すき焼 森 (荷李活道) 中環
地址: 中環荷李活道66號地庫
最後更新:
すき焼 森 (荷李活道)推介
網上d人話此壽喜燒好食又難訂位， 6月中打電話問， 話7月已full, 叫我問下其他分店， 同樣爆晒。 好。 我聽佢話7月1日打去預訂8月位， 7月1日2點打去， 要去到8月14日星期六12點才有2位。 好， 照訂照等個半月， 超級期待。8月14日12點2位， 要求坐bar 枱。$580 ／位lunch set1°前菜是茄子凍， 好特別。2° 櫻花蝦茶碗蒸蒸蛋軟滑， 好香櫻花蝦味。 不同其他日本店用冬菇蟹柳。3。壽喜燒主角……牛肉肉眼， 西冷， 牛肩。由師傅在bar 枱前幫我們煮及介紹， 煎得超香， 牛肉又滑溜。師傅話先食原味， 品嚐牛肉不汁原味， 後才沾蛋汁食， 另一風味。日本米的白飯可以任加添， 不過建議勿食太多， 後有牛肉蛋炒飯。4。 蔬菜， 豆腐壽喜燒汁連我唔食豆腐的都食晒， 超好味。 5。柚子芭菲清新香滑食完壽喜燒再配上夏天冰涷甜品， 真好。 環境 :8分🙂食材 ： 自己個人感覺日本當地壽喜燒好味d, 但此間質素唔差， 有7.5分~8分😄服務: 8分 (有師傅專人在客人面前燒及介紹， 讚)👍😁唔好係真的很難訂位， 要預早1~1.5個月才訂到。總評: 8分
中環すき焼 森 (荷李活道)
| 餐廳分店 | すき焼 森 (荷李活道) |
|---|---|
| 地區 | 中環 |
| 電話訂位 | 28336032 |
| 餐單 Menu | 日本菜, 壽司, 刺身, 廚師發辦 |
| 人氣指數 | 973 |
| 價錢幾錢 | $401-800 |
すき焼 森 (荷李活道)訂位位於中環區，詳細地址是中環荷李活道66號地庫，餐廳寬敞座位數目共有27個。すき焼 森 (荷李活道)幾錢？價錢優惠後人均消費大約$401-800埋單，早餐午餐晚餐すき焼 森 (荷李活道)餐單包括有日本菜, 壽司, 刺身, 廚師發辦等美食，付款方式有Visa,Master,現金,AE,JCB付款，Booking網上訂位可以電話致電 28336032 查詢訂座。
すき焼 森 (荷李活道)優惠
すき焼 森 (荷李活道) 評價 相片
網上d人話此壽喜燒好食又難訂位， 6月中打電話問， 話7月已full, 叫我問下其他分店， 同樣爆晒。
好。
我聽佢話7月1日打去預訂8月位， 7月1日2點打去， 要去到8月14日星期六12點才有2位。
好， 照訂照等個半月， 超級期待。
8月14日12點2位， 要求坐bar 枱。
$580 ／位lunch set1°前菜是茄子凍， 好特別。
2° 櫻花蝦茶碗蒸蒸蛋軟滑， 好香櫻花蝦味。
不同其他日本店用冬菇蟹柳。
3。
壽喜燒主角……牛肉肉眼， 西冷， 牛肩。
由師傅在bar 枱前幫我們煮及介紹， 煎得超香， 牛肉又滑溜。
師傅話先食原味， 品嚐牛肉不汁原味， 後才沾蛋汁食， 另一風味。
日本米的白飯可以任加添， 不過建議勿食太多， 後有牛肉蛋炒飯。
4。
蔬菜， 豆腐壽喜燒汁連我唔食豆腐的都食晒， 超好味。
5。
柚子芭菲清新香滑食完壽喜燒再配上夏天冰涷甜品， 真好。
環境 :8分🙂食材 ： 自己個人感覺日本當地壽喜燒好味d, 但此間質素唔差， 有7.5分~8分😄服務: 8分 (有師傅專人在客人面前燒及介紹， 讚)👍😁唔好係真的很難訂位， 要預早1~1.5個月才訂到。
