文華扒房及酒吧 中環

文華扒房及酒吧 評價 相片

今年已經第一時間book HSBC一送一優惠，但呢間都要等成個幾月先有位🤪 一送一嘅menu係佢哋平時5course tasting menu嚟，所以係真正用半價嘅價錢去食正價餐！😎我哋6點鐘嚟到，基本上係第一枱客，佢哋安排我地坐窗口位！餐廳環境闊落，而景觀係望住中環城市景，採光度唔錯，一入夜燈光會變得柔和，都幾有情調💕 情侶節日慶祝嚟呢度就啱哂喇。

職員遞上menu，溫馨提示我哋main course 要3選一，但其實我哋book 位時一早揀好哂，亦都有之前同佢哋講有食物敏感，其中有一款前菜要換，但好似serve 我哋個職員無我哋record咁😬 呢啲作為五星級酒店加米芝蓮餐廳真係扣哂分🧐❤️ 餐包麵包有兩款，味道普普通通，有nuts嗰款好食啲；另一款食落似茶餐廳嘅餐包，但奶香味濃啲🤣 ❤️ Amuse bouche餐前小食同樣有兩款，底下有熱石暖住個食物好貼心！兩款都好唔錯，其中一款個撻皮好脆好薄，配埋面頭嘅mousse一啖食落去好鮮甜😚 另一款就鹹香十足，餅底酥化香脆！❤️ Homesmoked salmon 侍應會推架餐車喺你面前切成條煙三文魚🙊 啱哂打卡人士😛 佢一邊切會一邊講解條煙三文魚，但我顧住拍片完全無認真聽😂 一碟煙三文魚有五片，搭配五款配料同半個檸檬，配料切到好碎分量少，加咗都唔覺有加嘅感覺😂 煙三文魚帶點鹹鮮味，口感有彈性，要講佢同其他餐廳煙三文魚嘅差別就係煙燻味較重💁🏻‍♀️❤️ Steak Tartare呢間牛肉他他牛味重，可惜調味唔足夠，有少少血腥味😬 唔太啱我口味😅朋友叫咗Caesar Salad，味道正正常常，無乜特別。

❤️ Lobster Bisque上菜時碗內只有龍蝦肉，侍應會喺我哋面前倒龍蝦湯😛 龍蝦湯好濃郁好smooth，唔會過鹹🤤 質感都幾濃稠但有少少澀味。

龍蝦肉都算大粒，口感爽彈，鮮味喺口腔內爆發🌊❤️ Beef Wellington +$398呢度嘅Beef Wellington 好出名，加錢都要叫嚟試吓🤤今次侍應又推架餐車去你面前切😂 又一打卡位！佢將個Beef Wellington一開二，切完兩份都係超厚🤩 我哋揀咗medium，酥皮無同啲肉分離，合格👌🏻 牛肉都幾鮮嫩多汁，牛肉味唔算太重，反而蘑菇味相當濃郁，酥皮鬆化香口富牛油香。

side dish有兩款，薯蓉好香滑，都幾出色。

到最後因為太飽食淨少少牛😬⚠️ 呢個要預早一日訂**❤️ Soufflé文華嘅招牌甜品💕 雖然真係好飽，但食甜品係有另一個胃😼 個梳乎厘外型完美升高，不過塌得好快要趁熱食！新鮮出爐好熱辣辣，空氣感十足，好輕盈！☁️ 比起朱古力味更鐘意呍呢拿味，朱古力味略甜。

餐廳質素：⭐️⭐️⭐️✨ (3.5/5)食物質素係唔錯，但感覺又好似未去到拎星水準🧐 服務方面可以話係一般，去到中後段已經開始無人幫我哋斟水，希望呢度服務可以再改善吓！😬

