咪咪茶餐廳 中環

咪咪茶餐廳 評價 相片

我做咗中環上班族N咁多年啦，所以對喺中環無論食商務、一人餐或成班同事一起的午餐，都略有點知識。

今日帶你嚟呢間，我一個月都會嚟幾次嘅「咪咪茶餐廳」，位於小巷利源西街中間。

你一定估唔到，一間位於小巷中其貌不揚嘅茶餐廳入邊，居然不時有日本人或外國人喺度食午餐🍛。

呢度CP值高，平時我鍾意食鹽焗雞飯🐔或蒸鯇魚飯🐠，除咗餐牌嘅食物之外，每日都有精選午餐。

今日店員介紹：「黑椒德國鹹豬手飯🍖」好靚。

好！就試吓啦，碟豬手飯嚟到，大大塊喎，應該有半隻豬手份量，炆得好琳滑，好惹味，超得👍😋！連埋餐飲，都係$46。

你話抵唔抵呢🤑？雖然呢度嘅員工個個都中氣十足，但都有禮貌，午餐繁忙時間，仲有時會亂亂地，好搞笑😂。

收銀嗰個中年哥哥仔應該就係老闆，風趣幽默。

「咪咪」係一間非常之有人情味、地道嘅茶餐廳。

推薦給中環上族中，尤其是係月尾嗰陣🤫，哈哈！

上世紀中環有綽號「蛇竇」茶餐廳，九龍冰室的舊式格局，雞批最著名。

格局「地踎」，供中環白領主要是男士，「隱世」小休以「充電」。

「蛇竇」茶餐廳已無聲無息地再現江湖，以滿足「蛇王」的剛性需求。

隱沒在利源西街的牌檔後面，比鄰近的瑞士咖啡廳更隱秘 ;後者是「瑞士」般潔淨企理，此店則似貓竇?穿越中環商厦，入到此店，是穿越到上世紀末的「蛇竇」，只是欠了門口的典型西餅櫃。

那份濃郁的古早味，撲面而來。

面積比舊蛇竇大，有黃色中國框框裝飾，風格統一，只是木箱式凳子稍硬，雜物亂放。

主要餐牌舖在牆上，清晰地標示有A至E餐和9款套餐，早和茶餐都是這14款，配合中環白領的需要。

多處地方標示奶茶卓越，入口感覺是具香港茶餐廳應有水準，滑，甘，香兼備。

炒蛋和粉麵飯平凡，反而茶點是用心製作。

焗豬仔包鬆軟香口，直徑大，比大集團食店出色。

中環新「蛇竇」星期日休息。

12:15 去到都已經無咩位坐，12:30開始要排隊。

座位逼，伙記送飯要係頭頂過。

份量夠，味道中上，但係等候時間唔快。

不過中環$45 包餐飲已經算抵。

總括而言，一間價錢正常，味道不錯既茶餐廳。

係中環最貼地嘅茶餐廳之一！食物味道不過不失，個人中2佢嘅咖哩，午餐包野飲都係44，不過午餐餐牌唔係時時有咖哩，想食就要另外叫。

一般炒粉面飯都係大大碟唔偷雞，樣樣都有。

2點下午茶時段最抵食，餐牌有幾樣炒粉面飯包熱飲都係40，而且唔會細碟左，同午餐一樣size！芝士蛋治/餐蛋治烘底就料足，有時火頭心情靚件蛋有可能大份啲🤣！野飲方面，個人最愛熱奶茶不加糖，係必點之一！！老闆親切風趣，中2吹下水，最重要都係係中環呢個地方，價格非常親民！中環Lunch首選！

作為一個辦公室小薯，返工帶飯慳返啲錢是常識吧！不過咁，難得有好朋友主動搵你出黎食個lunch,又無理由拒絕既😆返得中環，lunch hour啲餐廳排哂長龍就預左架喇。

今次呢間都唔例外，大概排左10分鐘到啦小弟果個飯就最快黎既，不過其餘兩個朋友都唔係等左好耐。

呢度啲伙記手腳都幾快喎💪🏿講真，收得呢個價錢，有咁既水準同服務，仲可以點喎！雖然張枱隔離長期擺左個裝污糟碗碟既桶，但大家都只係一笑置之🙂無所謂啦！下次可以再黎呢度食個quick lunch!

咪咪茶餐廳餐單提供港式, 茶餐廳, 冰室等推介美食位於中環區，餐廳座位數60人均消費約$50以下，結賬可以用AlipayHK,支付寶,現金，Booking訂位可以電話致電 25687638 查詢。

您對於中環餐廳「咪咪茶餐廳」有何 comment？

咪咪茶餐廳餐廳詳細資料：

• 咪咪茶餐廳地址:
  中環利源西街8-10號地舖
  May May Restaurant, G/ F,8-10 Li Yuen Street West, Central
• 咪咪茶餐廳電話: 25687638
• 咪咪茶餐廳價錢: $50以下
• 分類: 港式, 茶餐廳, 冰室
• 座位: 60
• 付款: AlipayHK,支付寶,現金
• FB專頁: 咪咪茶餐廳 Facebook

更多咪咪茶餐廳相關資料:

• 咪咪茶餐廳分店
• Youtube
• Facebook
• Twitter
• Google