南亭 中環

南亭 評價 相片

Nan Tei 南亭, 中環🍢我個人好鍾意食佢哋個#牛舌 ，#銀雪魚 ，#芝士 #年糕 同#鰻魚 #飯團 。

個豬肉串都非常不錯🤤佢個牛舌超好味，燒得恰到好處。

銀雪魚非常嫩滑，好新鮮，最緊要係真係燒得好好食，唔會過熟。

個飯團雖然聽落好普通但係佢燒得外層脆卜卜，好好味。

總括而言呢間餐廳食物相水平係超高質素，你就咁睇相未必覺得佢好吸收引。

價錢唔算貴，一定一定會再黎，但係就未必係中環呢間分店嚕💁🏻‍♀️原因係呢到其中一個員工既服務態度真係好差，呢到樓面只有兩個人，你好難免要接觸到佢。

你上#OPENRICE 睇其他食評都會見到有好幾個提到某個員工好差既服務態度。

我自問都算係一個好好脾氣既顧客，但佢都真係世界級。

當日咁岩有個客人同佢都少少火花，完全睇得出個客人有幾不滿🤣 👍🏽不過唔開心嘅小事過咗去就算🤠好彩佢啲食物抵反哂，如果唔係一定俾劣評🤠.📍G/F, 55 Staunton Street, SOHO, Central #HappiMuffinHongKong 🌟#HappiMuffin Rating: 9/10💰Price: $300400 pp.#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

之前行過南亭的門口，已經見到佢好有日本特色嘅裝修，但係因為每次行過太多人排隊，所以一直都未試，今日終於有機會。

今晚試咗佢嘅二人餐。

雖然係二人餐，但係食物嘅種類非常之多，包括：前菜、主菜、小食、甜品。

首先，前菜係充滿日本風味嘅凍豆腐，豆腐充滿豆乳香味加埋木魚乾，令到豆腐嘅香味更加突出。

至於主菜，有唔同嘅燒烤食物，例如：蝦、雞翼……因為實在太好食，連相都唔記得影，哈哈。

至於甜品，係燒丸子，我本身鍾意食凍食嘅甜品，雖然係熱食嘅甜品，但係都好好食，尤其是冬天食就啱啱好。

之後我仲加咗個燒飯團，飯團嘅表面有燒焦左嘅米飯，好似平時食開啲飯焦咁，好香脆，最緊要係啲紫菜冇淋晒，令人一試難忘。

至於個環境，充滿日本風味，雖然冇得去旅行，但係令我覺得好似去咗日本咁。

絕對可以再去多次！ ！ ！最後值得一讚嘅係，本身二人餐係唔包凍烏冬，但係由於餐牌未更新，我叫咗凍烏冬。

職員都好有禮貌地通知我，最後亦都俾咗個凍烏冬我。

所以無論係用餐過程，食物質素，以致職員嘅服務態度，全部都係滿分，值得推薦。

本人經常光顧尖沙咀南亭,好味又服務態度好,不過中環半山就唔係,平時食牛肉串燒set可以換走牛舌,因為我唔係好食内臟,可惜中環半山分店既四眼男服務員就拒絕,話呢度唔係尖沙咀,d野set好哂冇得換,其實只係四條串燒,點解set 好哂？完全唔比option,尖沙咀分店好好多！

疫情之下又想食好嘢，要小心選擇衛生嘅餐廳，今晚喺中環附近，就選擇去咗南蠻亭。

入佢之前先要量體溫係指定動作，見到入面枱櫈嘅格局已經唔同咗，真係堅守1.5米嘅距離，枱與枱之間又有擋板，非常企理。

坐低之後，先比一兜新鮮蔬菜，在幫客人添加鹽同麵豉醬，服務都唔錯。

我哋叫左牛舌、蘆筍豬肉卷、冬菇、大葱豬腩肉、雞翼、洋蔥、北海道帶子，仲有雞泡魚乾。

最鍾意係蘆筍豬肉卷，豬肉啱啱好之餘，蘆筍仲係鮮嫩多汁，想再嗌都冇晒，北海道帶子都爽口唔乾，其他每樣都好食，唔使點嘢都夠味👍🏼雖然價錢偏貴，但都算係物有所值

First time here, my friend ask for here, but surprising me, just drink, just eat, not very cheap but worth it, good food and nice service, my friend told me that the waiters were changed, and now were so nice and polite, this is the xxing good service, also the food are very match for us to drink, grill! i like it now, crispy, chicken wing, pork, skin...whatever, i ate so many many of them, looks like we ordered 90% of the Menu, just loved it so much.安排坐係吧枱，店員熱情地逐一介紹餐牌既食物，多款食物中十分推介牛舌、雞皮蝦、紫蘇葉豬肉卷、燒雞肝、芝士年糕，必食之選。

另外飲品方面亦推介柚子酒，柚子味十足加上淡淡既酒味，男人飲清酒或者燒酎，飲到尾都唔會變水，十分好飲。

 門口看一看就覺得好有日本味道的 居酒屋, 朋友推介去試一下 。

真係有高質素的串燒。

串燒其實最重要就是要燒到皮香肉嫩, 呢個絕對可以做到!! 燒雞皮, 真係好香脆但並不乾身.,就似薯片般脆卜卜而且好香雞油味。

我真心認為燒雞皮有一定的難道, 要脆但不乾硬, 我試過好幾間都不一定做到!我好滿意呢間日式居酒屋, 好有日本風味, 可以摸下酒杯底。

但最緊要食物質素高, 每一串都係獨立即燒,唔係大量粗製濫造。

怪不得可以屹立多年啦。

南亭餐單提供日本菜, 串燒等推介美食位於中環區，餐廳座位數44人均消費約$201-400，結賬可以用Visa,Master,現金,AE,銀聯,Apple,Pay,diners，Booking訂位可以電話致電 25596221 查詢。

您對於中環餐廳「南亭」有何 comment？

南亭餐廳詳細資料：

• 南亭地址:
  中環蘇豪士丹頓街55號地下
  Nan Tei, G/ F,55 Staunton Street, S O H O, Central
• 南亭電話: 25596221
• 南亭價錢: $201-400
• 分類: 日本菜, 串燒
• 座位: 44
• 付款: Visa,Master,現金,AE,銀聯,Apple,Pay,diners
• FB專頁: 南亭 Facebook

更多南亭相關資料:

• 南亭分店
• Youtube
• Facebook
• Twitter
• Google