總評: 8分
提前預約都要等一個月先有得食既壽喜燒‼️相信呢間最近好hit既日本餐廳應該好多人都討論緊。
雖然等到頸都長，但性價比的確高。
呢間係位於中環何李活道既Sukiyaki Mori啦 😍😍 ！另外中環都仲有兩間分店架。
想食既朋友仔記得早d預訂啦！Sukiyaki dinner set $680+10%，包括：1. 螢光墨魚 第一次食，鮮嫩不過有少少腥。
2. 姜蓉櫻花蝦茶碗蒸 質感好滑 配以蝦既脆脆口感，有姜闢腥。
3. 四塊不同部位既牛肉講下呢個套餐既靈魂人物——牛肉先，每人有四塊不同部位既牛肉，分別係：肉眼、西冷、兩個牛肩位；各有不同口感同牛味。
我最愛西冷，油脂感同肉味最平均！正！我老公就最鍾意肉眼，佢覺得好滑好香，充滿油脂感。
另外，我哋每人加左$100食埋牛舌。
個人覺得雖然牛舌係好味，但性價比唔高，唔係好值🥲，可以不試 🤣 。
將熱辣辣既牛肉放入附送既日本雞蛋汁，d肉入口後好似滑入喉嚨咁 ❤️❤️ ，好享受啊！有師傅係旁邊即場燒牛肉，我哋就un un腳等食😝！一路望住佢整，一路聞住香味，然後熱辣辣上檯即食！牛肉熟度拿捏得剛剛好，加上黎自日本既蔬菜作為配菜，好味又夠曬balance唔會膩。
d菜好新鮮幾特別 👍🏻 ，調味甜甜咸咸好突顯出肉味，而且食唔同既肉時會有唔同蔬菜既配搭，顯出心思。
飯桶們有福了，因為呢度既日本白飯係任食架😁，用珍珠米煮成飯，粒粒分明，口感煙韌，送肉類一流🤤🤤！如果覺得食set裡面既肉未夠喉可以再額外加肉食，當然價錢就正價，我哋都加左兩塊西冷，雖然好好味，但我自己覺得唔太抵食啦😆。
再加上後面仲有蛋飯、麵豉湯、甜品，食曬成個餐都應該夠飽架啦。
4. 滑蛋飯 食完肉就食埋個滑蛋飯啦。
蛋煮得嫩滑，又有牛味，好正！😍5. 麵豉湯味道普通，而且有少少偏鹹。
6. 櫻花奶凍加mochi 淨係個樣已經好有簡單美，一個字：正❤️！另外：我哋加左7. 一份西冷牛肉，睇下個個紋理同色澤，係咪見到都流曬口水呢🤤？！8. 蘋果汁 凍冰冰用黎送熱辣辣既燒嘢食就最正啦！呢杯果汁都大杯，$40好reasonable。
9. 日本Suntory 啤酒 老公鍾意話唔會太苦澀。
Sukiyaki Set $680前菜分別有豌豆、日本茄子加富山灣瑩光魷魚 食既次序係豌豆、茄子再到魷魚 豌豆好大粒 食落有啲甜味 而茄子既表面有啲醬油啫喱 成個配搭好夾🍆 最後係煙燻過既魷魚 食落有啲爆漿既感覺 其實係魷魚既醬黎 自己接受到都ok 不過屋企人就麻麻地 好睇個人口味😹第二個前菜係櫻花蝦蒸蛋 面頭仲有啲薑蓉 夾埋一齊食會更提鮮 不過我唔食蝦所以就俾哂屋企人 佢哋話冇乜特別 而蒸蛋就好出色 蛋香味重之餘仲好滑😋然後就到主菜部分 今次食既係近江和牛 分別有肉眼、西冷、牛肩三個部位 由於佢係關西和牛既關係 煮法同一般關東和牛落汁煮有分別 呢款係落糖煎香塊牛 帶有焦糖效果 比較特別🤣第一塊會由肉味較淡既肉眼開始 呢塊加咗洋蔥上 食落夠淋身 雖然話係最淡味 但都食得出牛肉既香味架 而且每人會有一少碗白飯 唔夠的話可以任添😌食完第一塊會食啲蔬菜先 分別有豆腐、冬菇、娃娃菜同日本麵筋 每樣都吸收哂啲醬汁既精華 特別係日本麵筋 咬落好淋之後就食到超煙韌 好得意😚第二塊係西冷會加春菊同蒟蒻條食 春菊即係皇帝菜/唐芹既同品種 西冷肉味教濃 相對有咬口啲 點蛋汁食更出色 而且蒟蒻條可以去油 