翡翠軒 中環

翡翠軒 評價 相片

25/3/2008 約6:45pm父親之前見報紙賣廣告,見任點任食好似好抵,襯復活節假最後一日去去到好快餐店感覺,前面快餐店,後面任點任食區,靚少少咁樓面得一個阿叔，佢個樣好似做得好唔開心咁態度雖然冇乜，令人食慾下降囉~入正題d食物就係好唔得逐樣講賽螃蟹：冇味、淡茂茂炒鱔糊：汁太濃、過鹹花雕醉雞：本人覺出太醉，母親覺得唔醉，父親話因人而異海蜇：唔凍、冇味、似食橡筋美味燻魚：冇味、多骨煎餃子：熱辣辣但冇味椒鹽排骨：完全冇椒鹽味、只係即炸熱辣辣百葉結紅燒肉：成碟都好甜，d肉又肥到死蒜泥白肉：蒜同汁都唔錯既，不過成碟肥肉囉擔擔麵：得個辣字，冇其他味成晚係得兩樣野成係ok既鎮江肴肉&南翔小籠飽，食物質素咁差，大家真係唔好去埋單3人共$252P.S. 以上部份食物未有提及，d野真係唔掂

早知就行多兩步，返去金鐘吃無咁嬲。

陪朋友睇樓，吃飯時來了這裡，純粹貪方便。

進來才知，這裡是快餐\店格局，店內坐滿在附近工作的三行大佬，環境亦很一般。

本想轉場，但朋友不想再走，就諗住快快吃完就走。

見這裡說是「名廚主理」，就要了個麻辣豬排米線。

上檯是紅彤彤的，一看便知辣，還是辣油的辣。

吃起來完全沒有麻的感覺，一味是辣，不好吃。

炸豬排還算熱辣辣，不過化學品下得不少，鬆滑得過份。

三十蚊，還不包飲品，頗貴，果然是富豪住宅區。

朋友的炒牛河，也不見佳處，亦吃不完。

見這裡的雜嘜樽啤只需八蚊，如不是還有公事在身，必定隊兩支才走。

一致同意，下次一定坐小巴去邊度食都好，都好過這裡。

3/11/2007 晚一行14人為madam慶祝生日~由我發牌~雖然呢道$75任飲任食~4個再送一個，但仍然係有水準的~野食有50幾種咁多，仲有即叫即整gar京菜~野飲就得荼水同埋豆漿任飲,呢道的炸野係係唔錯~炸得唔太油，特別係雞翼，真係好食~係想食完一隻又一隻~豆腐又夠滑，我朋友就推介醉雞~小龍包都不錯~其實好多都真係好好食，如果一一介紹有排寫~勸大家就唔好叫雲吞麵啦~因為太大碗啦~而且味道只是一般，而甜品我就推介炸銀絲卷~而豆沙窩餅同高力豆沙只是一般，不過豆沙唔係太甜~ok~d野細細碟咁上~我地咁就不知不覺食左50幾碟~我地另叫左4碗飯送餸呢道環境清優，又有電視睇，又無人趕你走~坐又ok$75都唔洗有有咁gar水準，真係抵讚p.s. 星期六及日晚先有任飲任食呀埋單(包埋madam)~$924~比足$930

上星期五打完波後，有波友建議去這裹吃自助餐，這裹外邊是飯堂但內面裝修像酒家一般，坐下後發覺原來並不是自助餐，而是任食的京川滬菜，樽裝豆漿也是無限量供應，由於位於中半山區，所以客人不多很易找到枱，而且比較寧靜，一大班人在此聚會吹水也不錯。

可選的菜式有幾拾款，記得的有醉雞、镇江肴肉、紅燒獅子頭、酸辣湯、宋嫂魚羹、小籠包、紅油抄手、燕京鍋貼、北京水餃、鱔、各式鮮菇炒什菜、宮保雞丁、炒年糕、回鍋肉等各式北方麵食等等未能一一盡碌，一般在京川滬菜館吃到的都有。

每張點菜單每次只可選三款及註明人數，以免浪費食物及避免枱面過擠，算是貼心及環保，等了不消一刻鐘首輪食物都已上枱，醉雞碟底浸着酒，雞肉完整且帶紹興酒香味，肴肉也不俗，但宋嫂魚羹雖不難喝，但跟我在咸享和上海喝的完全是兩碼子事，沒有魚來實在完全不正宗！餃子有很多選擇，喜歡餃子的朋友可以試吓，一定不會失望，其它食物質素都在合格之上，以不愈百元的價餞，可吃到這麽多食物，實在值得推介。

是一間價錢大眾化的京菜館，i strongly recomend 京燒羊肉、京燒羊扒&砂鍋雲吞雞有泊車優惠

翡翠軒餐單提供粵菜, 廣東, 粉麵, 米線, 湯品, 中菜館等推介美食位於中環區，餐廳座位數100人均消費約$51-100，結賬可以用Visa,Master,現金。

您對於中環餐廳「翡翠軒」有何 comment？

翡翠軒餐廳詳細資料：

• 翡翠軒地址:
  中環麥當勞道一號香港基督教女青年會
  Emerald House Restaurant, G/ F,1 Mac Donnell Rd., Central
• 翡翠軒電話:  
• 翡翠軒價錢: $51-100
• 分類: 粵菜, 廣東, 粉麵, 米線, 湯品, 中菜館
• 座位: 100
• 付款: Visa,Master,現金
• FB專頁: 翡翠軒 Facebook

更多翡翠軒相關資料:

• 翡翠軒分店
• Youtube
• Facebook
• Twitter
• Google