📍 Mandarin Grill + Bar 文華扒房及酒吧Address: 1/F, Mandarin Oriental Hong Kong, 5 Connaught Road Central, Central中環干諾道中5號香港文華東方酒店1樓Classic 5course Tasting Menu $1,688 per paxby @the_humble_chef 👨‍🍳 You can pick any 5 items to create your own 5course steak dinner. The musttry items include any of their steaks (obviously) and their famous lobster bisque. I heard their beef wellington was great as well but I didn’t try (cuz I was never a fan of the dish lol) I had the wagyu steak from New Zealand and it’s amazing! So tender and juicy, definitely worth supplementing the $198 to upgrade to this steak🥰 The lobster bisque also lives up to its reputation, being very creamy and the portion was huge!Also as someone who’s crazy about cheesecakes, I gotta say their cheesecake was one of the best I’ve ever had! So remember to save some room for desserts at the end😍Taste: 👅👅👅👅Value for Money: 💰💰💰Service: 👌🏻 for 90% of the staff(👌🏻👌🏻👌🏻👌🏻👌🏻 for the very friendly Asian guy who served us!!)Vibes: 💫💫💫💫💫Will I return? 100%(on a scale of 05 emojis)#ysafood推介#ysafood_celebration#ysafood米芝蓮#ysafood酒店#ysafood中環#ysafood西式#ysafood_steakhouse#ysafood扒房#ysafood暗號

✨Bread 麵包鬆軟 外層微微脆 好有牛油香✨Amuse bouche松露多士多士香脆 松露味香濃 中間有少少焦糖洋蔥 香甜✨Blue Lobster Bisque龍蝦湯作為這店既招牌菜之一 當然唔可以錯過上枱時碗內有龍蝦肉同一球忌廉 店員會即場將湯倒入碗內湯 香濃 幼滑 稀稠度適中龍蝦肉 鮮味 肉質唔係好結實嗰種 口感爽彈 ✨Beef Wellington威靈頓牛柳另一招牌菜 廚師推介四成熟酥皮 酥脆 有層次 唔易散有少少牛油香 但略嫌有少少過鹹中間有層蘑菇茸 菌味濃郁牛柳 鮮嫩 肉質軟腍 肉味香濃 調味偏淡整體味道層次幾豐富配菜 豆角爽脆 薯蓉幼滑 重奶香 偏稀身整體黎講算係幾出色嘅威靈頓牛柳 但又未至於非常有驚喜溫馨提示如果想食記得訂位時要預訂埋✨Slowroasted USDA Prime Rib of Beef聽聞佢地嘅燒牛肉都好出名 都係會推車出黎即席切店員問我地要幾成熟 因為我哋係第一枱客佢切咗頭一片 就問我哋熟度有冇問題我地問佢有冇生d 最後店員話全條牛肉都係差唔多嗰下心諗咁你就唔好問要幾成熟啦然後問我哋要厚切定薄切我哋揀咗厚切 口感上會滿足d燒牛肉 看似七成熟 但唔會因為咁熟令口感變差食落相當好有驚喜 比我想像中好肉質鮮嫩 口感腍滑 肉汁豐富 帶少少油脂 再多一份甘香Yorkshire Pudding 外層微微脆 內層濕潤 口感偏鬆 但真係要趁熱食 一凍左就會腍配菜 焗薯菜 番茄清甜多汁 焗薯微脆 薯味幾濃✨Green Apple Bavarois蘋果造型 賣相精緻 慕絲包住青蘋果粒 慕絲軟滑 青蘋果粒 味道酸甜偏酸餅底微脆柚子雪葩 柚子味清香 味道酸甜成個甜品都係酸酸甜甜 幾清新✨MilleFeuille法式千層酥 整到細細件同好多層 層次更豐富酥皮 偏薄身 但仍然食得出酥皮嘅層次口感鬆脆吉士忌廉 偏厚身 香滑 唔太甜芒果香甜 醬汁酸甜椰子雪葩 椰子味唔算好濃 密度亦唔高較普通成個組合好難唔好食✨Petit four馬德蓮 外脆內軟 口感濕潤 唔太甜 唔錯紅莓朱古力 朱古力味濃 中間有d莓乾 味道酸甜橙皮朱古力 朱古力味濃 橙香味突出 唔算好甜食物唔錯 由頭盤到甜品都滿意 以今餐主菜黎講 燒牛肉比威靈頓牛柳更有驚喜環境唔錯 地方唔算大 但枱與枱之間闊落 好有空間感但無論櫈 枱布餐具都有好明顯地歲月痕跡以呢個定位嘅餐廳 應該可以做得更好一入坐就睇到張枱布有舊污跡 匙羹甩色都繼續用 感覺真係唔太好服務方面有讚有彈 服務其實唔錯但令我地以為去左大排檔入座後櫈都未坐暖 Menu都未睇就有職員問你食乜 其實我哋都未睇清楚 佢見我哋未揀定就好努力介紹 呢樣係招牌 嗰樣又好出名好似好想我哋快啲落單 好趕時間咁無論語氣速度完全就係大排檔模式唔係冇禮貌 但絕對唔係一間高級餐廳應有嘅服務第二個問題 係上菜速度嘅問題又係茶餐廳大排檔模式落單後上麵包同餐前小食 但都未開始食唔夠幾分鐘就上咗個湯 嗰下完全唔知食邊樣先好上菜速度係一間高級餐廳 好基本要控制好嘅一環同步上晒所有嘢 客人食唔切 溫度會令口感味道都變差另外酒店餐廳竟然冇confirm Booking都係一個扣分位以呢個價位嘅餐廳以上幾點真係有進步空間 價錢合理

