Carving 上環

Carving 評價 相片

今晚黎到位於上環既西餐廳Carving食晚飯，依間餐廳既燒牛肉都幾出名，所以就黎試下。

燒美國頂級肉眼套餐生牛肉他他配松子仁生牛肉他他入口有牛肉味，配上松子仁既果香岩岩好。

燒美國頂級肉眼配菠菜和燒汁肉眼好多肉汁，肉味香濃，燒牛肉燒得剛剛好，有少少焦香味。

依道菜好味過平時係出面自助餐食到既燒牛肉好多。

朱古力心太軟配雪糕心太軟焗得唔會太過耐，有流心效果，配上雪糕真係好好味。

烤鴨胸套餐柚子醬油醃刺身油甘魚配青瓜油甘魚好多片，好鮮味，配上清甜既柚子醬令味道更上一層樓。

烤鴨胸配紅桑子和西班牙辣肉腸醬鴨胸好厚切，煮得好入味，入口仲有肉汁，好味。

法式焦糖燉蛋蛋味香濃，入口好幼滑，好滿足。

整體黎講，今晚既食物質素好高質，仲可以食到咁好味既燒牛肉，真係一餐好難忘既晚餐。

#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoodie #hkblogger #hungry #foodphotography #holiday #foodstagram #hongkong #手機食先 #likeforlikes

lunch抵食系列—————————係上環返工發現譚仔三哥樓上裝修完 同事推介於是乎去試下細細間唔留意就會錯過 三哥隔離電梯上完之後一個u turn就會見到門口 如果多人 建議book檯 因為我兩次去都只可以坐bar檯lunch set $98加一超級抵食 首先啲sides 都好卑心機 我去過兩次 試咗唔同嘢 番茄濃湯 同 南瓜濃湯 鍾意飲西式湯既朋友一定要試下 濃而不膩 very creamymac&cheese 十分濃味 唔係cheap cheap芝士味 不過一個人食係幾漏 佢分開碗上 建議同朋友share都好 主食塊牛大塊 剛剛好 嫩口 出餐前先片落來擺上預熱咗個碟 可見個老細既專業性最後甜品叫咗tiramisu $88大份到夠3個人share來食總結：高質抵食 我1星期內去咗2次 係上環返工既朋友 lunch真係要試下 佢有埋foodpanda外賣 以上

鐘意食牛嘅人唔可以錯過🐂呢晚喺Carving食晚餐絕對係多重嘅享受❣️除咗享受食物之外 我仲揀咗坐吧枱位 可以一路睇住大廚整野食 要知道呢度嘅大廚仲喺五星級酒店做過👨‍🍳嗰種功架配埋高質嘅食材 不得了💯另外staff仲好nice好細心 會不時留意住我哋有乜需要 又會同我哋傾下計 問下我哋覺得野食點 感覺好親切💕呢度有兩款Dinner Set 我哋當然一人叫一款嚟share食啦😝咁就可以試到多d野 Set都會有前菜/主菜同甜品🐂燒美國頂級肉眼套餐🦐西班牙紅蝦海鮮套餐◾柚子醬油醃刺身帶子配合桃和青蘋果帶子刺身唔算厚切但好新鮮 配上柚子醬/青蘋果🍏酸酸甜甜 更加帶出帶子嘅鮮味◽慢煮雞蛋配蘑菇黑松露上菜時廚師會喺你面前將一片片嘅黑松露刨落去 淨係呢個畫面已經流口水🤤將黑松露/流心蛋/蘑菇撈勻嚟食 第一次試呢個組合 意料之外好夾 一啲違和感都無◾燒美國頂級肉眼配薯蓉燒汁主菜嚟啦🥳燒肉眼比我哋想像中更加有份量 佢哋處理得好好 表面呈粉紅色嘅狀態 食落去依然有肉汁 牛味濃郁 口感軟稔 果然係主打💯◽西班牙紅蝦配蘆筍意大利粉紅蝦都算大隻 而且好新鮮 除咗面頭嗰隻 意粉中都有蝦肉架🦐意粉有咬口 而且蕃茄汁都係廚師自己調配 所以味道剛剛好◾朱古力心太軟配雪糕◽Tiramisu甜品同樣係自家製 水準亦都係偏高 尤其是心太軟 朱古力味香濃 連個雪糕嘅味道都特別突出架🍨最後我哋仲試咗兩款手工啤 講開beverage 佢嗰度嘅手工啤有不少於20款 勁多🤣另外仲有wine/wriskey等等食完呢餐真係勁飽飽 好滿足❤️下次要嚟試埋lunch 因為佢哋個lunch box超抵食 燒牛肉再加2個sides 只係$98咋😍

之前收到呢間餐廳嘅傳單，今日專登去試吓。

餐廳入口唔易搵，要喺樓下譚仔隔離扶手電梯上餐廳細細，可以堂食，都可以外賣。

叫咗燒牛肉，有一大片，見佢牛肉燒得好靚，非常juicy，牛有牛味。

個 gravy配搭得啱啱好，唔會喧賓奪主。

除咗薯蓉之外， sides 我揀咗薯條同埋蝦沙律。

沙律菜新鮮，薯條有啲辣粉都好惹味。

睇得出舖頭有心做好食物質素，值得支持。

聽職員講，遲啲有新menu，有意粉之類嘅選擇。

一定會再嚟，試埋佢其他sides，好期待佢嘅新 menu

今日行過上環，本身想幫襯譚仔但係太多人。

望一望樓上來開咗間新餐廳，行上去睇吓。

原來係賣lunch box 🍱, beef in a box見冇乜嘢做就試吓啦！$98 ，有3塊牛肉再加幾個sides，都算抵嘅😅😅 我就揀咗沙律，我最鍾意食嘅mac&cheese，加上啲特製嘅辣辣地薯條，好有一番休閒嘅感覺。

走嗰時仲送咗塊曲奇餅俾我。

個人認為，如果喺上環附近返工，其實譚仔以外都可以係一個唔錯嘅選擇黎嘅！但係成日食就怪怪地，始終香港人呀嘛！都係食餐譚仔好啲😅😅😅

Carving餐單提供西式等推介美食位於上環區，餐廳座位數未知人均消費約$101-200，結賬可以用Visa,Master,AlipayHK,支付寶,現金,八達通,AE,Apple,Pay,Google,Pay,微信支付，Booking訂位可以電話致電 65530938 查詢。

您對於上環餐廳「Carving」有何 comment？

Carving餐廳詳細資料：

• Carving地址:
  上環皇后大道中338號338ApartmentUG樓1號舖
  Carving, Shop1, U G/ F,338 Apartment,338 Queen's Road Central, Sheung Wan
• Carving電話: 65530938
• Carving價錢: $101-200
• 分類: 西式
• 座位: 未知
• 付款: Visa,Master,AlipayHK,支付寶,現金,八達通,AE,Apple,Pay,Google,Pay,微信支付
• FB專頁: Carving Facebook

更多Carving相關資料:

• Carving分店
• Youtube
• Facebook
• Twitter
• Google