，看色水是濃濃的，渴一口味道幾濃，雖然啖可能真是有少少味精成份，但都不錯；五香牛肉非片片牛鍵而是舊舊牛腩，炆得腍又入味，算幾有水準。

瑞士雞翼都可以，但個人而言還是喜歡牛肉。

連兩罐汽水，埋單58蚊，中等價錢，當然比起一眾十蚊麵是貴上一截。

整體來說是不錯，但攪攪麵是比想像中失色，結合價錢，是不過不失。

不算差，但談不上有特色，要突圍不易。

蘭州攪攪麵餐單提供港式等推介美食位於中環區，餐廳座位數未知人均消費約$50以下，結賬可以用現金。

您對於中環餐廳「蘭州攪攪麵」有何 comment？

蘭州攪攪麵餐廳詳細資料：

• 蘭州攪攪麵地址:
  中環威靈頓街99號地下A舖
  蘭州攪攪麵, Shop A, G/ F.99 Wellington Street, Central
• 蘭州攪攪麵電話:  
• 蘭州攪攪麵價錢: $50以下
• 分類: 港式
• 座位: 未知
• 付款: 現金
• FB專頁: 蘭州攪攪麵 Facebook

更多蘭州攪攪麵相關資料:

• 蘭州攪攪麵分店
• Youtube
• Facebook
• Twitter
• Google