獅城星馬餐廳 中環

獅城星馬餐廳 評價 相片

今天早上要到灣仔區工作, 再加上想起可以去新開張的中環DONKI行下, 所以決定係中環食LUNCH。

OPENRICE 搵左呢間新開並且全是好評的餐廳 獅城星馬餐廳。

間餐廳好得意, 位置係德己立街23號上一樓。

而佢地正門竟然要從地下一間叫Tipsy Bird既酒吧搭LIFT上。

如果跟指示由酒店入口處搭LIFT上餐廳係會去左佢地既後門。

餐廳面積不大, 大概只有10張枱, 幸好當天客人不多, 坐得尚算舒適。

中午時段只有午餐供應沒有單點。

我地點左檳城雞肉喇沙, 沙嗲串燒 (3串)椰漿飯同馬來西亞桔仔水。

跟餐送娘惹沙律, 類似我地去食中菜時侍應會跟茶一起送上的付費前菜小碟, 係一些經醃製過的蔬菜。

當中最愛菠蘿, 酸酸甜甜開胃。

沙嗲串燒 (3串)椰漿飯 沙嗲味道濃郁惹味, 串燒更要大讚, 係豬雞牛各一串(啱曬我呢D咩都想試但又眼闊肚窄既人), 肉質新鮮唔韌配上充滿椰漿香氣的米飯, 好味。

檳城雞肉喇沙 雞肉嫩滑新鮮, 喇沙湯我飲左一啖, 有層次好飲但🥵好辣。

喇沙湯底暫時我最鍾意峇峇娘惹, 推薦比唔太食得辣既人仕食, 但可能價錢較平既關係, 佢地既肉質素麻麻, 有雪藏味。

桔仔水清甜新鮮好飲。

獅城星馬餐廳午餐雖然選擇不多, 但質素不錯, 但我未必會再去幫襯, 因為餐廳地方細, 仲要沒有一個RECEPTION既位置, 而🚻廁所又設於餐廳內, 所以客人一係會坐係部LIFT既隔離, 一係就會坐係個廁所隔離, 感覺不太良好。

蘭桂坊新開咗新嘅新加坡菜，喜歡食喇沙嘅我梗係要去試吓啦。

食喇沙我第一時間會試佢個湯底得唔得，呢間嘅湯底似乎有少少改良咗，唔似星馬地區食到嗰種相對濃味同傑身嘅，所以湯嘅味道比我嘅感覺係輕盈啲，而用料似乎都好足，唔錯。

麵底係正宗油麵加米粉，啲湯嘅味道入到啲麵度，唔會有湯還湯麵還麵嘅感覺。

雞都好食，似乎唔係啲千年雪雞(好多舖頭為咗成本，會用啲質素差少少嘅雞，因為如果個湯夠濃就乜雞都唔洗怕)。

豆腐卜正常入味啦，不過隻蛋就似乎over cook咗少少，如果可以輕微流心就正晒。

如果形容為鬧市中的穩世餐廳絕不為過, 呢間餐廳坐落於非常熱鬧嘅蘭桂芳, 而且要先進入地下一間酒吧之後再乘升降機上一樓先可到達餐廳。

是夜一行四人進入餐廳後雖然眼見地方唔大但係比我哋嘅感覺都頗為舒服而且仲有落地玻璃可以望到人來人往嘅蘭桂芳。

當服務員安排好我哋坐位之後總廚Marco已經好快好熱情咁介紹自己同推介菜式。

最後總廚為我們安排咗以下菜式:飲品: 桔仔水(如果可以再重味少少更好)小食: 芽菜雞及串燒 (正宗馬來西亞味道)主菜: 肉骨茶配即製油炸鬼 ( 堅正), 醬油白胡椒炒蟹(帶點甜味幾特別), 咖哩龍躉魚頭 ( 我哋另配咗椰漿飯同油飯, 如果可以配埋法包仲正), 咖啡骨(無得輸), 最後甜品係即製娘惹糕( 每款味得半件唔夠喉, 下次一定要食多)註: 體諒小弟因為掛住食有啲食物無影相....Marco總廚等我, 我好快一定再嚟試埋其他菜....

