寶鋒餐廳 中環

寶鋒餐廳 評價 相片

同lunch飯腳成日係樓下行過望上去，我成日話搵日去個到試試，終於去左....失望到極，比班飯腳串足幾日!!!環境似係夜晚係酒吧，咁中午就唔好浪費做埋午市格局~呢個唔係問題! 最難頂係佢d 食物都好明顯係o係有限的小廚房內，做有限的食品! 我叫左個白汁豬扒飯，個白汁淡茂茂，兩塊豬扒完全無味，煎得乾巴巴，再加上佢用黎盛野食的小朋友型公仔膠碟....成份野好似去左人地屋企食個岩岩學煮野食的人o既作品!!個餐湯仲攪笑，用個小朋友型膠碗仔盛住d 清水咁浸住幾塊椰菜.....加埋杯野飲成50幾蚊，d侍應阿姐的咀臉又高竇....真係完全唔值!!!!!其他飯腳叫個幾碟飯都差不多情況，淡茂茂，無誠意之作....廢事講!!

回想上次黎食, 已是一年前的事, 一向俾我味道同服務都普通的餐廳, 有少少80年代Feel, 又要先付款後等食. 窄窄一間長廊式小餐廳, 雖特別但不吸引.為了回憶, 今午決定再來, 餐牌以意粉為主, 有焗, 有湯, 有伴. 叫了一個白汁吞拿魚螺絲粉, 同事一個Today Special, 什麼番茄焗鴨胸螺絲粉. 呢度整既食物比較清淡, 感覺上都OK 健康, 雖然要尚金先謂, 但好快便有一碗清湯端來, 清湯係著仔加粟米既湯, 好清甜, 100%消暑. 白汁吞拿魚螺絲粉, 白汁不多, 味道清淡, 不過口感健康.番茄焗鴨胸螺絲粉, 看來芝士落得好足, 同事都說不錯.我們坐了最後一排位, 對住冷氣機, 好冷......

難食無問題…但無heart去煮就係另一個問題。

每天lunch都會經過，所以今天跟三五同事說不如去試試新野，比個機會佢。

環境不錯，帶點日本自家店的閣樓home cafe風格，喜歡到極。

餐廳要先自已買票，選擇也很多，大部份是意粉類的東西，餐湯清清地都ok，總比其他茶餐廳的味精湯來得好味。

主菜到，賣相都勁清淡，有點像兒童餐的食物，我叫的芝士焗午餐肉通粉還ok，但要自己加鹽，只得那兩半片午餐肉是最好味的(相信不會是他們自家制的午餐肉)；其他同事的tuna螺絲粉，香草蕃茄螺絲粉…他們差不多沒有吃過，又乾又無味，最適合當身體不舒服時候又想清清地吃一餐時去光顧。

另外的什麼椰香飯，跟那湯意粉，還是不用多提好了。

覺得價錢真的有點貴得不合理，如果是那個質素，我真的覺得他們是一點對食物要求的誠意也沒有。

希望他們會好好去反思一下，要過得自己，才去收那個價錢…。

老實說，那些食物質素，還是留在家裡比較好。

第一次嚟, 叫set lunch, $59, 有一碗仔木瓜湯, 鵝肝醬牛肉焗薯, 無跟餐飲!!碗湯細到死, 細路仔膠碗size...兜焗薯仲估佢唔到, 一心諗住係原個焗薯仔啦, 點知係一兜切粒薯仔喺底, 加34塊薄一薄o既鹹牛肉片, 叮叮多所謂o既鵝肝醬, 芝士, 茄汁...淨係食咗面果層咋x_x,下面d薯仔淡茂茂, 仲出晒水ga!又話跟餐可以加$5有甜品, 咁食唔飽咪即管食埋甜品搭夠啦, 點知就話今日無做甜品喎...咁既餐廳好唔得呀!!!

(6/1/07)未夠兩點,度度都仍然排隊食野。

與男友遊逛到呢度。

lunch set$29$45(大部份是意粉)。

一入去好舒服,好乾淨。

揀選左白汁香草煙三文魚炒螺絲粉,跟餐湯─椰菜薯仔紅蘿蔔,勁無添加清湯。

炒螺絲粉,竟然唔係炒,係淋汁啫!如果唔係靠D煙三文魚碎既味,真係好淡o羅,而且整體都唔夠熱,更加俾人求其滔上碟的感覺。

本身想order下午茶都No喇,咪加$5一小碗家庭feel沙律,代替下午茶念頭。

其實呢間野感覺幾健康,但要在食物誠意方面改善一下。

寶鋒餐廳餐單提供港式, 粉麵, 米線, 茶餐廳, 冰室等推介美食位於中環區，餐廳座位數50人均消費約$50以下，結賬可以用現金。

您對於中環餐廳「寶鋒餐廳」有何 comment？

寶鋒餐廳餐廳詳細資料：

• 寶鋒餐廳地址:
  中環威靈頓街133號地下
  寶鋒餐廳, G/ F,133 Wellington Street, Central
• 寶鋒餐廳電話:  
• 寶鋒餐廳價錢: $50以下
• 分類: 港式, 粉麵, 米線, 茶餐廳, 冰室
• 座位: 50
• 付款: 現金
• FB專頁: 寶鋒餐廳 Facebook

更多寶鋒餐廳相關資料:

• 寶鋒餐廳分店
• Youtube
• Facebook
• Twitter
• Google