Staycation package包左$1000 credit，所以提早喺官網訂定文華扒房晚餐同男朋友慶祝生日🎂座位舒適寬敞，燈光柔和，有情調🌹，要盡量細聲啲講野望住個餐牌完全唔知點揀，侍應好貼心過嚟比少少建議我地，每道菜式比較大碟，唔太大食嘅話3 course set夠2個人食，可以2個前菜+1個主菜，或者1個前菜+1個主菜+1個甜品，嗜甜嘅我地選擇咗後者🍴3 course set $1388🥖Bread 餐前麵包 牛油味重，而且十分鬆軟🥪Amuse bouche 松露多士 麵包香脆，夾住焦糖洋蔥🧅，一口份量作為餐前小食非常不錯據聞文華扒房有幾樣必食之選：🪵木炭燒烤扒類、煙三文魚、威靈頓牛柳、龍蝦湯今次試咗其中2款💁🏻‍♀️🌟Cold appetizer 冷盤 ASC certified smoked farmed Balik salmon Balik salmon有別於平時食開嘅薄片煙三文魚，係世界級嘅煙燻三文魚扒，帶有獨特迷人嘅煙燻味，用cold smoke方法製成，肉質濕潤有光澤，口感順滑，入口即融廚師特意以日本豌豆作伴碟，白酒醋混合酸忌廉、薄荷製成醬汁，令菜式看似一件藝術品，十分賞心悅目；配上Balik salmon，整體味道更昇華🌟Charcoal Grill 木炭燒烤 （可選肉類、配菜、醬汁）🥩Australian ‘Cape Grim’ The Ladies cut tenderloin, 6oz 來自澳洲塔斯曼尼亞Cape Grim草飼牛🐮無添加激素。

