唐包點 中環

唐包點 評價 相片

近排工作太忙，有時lunch都係買個外賣就算前排聽有個同事話唐包點嘅蒸飯都唔差，今日就諗住去試，比起附近幾間食肆，唐包點人不算多，加上staff好快手，真係忙人恩物~去到比佢個糯米雞吸引左，冇叫到蒸飯🤣糯米雞都幾大隻同飽肚，內有一隻肉淋到脱骨嘅雞翼，醬料唔會過多，時不時過下口引都唔錯🤭始終糯米雞唔係一個非常健康嘅食物，卡路里有啲超標🤣雖然知道已經好肥，但都忍唔住叫多個鮮竹卷🙈不過鮮竹卷我就唔太喜歡啦，鮮竹卷包嘅涵過份濕潤帶水，所以整體鬆散太淋~下次試個蒸飯先哈哈

經過中環站既唐包點，唔單單得包，好多飯款、粥品、糖水既選擇！見佢仲有飯券買，都幾方便香港都市人～開放式既廚房，睇住一個個包得靚靚既包放入蒸爐，整齊乾淨～食都食得放心！足料糯米雞：一打開香噴噴，足料，入面有冬菇，雞翼一大隻等等材料，的確足料飽肚之選，熱賣總有原因既！梅菜肉餅飯：梅菜肉餅夠曬入味，飯都幾綿香，飯份量多！蕃薯糖水：蕃薯好多，甜度岩岩好！食飽飽加個糖水，令人更滿足～香芋包、香菇雞包、菜肉包：同先生都眼闊肚窄，哈哈！好在唐包點既包個個都獨立包裝，我地到夜d翻熱黎食，依然好鬆軟，包面依然光滑，個個包餡料都足料～好味道！蜂蜜紅棗生薑茶：見佢新品$9優惠價試一試，味道好清甜，入面有紅棗薑既粒粒，下次要encore多幾支～

屋企冇飯開🥺就決定落香港站既唐包點買啲蒸飯點心返去開餐😋間野好易揾，一出閘就見到🤪落單既時候見到後面一格格好靚好似locker咁既櫃，啲野食就係放哂係入面，落完單就開櫃執，5分鐘都唔洗就買完走得，啱哂忙碌既香港人🚶🏻‍♀️.🍚鳳爪排骨飯 $27飯煮得好軟熟，排骨都算多肉，再加埋鳳爪同少少辣椒🌶️，惹味又開胃🤣.🍛北菇蒸雞飯 $27雞肉好滑，又啖啖肉，有微微既薑味😆加上雞油滲左落啲飯度，再落埋豉油汁，好正🤤.山竹牛肉 $18牛肉球有三大粒，食得出用料新鮮🤓點埋喼汁酸酸地好開胃😉.鮮竹卷 $18一盒有三條而且都幾大條，入面既餡料豐富，味道同質素拍得住酒樓啲點心😜.黑芝麻豆漿 $9佢既豆漿標榜無添加，採用加拿大一級黃豆，冇改造基因，百分百香港每日新鮮製造😉淡淡既黑芝麻香味，飲落甜度剛好👍🏻好鐘意🤩

今個午餐真係好豐富🥰🥰🥰周圍都好多人就決定去唐記買外賣食我印象中一路以為剩係得包賣原來已經進化到有飯有粥仲要有唔同嘅特飲🥤🥤仲要我叫咗一大堆嘢食$100都唔使鳳爪排骨飯 $27鳳爪同排骨都好入味而且材料好足鮮竹卷 $18同一般酒樓食到嘅味道一樣有外賣方便得多了足料糯米雞 $27無呃人。

係足料以前一般外賣都係淨係放喺個袋度呢個有埋個盒番薯粟米粥 $12健康之選，番薯同粟米溝埋又幾好食同埋$12真係好抵蜂蜜紅棗生薑茶 $9呢啲真係好好味同埋呢三個材料都係飲左對女仔好既

今日happy Friday, 為咗今晚早啲收工，決意同兩個同事easy lunch, 所以就再次光顧唐包點😀連續兩日都食唔倒流心阿華田包...天的註定😭唯有要豬軟骨飯、好想試飲嘅蜂蜜紅棗生薑茶、菜肉包、番薯包、香芋包同缽仔糕。

包裝設計精美簡單衛生，一打開見到圓碌碌可愛包。

包軟熟唔需要講，菜肉餡新鮮有肉汁、番薯包香芋包味道天然、唔會過甜。

而晚飯后食嘅缽仔糕爆多紅豆，黃糖糕底清甜，要搵有質素嘅缽仔糕都唔容易。

之後一定要試流心阿華田包🥺

唐包點餐單提供港式, 點心, 中式包點等推介美食位於中環區，餐廳座位數未知人均消費約$50以下，結賬可以用現金，Booking訂位可以電話致電 23434133 查詢。

您對於中環餐廳「唐包點」有何 comment？

唐包點餐廳詳細資料：

• 唐包點地址:
  中環港鐵香港站HOK60號舖
  Tong Bao Dim, Shop H O K60, Hong Kong M T R Station, Central
• 唐包點電話: 23434133
• 唐包點價錢: $50以下
• 分類: 港式, 點心, 中式包點
• 座位: 未知
• 付款: 現金
• FB專頁: 唐包點 Facebook

更多唐包點相關資料:

• 唐包點分店
• Youtube
• Facebook
• Twitter
• Google