色香 中環

色香 評價 相片

中環上班族，想食個平、靚、正嘅午餐真係唔易，而且又要排隊。

砵甸乍街中間有間泰國菜叫「色香」，都可以算係平靚正之選至一。

我間唔中都會嚟，平日上班午餐時間，由12點開始要排隊。

廚師係泰國人，這裡的「泰式無骨海南雞飯」做得頗出色，至於粉面我試過一次，一般，所以冇再食。

「$ 68泰式無骨海南雞飯，包冬瓜湯，包飲品」。

我今日加$ 5轉咗雞肶。

雞味雖然不太濃，但雞肉很滑嫩好吃，配上雞油飯及辣椒醬汁，好惹味，還有一片青瓜，這亦是泰式海南雞飯的典型配置。

這間餐廳很小，坐位不多，可坐約20多人。

哈哈，至於服務，有很大改進空間呢～

由細到大對雞都有情意結，無論係台灣大大塊雞扒，美國燒春雞，英國火雞，中式白切雞⋯⋯全部全部我都好鍾意食，已經開始準備過年收爐，唔會再不停好多嘢做，為咗比staff輕鬆少少，我好識趣地出街買新衫過新年，只係放工時間先返去坐一坐，等大家有機會做下自己野，買完衫之後，見到海南雞飯，食埋先再行多一陣，一睇Menu差幾蚊就可以轉雞髀，當然唔好慳呢啲錢，等左一陣間就上枱，雞髀份量唔少，雞皮接近紙咁薄，咬落好爽口有口感，值得一讚薑黃飯，唔同平時食開雞油飯，比較清新同健康

最近喺中環食飯，留意到有好多泰國餐廳。

鍾意食泰國嘢嘅我就梗係每日都食唔同嘅泰國餐廳啦。

我見呢間比較多人排隊，於是就嗌左外賣。

我個人幾鍾意食泰國嘅香辣肉碎。

其實都幾失望呢一個飯，一打開個飯盒，冇嗰啲泰國嘅香料味，剩係得啲炒豬肉嘅味道。

裏面有啲九層塔，但係食唔到九層塔嘅味道。

好彩份量搭救，啲肉粒個份量都多，食晒啲飯啲肉都未食晒。

可能係啲肉太鹹啦，所以唔係好想食晒啲肉。

啲豆角都幾好食，爽爽地，個口感唔錯，令到成個豬肉冇咁膩， 多左啲清新。

至於價錢方面我個人都覺得尚算合理，五十幾蚊一個午餐喺中環來講算係咁啦。

但係我覺得唔夠泰式囉。

剛才中午放飯，又去左呢間色香，一向都係普普通通無乜特別又唔係特別平，係中環無乜泰菜選擇下所以先至黎食下，今日真係嬲到震話說我12點正坐底，安排我坐廁所門單丁位（嗚..點解又係我）12:23分先有得食，我都叫食得早過其他人都要等咁耐，職員話係比大堆外賣單頂住左！咁我入坐又唔講聲！無咁大個頭咪戴咁大頂帽！碟豬頸肉炒金邊粉又成碟垃圾咁，濕pat pat 同埋泰色菜通常有好多香葉花生等等配菜一齊煮，呢碟淨係橙色一大pat, 好好笑咁仲要啲豬頸肉收係啲粉下面，得四小塊，加杯凍柚子蜜成$72 ，唔會再比你搵苯，我買面包食都唔食呢間究竟我食緊乜野啲肉收係面底係咩玩法一pat 面加柚子蜜咁就$72 差不多食完再放左大堆外賣係我面前，跟本無理過客感受！

打工仔返工搵錢要受氣，估唔到駛錢都要受氣。

中午同同事嚟食飯，佢叫咗個冬陰公金邊粉，我就叫咗個清湯金邊粉。

點知佢比錯咗個冬陰公金邊粉我，咁我好客氣咁樣同佢講話我唔食得辣，我頭先係要清湯金邊粉嘅。

跟住有個疑似老闆娘嘅人就開始不停話我做咩落單嘅時候講得唔清楚，我就話我落單嘅時候講得好清楚㗎，咁佢又話佢覆單嘅時候我又唔講清楚。

大佬呀，而家你落錯仲要我say sorry 啊？糾纏完一輪終於肯換俾我。

雖然自知呢度唔係五星級酒店，唔會有五星級服務，但係都唔使差到咁。

貼錢買難受，呢度我唔會再幫襯。

色香餐單提供泰國菜, 粉麵, 米線等推介美食位於中環區，餐廳座位數未知人均消費約$51-100，結賬可以用現金，Booking訂位可以電話致電 23177229 查詢。

您對於中環餐廳「色香」有何 comment？

色香餐廳詳細資料：

• 色香地址:
  中環砵典乍街28號地下
  Delicious Thai, G/ F,28 Pottinger Street, Central
• 色香電話: 23177229
• 色香價錢: $51-100
• 分類: 泰國菜, 粉麵, 米線
• 座位: 未知
• 付款: 現金
• FB專頁: 色香 Facebook

更多色香相關資料:

• 色香分店
• Youtube
• Facebook
• Twitter
• Google