聚點坊點心專門店 上環

聚點坊點心專門店 評價 相片

上環一間好吃又便宜的點心店 店裡地方很小有些擠 不過氣氛蠻不錯的了 週六中午來的沒有排隊 竟然忘了拍雪山叉燒包 春風得意腸粉也好吃 中間夾的不是油條是春捲 蘿蔔糕也很贊 其他就比較普通一些 性價比很高來的 是會常來的店 不錯 喜歡

呢間聚點坊，喺上環呢頭都有十年八年，睇住佢由細舖搬大舖，最近再開多間店添，喺上環咁多茶樓嘅競爭底下，都可以做得咁好，真係好犀利！佢間中都會推出新產品，所以我都會keep住去幫襯！😪其實呢度服務真係麻麻，唔知係咪平時太忙或者係做得太耐，呢度嘅樓面講嘢真係好大聲，而且當我催食物嘅時候，佢哋淨係叫我等，睇到根本冇幫我跟進，最後到食晒啲嘢仲未嚟，就唯有取消😪🌟今日食咗🌟鮑汁鳳爪🌟豉椒排骨蒸陳村粉🌟鮑魚燒賣🌟招牌糯米雞水準依舊咁好味，新產品都冇得輸～特別值得一題，係個鮑魚燒賣，雖然粒鮑魚只有手指公大，但係燒賣絕對童叟無欺，蝦同豬肉嘅比例好平均，而且咬落去咇汁，值得一讚👍

呢間位於上環蘇杭街嘅聚點坊，長期係外地遊客嘅餐廳之選，以前莫講話食飯時間排長龍由門口排到轉彎，幾乎早午晚都要排隊！但近排幾乎冇咩遊客，見唔使排隊就去試下都唔錯😆今次覺得食物水準真係好參差，春風得意腸、鳳爪排骨飯就同平時一樣咁好食😋腸粉夠薄夠滑，包住嘅春卷真係好脆好新鮮，明顯係即叫即整！排骨肥瘦適中，所以食落夠嫩，鳳爪亦炆得夠淋夠味👍真係每次黎都要叫，但美中不足係今日試到個蝦餃唔太新鮮，失望到連張相都唔記得影🤦🏼‍♀️希望店家會留意到啦！

聚點坊點心專門店 #上環見到有好多外國遊客係呢一間點心鋪度食，基本上有成七成都係外國人，本身都驚係呃外國遊客生意，點知又幾好喎，仲唔算好貴，都算食得過喎！細個唔特別鍾意食點心，覺得呢啲係老土野，大咗又反而幾鍾意，識得欣賞呢啲香港傳統食物。

呢一間都幾適合二至四個人食吓點心傾吓計，不過就冇大枱，唔係for一大班親朋戚友。

蘿蔔牛筋金錢肚🍲$48冇諗過喺點心鋪會食到呢啲煲，仲要份量多，無論係蘿蔔、牛筋定係金錢肚都好入味，仲要煲到好淋，大滿足。

炸流沙奶皇包🍞$19好少見到炸嘅流沙包，都炸得幾香脆，多咗一陣油香，一咬開啲流心奶皇仲流曬出嚟，都算幾高質嘅流沙飽。

四寶滑雞扎🐓$27講真其實真係好難難食，只要舊雞就滑脫脫已經好正，佢仲配埋軟綿綿滑脫脫嘅魚肚、好厚身嘅冬菇、同埋平時較少見嘅螺片，雖然冇咗我好鍾意嘅芋頭，但係成個雞扎都好足料！北菇滑雞飯🐓$32滑雞夠滑就不在話下，仲有個飯都好香，每一粒飯都好分明，俾啲油香包住，誇張到就咁食個飯都唔錯。

炸鮮奶🍶🍼🥛炸鮮奶真係買少見少，第一次食係喺新興度食，當時真係覺得係世界級美食！呢一間炸鮮奶相比之下，口感比較淋較䊢，但係都幾香奶味，而且炸得幾香脆，係另一種口感但都唔錯。

味道: 4.2/5性價比: 4.2/5 見到上網有人話呢間餐廳嘅服務態度好差，當日又唔係好覺，收銀嗰個同我地有講有笑。

不過都目擊到因為餐廳入面好多姐姐都唔識英文，經常有雞同鴨講嘅情況出現🤣幾搞笑！聚點坊點心專門店 (上環)上環禧利街27號富輝商業中心地下

緣慳一面，原來家族都是做點心的，之前在上環工作都沒來到吃😭，現在相約朋友下午茶，來到這裡真是...錯過了吃好東西的日子😂實在太好吃了！有傳統的點心、也有特色點心，吃得滿滿的口福😋下次一定再來！

聚點坊點心專門店餐單提供港式, 點心等推介美食位於上環區，餐廳座位數未知人均消費約$51-100，結賬可以用現金，Booking訂位可以電話致電 28518088 查詢。

您對於上環餐廳「聚點坊點心專門店」有何 comment？

聚點坊點心專門店餐廳詳細資料：

• 聚點坊點心專門店地址:
  上環禧利街27號富輝商業中心地下
  Dim Sum Square, G/ F., Fu Fai Commercial Centre,27 Hillier Street, Sheung Wan
• 聚點坊點心專門店電話: 28518088
• 聚點坊點心專門店價錢: $51-100
• 分類: 港式, 點心
• 座位: 未知
• 付款: 現金
• FB專頁: 聚點坊點心專門店 Facebook

更多聚點坊點心專門店相關資料:

• 聚點坊點心專門店分店
• Youtube
• Facebook
• Twitter
• Google