翠華餐廳 中環

翠華餐廳 評價 相片

前天沙灘bbq後,背部曬紅口出痱之,沒心情多想吃什麼, 最後決定再戰翠華.原來中環有三間翠華,月頭試的那間是最遠的...今次叫了午餐:1. 餐白湯 很淡,極不討好.2. 肉眼扒跟意粉 欖油意粉,是頗香,但很油,不會過軟,不錯;肉眼扒沒什麼肉味,不過也挺好的.3. 凍咖啡 香濃, 很好.雖然沒啥驚喜,也算中規中舉.

似乎大家都忽略了租庇利街這間,中上環三間翠華餐廳而言,最愛這間!感覺上整潔、舒服,亦是今次與朋友享用早餐的原因!黑椒牛肉公仔麺: 同沙嗲牛相似,唔太鹹,好食!滑蛋+牛油豬仔: 好有奶味,唔知係咪加奶炒 牛油豬仔尚可,不過不失!奶油豬仔包:係必食架嘞!早餐時間仲便宜$5,叫左三客,餐廳方面落煉奶好似唔駛錢咁,同朋友share最好!奶茶: 好平常,特色欠奉! 其實好多行家都係用黑白淡奶,不用過份強調~總括:會再嘗試,下次可能近些,去旺角分店!

在西環工作的我為了尋找更多的美食作午膳，只好在寶貴的一小時裏，跑到別區去。

本想到中環德輔道中的Duke's Deli購買我喜愛的午餐，但發現它在裝修中，希望只是在在裝修而不是結業啦！要不我又少了一個好選擇了匆匆的再尋找我的是日午餐，發到了附近的翠華餐廳，又發現了啱口胃的海南雞飯，今天主角是你了！雞：雞皮厚厚的，對於不吃雞皮的我沒有甚麼評價，除非沒有雞皮可換來一件雞肉吧。

雞肉滑滑嫩嫩的，就算雞胸部份亦然，去了骨，對我來說是"讚"！份量是剛好的，但對於男孩子便有點不夠喉了。

醬料：我沒有深究，只知伴雞很好吃飯：它真的要打30大板，不是它，這海南雞飯將會是開飯之選了。

海南雞飯的飯是甚麼飯我都已經連爭論都不需要，因為這個飯除了咸之外就只有咸，每一飯都有一粒粒未溶掉的鹽巴，是飯冷卻了後再加鹽的嗎？因飯都是乾乾的！例湯：這個很讚，對於不太喝街邊湯的我，在看見它的外觀之後，竟蠢蠢欲試。

因湯面沒有油油的，好像不會是太味精的。

一喝，果然有點住家味，味道雖然是淡了點，但總好比味精的濃。

而且材料不少，雖沒吃，但已感誠意！吃著吃著總覺得少了點東西，OMG 吃到後來才發現，少了的東西在雞下，我的甜酸蘿蔔，它是開胃菜來的，為甚麼要把它藏起來，飯後才食到都算，但它已被豐盛的雞油浸透了，開胃菜變得不開胃了！

我知翠華有好多fans，而且佢哋都越做越成功，單睇中環啲分店開得咁密就知，但本蟲就真係唔係咁欣賞。

好似今次心血來潮嚟依度食下午茶，啲套餐真係唔係咁吸引，我搵云個餐牌竟然連最大路嗰啲雞脾呀、薯條呀、咖哩角之類都一概搵唔到。

不過當問個侍應時佢又話梗係有，咁我叫佢指出嚟喺餐牌邊度有寫，佢最後竟然指住沙律類，話雞翼沙律原來可以改做雞翼薯條，而且價錢仲平啲，真係估佢唔到。

講返啲嘢食，雞翼薯條嘅份量好少，薯條都唔知有冇十條，而且唔係一般港式嗰隻，而係懶高級嗰隻美式粗薯條，雞翼雖然有四隻，但係係最細嗰種，而且有雪氣味，最攞命係唔包飲品，另叫檸樂五十蚊都落唔到樓，心諗早知過去美心大家樂，分分鐘食到三個下午茶餐。

至於服務都算係翠華最港式嘅一環，是關都係嗰種高效率但無笑容嘅典型侍應咀臉。

由於一份餐食唔飽，我唯有加多份西多士補飛，但西多士裡面竟然冇花生醬，真係唔知翠華點解可以叫自己做最港式嘅茶餐廳，在我眼中似係呃鬼佬多啲。

服務差, 無禮貌 & 亂落單. 有次我叫2份單豬軟骨米線, 欲俾我豬軟骨+魚旦米線, 我都算啦. 點知俾錢時發現佢地收我套餐價, 我都無叫飲品. 張單都證明我無叫. 另1次, 我叫外買自取, Cashier話收理我後面個客之後幫我落單, 點知一個又一個. 我問佢時, 佢旁邊個同事惡死甘話 "佢咪話收完後面個客之後幫你落單", 真係火, 一個又一個甘叫做後面個客, 甘一世都唔駛幫我落單啦. 仲有駛唔駛甘惡, 惡唔係代表你岩.

翠華餐廳餐單提供港式, 茶餐廳, 冰室等推介美食位於中環區，餐廳座位數未知人均消費約$50以下，結賬可以用現金。

您對於中環餐廳「翠華餐廳」有何 comment？

翠華餐廳餐廳詳細資料：

• 翠華餐廳地址:
  中環租庇利街12-13號地下
  Tsui Wah Restaurant, G/ F,12-13 Jubilee Street, Central
• 翠華餐廳電話:  
• 翠華餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 翠華餐廳 Facebook

更多翠華餐廳相關資料:

• 翠華餐廳分店
• Youtube
• Facebook
• Twitter
• Google