Tenderloin係腰部嘅肉，味道雖然唔係最濃厚，但比其他部位嫩滑、名貴試左一口，終於明白點解Charcoal Grill係必食之選，廚師真係做到外皮薄薄一層有炭燒效果，內裏肉質鮮嫩呈粉紅色，熟成度非常平均，唔會出現外圍過熟中間偏生嘅情況，食起嚟非常柔軟可口，蘸上Classic béarnaise法式伯那西牛扒醬，牛柳味道更添層次🫕Side Macaroni cheese with Parmesan breadcrumbs 味道如預期，芝士味濃，包裹住通心粉，但加左breadcrumbs令整體比較乾身，食一啖要飲一飲野🌟Soufflé 文華經典甜品，有多款味道選擇（原味、70%朱古力、薑味、酒…）侍應推介我地試士多啤梨🍓、大黃味，梳乎厘空氣感滿滿，整個充滿🍓香氣，底部有一層大黃醬，偏酸，比較適合怕甜人士，如果下次再黎我應該伯揀原味/朱古力味🌟Birthday cake免費送上生日蛋糕🎂賣相精緻，朱古力味非常香濃，食得出係用左名貴朱古力黎整，可惜已經太飽食唔晒🙈👍🏻整體服務、環境、食物質素有水準，不愧係米芝華一星餐廳，期望再次到訪試Beef Wellington & 龍蝦湯🦞

朋友推薦Mandarin Grill + Bar既Sunday Roast 套餐水準唔錯性價比高。

適逢生日周加上信用卡有推廣優惠所以去試一次。

周日下午分兩輪時間入座，分別係11:30am可以食到2:00pm或者2:00pm後無時間限制。

餐廳唔算好滿，早兩日訂位都訂到早場。

.文華東方周日燒烤套餐 $中💲888/pp.Welcome Drink + Bread一坐低先送上餐前飲品同麵包，有蕃茄仔餡個款麵包配自家製牛油幾好味。

.Snacks 小食1️⃣A5 Wagyu Steak Tartare + Grilled 2️⃣Sourdough A5和牛他他配酸種麵包 ⭐️4.3/53️⃣Grilled Scallop 燒帶子 ⭐️3.5/54️⃣Chilled Oyster 生蠔 ⭐️3.8/55️⃣Japanese Organic Cage Free Egg (Benedict / Royale / Smoked Haddock) 日本流心蛋 ⭐️3.8/5小食一人一份唔駛爭。

調味後既和牛他他配酸種麵包好滑好夾，他他甜中帶酸好開胃；燒帶子同生蠔正常發揮，生蠔已經處理過離殼有調味。

流心蛋就有三種處理方法：分別係流心蛋配上鬆餅 煙燻火腿/三文魚或者係鱈魚。

.Appetizers 頭盤 (4選1)1️⃣Homemade Smoked Salmon 煙三文魚 ⭐️4.5/52️⃣Blue Lobster Bisque, Tarragon Cream, Cognac 龍蝦湯 ⭐️4.5/5頭盤有四個選擇，兩個人分別揀左文華兩款好出名必試款式：自家制即切煙三文魚薄片同佢地扒房好出名既龍蝦湯。

以頭盤黎計，現場即切三文魚薄片份量非常足，煙燻味極濃及微微比一般食開既煙三文魚咸。

配埋佢地好多唔同款既配料，特別係蔥粒同洋蔥粒一齊食非常野味。

龍蝦湯就係呢間扒房另一個招牌頭盤，必試。

侍應會係客人面前倒龍蝦湯入去Tarragon Cream同龍蝦肉上面，雖然只係一個Gimmick 但做法都有驚喜。

.餐單頭盤仲可以選擇龍蝦沙律同另一版本既文華沙津。

下次有機會都可以試一下。

.Roast 烤品主菜 (6選1)1️⃣Slowroasted USDA Prime Rib of Beef 慢煮USDA 烤牛肋扒 ⭐️4.6/52️⃣MSC Certified Whole Dover Sole, Grilled with Lemon Butter (+💲128) 香烤原條比目魚 ⭐️3.6/5黎文華東方扒房，除左必試威靈頓牛扒之外，Prime Rib 烤牛肉都係大熱門。