口感都好好✨之後就會食洋蔥 🧅愈外就愈老 愈內就愈嫩 可以試下就咁食外面個幾層先 食落都鮮甜 最內個幾層可以點蛋汁食 食落會更易入口 兩者都好夾😆食完洋蔥就到蒟蒻麵 雖然用上壽喜燒汁去炒既食法唔太健康😂 不過口感都唔錯 而且味道好濃郁😍第三款就係較嫩同牛味最重既牛肩肉加上帶甘三葉一齊食 呢款菜味就較重 未必人人接受到 但配牛係幾夾的🤩因為加咗兩份牛舌(每份+$100) 一份大概有4塊左右 食落好淋 加上少量蔥花 更有特色🥰食咗和牛就到滑蛋牛肉飯 啲蛋食落好滑 而煮既時間加咗少量酒去調味 而且飯量唔會太多 因為你食到呢個時間已經好飽🧐 之後會上埋麵豉湯 飲落帶甘同麻 師傅話係有消滯解膩既功效 仲有啲漬物 有青瓜、蘿蔔同紫蘇葉加梅 同牛肉飯一齊食紫蘇葉加梅既味比較特別 個人就麻麻 未必人人接受🤧 最後就係甜品既時間 有日式黃豆粉厥餅同櫻花奶凍 日式厥餅好煙韌同黃豆粉勁match! 加埋超滑溜既櫻花奶凍 同埋生日既裝飾都好精緻 值得一試🤤評分: 10/10🌟———————————————————————すき焼 森 (荷李活道) (中環)中環荷李活道66號地庫
呢間壽喜燒我都提前book咗一個月 如果好彩嘅話可能walkin都有位Lunch價錢$580 p.p. 夜晚就係$680 p.p.算係晏晝同夜晚價錢差距比較少嘅貴價餐廳晏晝同夜晚嘅分別可能就係牛嘅種類冇咁多 所以大家就可以根據自己嘅要求權衡💁🏻♀️.🎈Appetiser我哋今次嘅前菜有青豆 海帶 同螢光魷魚雖然主角應該係魷魚 但係我最impressed 係青豆🤣應該係我第一次見咁大粒有咁甜嘅青豆😋螢光魷魚咬落去會有少少爆漿嘅口感 師傅有解釋呢個係魷魚嘅膏 不過鍾唔鍾意呢個味道就真係見仁見智評分: 7/10.🎈Steamed Dish蒸物係櫻花蝦蒸蛋 面頭除咗有大量櫻花蝦之外仲有一小撮姜蓉呢個蒸蛋非常之juicy 櫻花蝦味唔算重但係蛋香味就非常香👍評分: 7/10.🎈Sukiyaki終於就嚟到今日嘅主角 呢度採用嘅牛肉係A5近江牛😋夜晚食嘅話會有四個部位 肉眼 西冷 同埋兩款牛肩位師傅會由淡味到濃味幫我地煮💁🏻♀️呢度壽喜燒嘅煮法係用糖煎香牛肉 再加上特製嘅壽喜燒醬汁我個人就會覺得雖然惹味 但係就偏甜不過呢度嘅白飯係任添嘅 送飯來講都唔錯👍👉肉眼呢個部位相對比較淋 牛肉味較淡作為第一款食嘅肉係一個好嘅開始👉西冷喺肉眼同西冷之間師傅先煮左少少蔬菜西冷嘅牛肉味道會比肉眼重少少 但相對上就冇咁淋 算係有咬口既💁🏻♀️👉牛肩牛肩有兩款 兩款同樣都係咁多隻牛肉裏面不論油脂同埋牛肉味都係最重嘅作為結尾來講非常滿足😋評分: 8/10.🎈Vegetable Plate除咗上好嘅牛肉之外 當然唔少得配搭嘅蔬菜蔬菜喺呢度就擔當住每款牛肉中間嘅調味劑同樣都係以壽喜燒嘅方法烹煮 但蔬菜就相對牛肉冇咁重味👉日本麵筋呢個可以話係所有蔬菜類裏面比較特別嘅一款佢嘅口感有少少淋淋地但帶一點煙韌索晒壽喜燒醬汁非常惹味😋👉蒟蒻條呢樣都係我比較impressed 既雖然有壽喜燒味 但都可以去除油膩感👉洋蔥我見師傅喺我哋面前將洋蔥燒咗好耐佢唔係嗰種煮到好淋 冇晒洋蔥味嗰種我自己本來係唔食洋蔥嘅 但係我覺得壽喜燒嘅味道可以蓋過我唔鍾意洋蔥嘅嗰浸味🤣評分: 8/10.🎈滑蛋牛肉飯其實食完前面所有嘢之後都已經好飽 所以呢個滑蛋牛肉飯嘅份量其實唔會太多師傅首先煎香牛肉粒 然後再加入日本雞蛋同壽喜燒醬汁😋評分: 8/10.