Hhome Garden Cafe 中環

Hhome Garden Cafe 評價 相片

我個好姊妹d同事推界呢間餐廳, 所以打算去試下...我同阿好姊妹去到門口, 登記0左2位, 果間餐廳個老細(唔知呀,我諗咋!)叫我地等一陣, 咁咪等lor, 等多15分鐘之後, 都係未安排入座, 但我地眼見有幾張檯已經埋單, 而且走埋喇, 我地覺得好奇怪, 咪問下喇, 哈, 點知呢個哥仔只忙於serve裡面0既客人, 至於門口等0既客人呢, 尤其係趕住食飽返工0既客人已經開始有說話講喇, 唉..我個好姊妹開始不奈煩, 咪問下個哥仔老細喇, 點知佢用一d唔係太好0既態度, 而且瞪大隻眼望住我個好姊妹, 話己經埋0左單, 又要我地等多一陣...好喇, 過多5分鐘, 即係一共等0左成半個鐘, 終於有得入座喇, 我地終於知道呢個哥仔0既"心意"喇...原來佢要一次過執好果幾張檯, 然後我地好似鴨仔咁被安排"入座"..唉...真係咁等法, 咩mood都無哂喇...我地始終唔明白點解佢要咁做lor...雖然d食物同埋杯coffee真係幾好..不過, 今時今日咁0既服務態度, 真係唔得ka!!~~~而且一個lunch set都唔平呀, 總覺得唔抵lor....

今日約左兩個舊同事食lunch,最初我仲好outdate 咁以為呢度係euro cafe, 原來改左好耐啦喎... haha入返正題,set lunch 六十幾至七十幾不等, 有一個湯, 一個主菜同野飲, 都算幾貴. 我叫左個煎龍利柳, 佢地一個雞扒,一個豬扒.睇個樣就ok, 色彩幾豐富, 但食落就真係麻麻, 我條魚唔知點解偏鹹得來又好乾,d 配菜反而幾好, 有d青椒之類咁,d 薯菜係用薯角, 但本人就唔太鍾意咯, 朋友們的扒類睇落都係快餐店雞扒飯質數, 唔多ok.... 如果價錢係四至五十, 咁都可以接受ge另外,以呢個價錢,d 餐飲冇理由係落晒糖先上啦下嘛, 仲要甜到呢.... 唉但唯一可以讚ge 係態度唔錯... 建議佢地減價啦, 唔係好難再幫襯

今早獎勵o下自己，買o左個Smoked Salmon Muffin 既早餐，跟Davidoff coffee。

外賣個賣相都咁靚，有D 出乎意料；用料都fresh，仲有queen salad，同個main course 無乜大分別。

Coffee 都交足功課，用fresh creamer，但略嫌「呃秤」：上圖既紙杯只得半滿。

最令我廢解既係點解唔係堂食都要加一（午市、下午茶外帶仲做特價）...莫非你叫我「坐o下等等」已經係service？

我同我朋友今日約埋去食飯，因中環太多人，咁就行到去這間餐廳，見環境唔錯，又有室外坐咪試囉！我等成15分鐘先有位。

我選擇set lunch 肉扒及牛柳肉絲面。

食物方面，個餐湯配合個餐飽唔錯；但等上主菜時間就比較長，起碼要等15分鐘以上，這裏要改善一下，味道過ok啦！但我最欣賞係他們的咖啡，非常香濃，好滑，好正，原來佢係用一隻好出名的咖啡豆，值得一試！見佢下午茶大約$30$40元左右，這種環境，合理價錢。

我相信一次來這裏飲下午茶的話，確實係唔錯的選擇！

Hhome Garden Cafe餐單提供西式, 西餐廳等推介美食位於中環區，餐廳座位數未知人均消費約$51-100，結賬可以用現金。

您對於中環餐廳「Hhome Garden Cafe」有何 comment？

Hhome Garden Cafe餐廳詳細資料：

• Hhome Garden Cafe地址:
  中環皇后大道中30號娛樂行1樓ShopB
  Hhome Garden Cafe,  
• Hhome Garden Cafe電話:  
• Hhome Garden Cafe價錢: $51-100
• 分類: 西式, 西餐廳
• 座位: 未知
• 付款: 現金
• FB專頁: Hhome Garden Cafe Facebook

更多Hhome Garden Cafe相關資料:

• Hhome Garden Cafe分店
• Youtube
• Facebook
• Twitter
• Google