同去食自助餐一樣，服務員推餐車出黎會係你面前即切，另外仲會配埋最傳統既Yorkshire Pudding。

牛肉好高質，油脂高，有咬口同好嫩滑。

反而對個Yorkshire Pudding 有少少失望，雖然知道YP只係傳統上配烤牛肉食令到大家更飽肚既烤麵包，唔係高級菜式。

但係呢份質感上都略嫌淡口同比較油，唔算香脆。

.因為同行者唔食生，所以另一份主菜點選左餐廳推介既原條比目魚。

叫既時候侍應有問要唔要幫手起左條骨先上碟，但因為想影相好睇少少所以決定自己處理。

其實比目魚只有一條大骨所以用餐上都唔難好方便。

奶油汁好香但我自己覺得煎得有少許過左火位有幾濃既焦香味。

原條魚要加錢，份量都幾大，所以食魚都一樣好飽。

.Sides配菜 (選2)1️⃣Broccoli & Cheese 芝士西蘭花 ⭐️3/52️⃣Creamed Spinach 奶油菠菜 ⭐️4/53️⃣Hand Cut Chips 手切薯條 ⭐️4/54️⃣Macaroni Cheese & Parmesan Breadcrumbs 芝士通心粉 ⭐️3/5套餐配菜有好多款選擇，每人可選2款。

奶油菠菜同手切薯條我地覺得係必食，兩款都係非常高水準。

但後悔點左兩個芝士系配菜，因為其實食到主菜已經好飽好飽，下次應該選擇配清淡少少既配菜例如薯蓉或者烤蔬菜。

.Dessert Selection 甜品精選 ⭐️4.2/5套餐係包一整個甜品架，餐牌上面所有既寫出黎既甜品都會有，基本上接近一個港女英式下午茶既二人份量。

因為太多款所以只係寫比較深印像既款式。

1️⃣1963 Mandarin Cheesecake2️⃣70% Chocolate Devil Cake3️⃣Freshlybaked Madelaines with Rose Petal Jam & Clotted Cream講起文華東方甜品，1963文華芝士蛋糕一定唔少得，今次個甜品架都一樣有得俾大家試下。

超邪惡朱古力蛋糕朱古力味極濃但唔甜唔漏。

而放低層既馬德蓮貝殼蛋糕係文華另一個名物，雖然呢款甜品糖份一向都好高，但呢個貝殼蛋糕比出面食到既清香。

.🔸總括：其實食到主菜已經接近九成飽，到最後一整個甜品架黎到雖然全部都好吸引，但只能夠每件試下唔會再可以開懷暢食。

如果唔額外加原條魚或者叫其他飲品，折左之後其實人均$800$900。

可以係中環高級酒店扒房食到呢個份量同質素既菜色，我覺得真心係抵食。

當然，套餐如果可以包埋餐飲會更完整。

另外，初初以為早場時間兩個半小時應該好充裕，但最後連埋影相時間食到最後上甜品已經接近1:15，可能揀下午場任坐時間會更好。

.不專業食評 nei.foodie

文華扒房及酒吧餐單提供西式, Fine, Dining, 扒房, 酒店餐廳等推介美食位於中環區，餐廳座位數未知人均消費約$801以上，結賬可以用Visa,Master,現金,AE,銀聯,JCB，Booking訂位可以電話致電 28254004 查詢。

您對於中環餐廳「文華扒房及酒吧」有何 comment？

文華扒房及酒吧餐廳詳細資料：

• 文華扒房及酒吧地址:
  中環干諾道中5號香港文華東方酒店1樓
  Mandarin Grill + Bar, 1/ F, Mandarin Oriental Hong Kong,5 Connaught Road Central, Central
• 文華扒房及酒吧電話: 28254004
• 文華扒房及酒吧價錢: $801以上
• 分類: 西式, Fine, Dining, 扒房, 酒店餐廳
• 座位: 未知
• 付款: Visa,Master,現金,AE,銀聯,JCB
• FB專頁: 文華扒房及酒吧 Facebook

更多文華扒房及酒吧相關資料:

• 文華扒房及酒吧分店
• Youtube
• Facebook
• Twitter
• Google