杏花樓甜品 中環

杏花樓甜品 評價 相片

行開記得佢門口有個好吸引既廣告係燉鮮奶花膠椰皇突然好想食暖身野就黎左佢有主食，甜品都有好多架熱既冰冷既各一頁燉鮮奶花膠椰皇上到枱好熱，未食都見到佢入面好多料燉鮮奶好滑呀，花膠有少少啦唔會期望太多鮮奶又唔會過甜，食落好滋補養生呀正正正要多個山楂杏仁糊係因為好少見到有山楂既糖水講真唔會好多人受到佢隻怪怪既酸味好彩我鐘意酸野，又食開咁既味道所以覺得ＯＫ算係新嘗試，夾埋杏仁糊既甜味會好Ｄ但其實兩隻味唔係好ＭＡＴＣＨＸＯ醬炒腸粉一直都幾鐘意食炒腸粉，但平時去食野既地方好少會有難得見到就回味下一黎到就見到好靚既色水同香噴噴二話不說趁熱食啦正呀，ＸＯ醬好夠惹味點埋甜醬兩隻味撞埋好夾腸粉真係冇甜醬唔得炒得好有獲氣，又唔會過淋過乾好好好好味呢

試試佢個杏仁糊, 口感 ok 冇太大問題 可惜送黎耐左, 溫度熱 d 會好 d? (我唔太清楚用左幾耐時間送黎)杏仁味夠, 但如果甜些少會更好 我好少覺得糖水唔夠甜, 而事實上係可以再甜多少少 好彩個杏仁糊唔算鞋, 亦未至於滑, 不過不失了吧? 但如果食糖水可以揀都唔會再揀杏仁糊, 因為真係好麻麻 Average. 文ey for valueness 5/10

上週氣溫過達36度，絕對相信此可提高甜品與雪糕的銷量。

甜品之中，我猶愛涼粉，喜愛它清涼得來夠正氣，又不會令人有太甜的感覺，配各樣什果都得宜。

到了「杏花樓」，點了個「什果涼粉芒果汁底」：整碗甜品冰凍度足夠，這個是此甜品好吃的先決條件。

芒果選料亦不錯，夠甜美，絕對能為炎炎夏日降降溫呢！

去老蘭玩前食碗甜品，可能覺得有D怪...其實我覺得真係幾怪...我都係第一次飲酒前食甜品。

不過十點幾已經出到，差兩個美女，到左個朋友話餓，呢個鐘數無黎由食個正餐。

叫左兩個甜品：雙皮奶+芝麻糊朋友叫的雙皮奶奶味好足，而且唔太甜，無越食越甜的感覺我的芝麻糊：好結身，唔係水狀加上有好濃芝麻味，同埋對腸胃好，二十幾蚊食D我唔會煮的甜品都OK啦鋪頭開頭入去坐時無一半人，但食完時已經坐滿晒。

同埋有個要讚，鋪頭有水供應。

因為呢樣係好多甜品鋪都無做到，包括那些幾代一齊開的、來自順德乜記呀...甜品雖然食完好滿足，但甜的野食完飲啖水，個口都唔會甜都變酸麻

今日到IFC 睇戲前先來醫醫肚 左搵右搵都無乜心水, 剛剛經過杏花樓門外, 居然午飯時間人流也不多, 正好來個速戰速決杏花樓曾經是我的開飯熱點但隨著銅鑼灣分店摺埋後 數數手指已有幾年無再幫襯過 一向對它的蘿蔔糕很有信心, 配合芝麻糊的確是天下無敵, 今日也避不了與舊相好一聚友人: 蕃茄湯魚柳米線 先上枱是微暖的蘿蔔糕, 糕面微微煎香, 用料豐富之餘糕夠挺身而餘, 也沒有太過粉口的感覺 蘿蔔還是一絲一絲 , 混合了豐膄油潤的臘味, 香口的蝦米等吃時再加點辣椒醬 ; 的確惹味如惜 芝麻一如以往顏色較深, 芝麻香味十足 甜味剛好, 略嫌不夠幼滑和杰身了一點點蕃茄湯魚柳米線: 試了一口魚柳, 魚柳略為煎過, 基本上毫無魚味可言, 只嚐到些癖腥的酒味, 再渴一口蕃茄湯, 味夠清新之餘….酸酸喵喵, 十分醒胃, 其餘沒有嚐試則不評了 相對其他的杏花樓, 此店價格略有調整也可理解的

杏花樓甜品餐單提供港式, 甜品, 糖水等推介美食位於中環區，餐廳座位數未知人均消費約$50以下，結賬可以用現金。

您對於中環餐廳「杏花樓甜品」有何 comment？

杏花樓甜品餐廳詳細資料：

• 杏花樓甜品地址:
  中環閣麟街34號
  Hang Fa Lau Dessert,  
• 杏花樓甜品電話:  
• 杏花樓甜品價錢: $50以下
• 分類: 港式, 甜品, 糖水
• 座位: 未知
• 付款: 現金
• FB專頁: 杏花樓甜品 Facebook

更多杏花樓甜品相關資料:

• 杏花樓甜品分店
• Youtube
• Facebook
• Twitter
• Google