蘭桂坊開咗新餐廳！🤩仲要係香港好少有嘅星馬菜 🇸🇬🇲🇾🤩👉🏻獅城龍蝦喇沙 singapore lion lobster asam laksa 🍜💲168喇沙湯偏甜 啱晒我呢啲食唔到辣嘅人 仲要大大嚿龍蝦超吸晴🦞啲麵好係係摻摻 粗麵幼麵都有👉🏻馬拉盞燒大蝦頭 🦐grilled giant river prawn with belacan 💲198👉🏻巴生肉骨茶 klang bak kut teh 🍲💲168 (small) / 💲288 (large)呢個肉骨茶真係不得了 湯料仲多過碗湯咁滯🥰仲要係好食🥰湯水有藥材嘅甘甜😋👉🏻獅城咖啡骨 kopi pork ribs 🍖💲158呢度嘅咖啡骨大到離晒譜😛超香豬肉味半肥瘦仲要勁多汁！咖啡一啲都唔苦澀 甜甜地😋👉🏻沙嗲串燒🍢💲108認為可以多啲沙嗲醬🤣👉🏻星洲麥皮蝦 singapore oatmeal prawns 🦐💲168係我食過最好食嘅麥皮蝦😭麥皮仲好食過隻蝦🥰啲麥皮唔會太黏 蝦肉有爽口彈牙 大大隻 必食！👉🏻娘惹沙律 acar salad 🥗💲98覺得個沙律凍咗啲🤣👉🏻怡保芽菜雞 ipoh chicken sprout bean🐔💲148雞皮好爽口！夾埋個芽菜口感再提升😌👉🏻醬燒魔鬼魚 grilled sambal stingray 🐋💲208👉🏻娘惹糕點 ngonya cake🍡💲60人手製造㗎！口感比較煙韌 層次分明〰️〰️〰️〰️〰️〰️〰️〰️〰️呢間餐廳係正蘭桂坊條街 食完飯落去飲番杯時間啱啱好🤓去咗兩次 第二次去食覺得水準仲提升左😋極度推介大家食麥皮蝦😛〰️〰️〰️〰️〰️〰️〰️〰️〰️獅城星馬餐廳 (中環)📍中環蘭桂坊德己立街23號晉逸蘭桂坊精品酒店1樓🔗#7eating中環#7eating新加坡菜#7eating海產

樓上店環境好典雅 野食選擇好多✨🥂1️⃣「奶油金絲蝦🦐($168)」呢道菜賣相好吸引 蝦超大隻 奶油金絲有鹹蛋香味~Baked prawn with creamy sauce🧈2️⃣「沙嗲串燒拼盤4串🍢($108)」沙嗲味好濃 雞肉串燒幾惹味～Malaysia Satay chicken 🐔 3️⃣「怡保芽菜雞🐓🌱($148)」第一次食芽菜雞 雞肉嫩滑有鮮味 雞皮爽口 幾鍾意🙈~Ipoh chicken sprout beans4️⃣「獅城咖啡骨☕️🐷($158)」超特別嘅一道菜 一字排有3大舊 好嫩滑多汁 會有咖啡甘香味 個人覺得很不錯👍🏻 但友人覺得如果甜返少少就會近大眾口味~Kopi pork ribs5️⃣「娘惹沙律🥗($98)」青瓜、椰菜同紅蘿蔔都酸酸甜甜好開胃 🥕同甜嘅菠蘿好夾 🍍只係四季豆少少青～ Acar salad

獅城星馬餐廳餐單提供新加坡菜, 馬來西亞菜等推介美食位於中環區，餐廳座位數30人均消費約$201-400，結賬可以用AlipayHK,支付寶,現金，Booking訂位可以電話致電 23824888 查詢。

您對於中環餐廳「獅城星馬餐廳」有何 comment？

獅城星馬餐廳餐廳詳細資料：

• 獅城星馬餐廳地址:
  中環蘭桂坊德己立街23號晉逸蘭桂坊精品酒店1樓
  SINGAPORE LION, 1/ F, Butterflyon L K F,23 D' Aguilar Street, Lan Kwai Fong, Central
• 獅城星馬餐廳電話: 23824888
• 獅城星馬餐廳價錢: $201-400
• 分類: 新加坡菜, 馬來西亞菜
• 座位: 30
• 付款: AlipayHK,支付寶,現金
• FB專頁: 獅城星馬餐廳 Facebook

更多獅城星馬餐廳相關資料:

• 獅城星馬餐廳分店
• Youtube
• Facebook
• Twitter
• Google