🎈Dessert甜品係櫻花奶凍同日式厥餅不過可惜我同媽媽都唔食奶嘅 師傅都好好即刻幫我哋換咗雪糕不過個榛子雪糕同樣都係好重奶味🥲所以我就唔評論啦因為我偏食🤣🤣但係日式厥餅就唔錯啦 在甜品都係一個好嘅ending評分: 7/10.🎈總括而言我覺得呢度唔多唔少有少少都係食服務嘅 始終師傅係你面前即席燒 所以變咗每一台都有一個專屬嘅師傅 而店面嘅位置亦都比較少日式餐廳最重要嘅係同師傅之間嘅交流 就好似常見嘅Omakase 咁我哋今次嘅師傅都有每一樣野同我哋介紹食法同埋作用👍無可否認佢採用嘅牛肉係屬於非常頂級但係呢個做法可能我個人就唔prefer 因為有時候太甜反而會失去左靚牛肉既鮮味不過總括來講以呢一個價錢食到呢一個級數嘅牛肉都算係一個非常之唔錯嘅體驗😋評分: 8/10
呢到主要就係三個食法🥩Sukiyaki / Shabushabu (HKD$680)/ Mori Omakase (HKD$1480+)首次幫襯，我地就揀中價位Sukiyaki Set🍴 貼心位係肉類可以揀既～有牛/豚 可另加牛舌（HKD$100)依啲位都好有共識😏我地一定係食牛🐮選擇簡單，好快揀好就等師傅上菜同烹調👨🏻🍳成個Set 都好好豐富～ *前菜 蒸物 野菜 燒肉 御飯 甜品*____________我地叫嘅set有齊四款肉，包括肉眼,西冷,兩款牛肩🐄而成個玩法就係：1.煎一塊肉👉🏻食😋2.炒份菜👉🏻食😋梅花間竹咁嘅，期間可以隨意配飯食🍚（任添）/ 蛋漿/就咁食🐮🐮🐮✅依個流程避免左食太多肉會好膩既情況😋✅關西風Sukiyaki 半煎半汁煮，依個食法真係好香口好食到黃牛嘅油脂感而師傅見你係咁食飯既時候，都會不斷提你之後有個滑蛋牛肉飯😍要留肚食唔係就會浪費咗啦😂___________最後既滑蛋和牛飯 本來以為會好普通，但係因為吸收晒之前嘅精華～令到成個飯都好香呀🤤真係要留肚食！！___________最後甜品，當日就係櫻花奶凍同厥餅👍🏻因為係同男朋友慶祝生日，所以預先拜託餐廳整HBD 嘅字眼～估唔到原來仲有蠟燭吹🤣___________評分：10/10____________地址：Sukiyaki Mori (Hollywood road)すき焼 森 (荷李活道) (中環)中環荷李活道66號地庫
すき焼 森 (荷李活道)餐單提供日本菜, 壽司, 刺身, 廚師發辦等推介美食位於中環區，餐廳座位數27人均消費約$401-800，結賬可以用Visa,Master,現金,AE,JCB，Booking訂位可以電話致電 28336032 查詢。
您對於中環餐廳「すき焼 森 (荷李活道)」有何 comment？
すき焼 森 (荷李活道)餐廳詳細資料：
- すき焼 森 (荷李活道)地址: 中環荷李活道66號地庫 Sukiyaki Mori (Hollywood Road), L G/ F,66 Hollywood Road, Central
- すき焼 森 (荷李活道)電話: 28336032
- すき焼 森 (荷李活道)價錢: $401-800
- 分類: 日本菜, 壽司, 刺身, 廚師發辦
- 座位: 27
- 付款: Visa,Master,現金,AE,JCB
- FB專頁: すき焼 森 (荷李活道) Facebook
更多すき焼 森 (荷李活道)相關資料:
香港餐廳2026推介8月