米倉蒸飯館 上環

米倉蒸飯館 評價 相片

一直都無上黎寫過食平,今日第一次上黎開個ac就係為左呢間; 本來就係上環呢附近番工,果日第一次入去試呢間米倉, 果間岩岩點半左右,過左最旺既時間,人流都唔算特別爆,又未去到坐滿曬, 但我一入去,比個員工撞左下,可能唔覺意或者無為意啦,因為佢冇講任何野就行左去, 但唔知係咪我錯覺,感覺佢就好似眼超超咁望左我一眼... 無留意到佢地係咪有名牌,不過女人黎,三十幾四十歲咁上下, 食物就正正常常,不過不失啦, 但覺得d員工既服務態度就真係有待改善lo!下次過黎食野之前都會再三考慮下先.

信德中心大部份人去澳門都會在這裏乘船，其實這個地方亦有很多美食，這間也是其中之一，坐位寛闊，食物品質又好，而且價廉物美，有火鍋又有小菜，今次就食小菜😊湯———零味精✌️✌️✌️✌️✌️腐乳通菜牛肉啫啫🐔煲梅菜蒸鯇魚梅菜蒸鯇魚—🐟味道鮮甜，時間蒸得剛剛好，梅菜不太咸帶小小甜味✌️啫啫🐔煲——小小辣夠惹味，爆香了的配菜，洋蔥，西芹及其他.............等等，味道恰到好處，配合得越食越好味腐乳通菜牛肉——通菜炒得鮮嫩，牛肉更帶出菜的鮮甜。

米倉蒸飯館 (上環)上環干諾道中168200號信德中心3樓澳門廣場3026號舖放假想比媽咪休息下 家姐就拉大隊出街食飯 等媽咪唔使煮飯咁辛苦 daddy一向中意食小菜 但係我同家姐又唔想成日去酒樓咁悶 就黎左信德中心呢間蒸飯館呢間餐廳ge特色之處係 佢地話佢地ge飯全部用砵仔蒸出黎 果然 每碟白飯都超有飯香味 同屋企用電飯煲煲出黎ge飯係完全唔同ge 砵仔飯超有飯香 又粒粒分明 軟硬適中 連唔中意白飯🍚ge B仔都食曬成兜飯 👍🏻除左飯之外 佢地ge湯都好正 全部無味精味 材料幾足 雖然比唔上自己屋企煲ge靚湯 但絕對比普通茶餐廳ge例湯好飲好多 咕嚕肉：份量幾多 炸得香脆 咕嚕汁唔會太甜 偏少少酸 個人非常中意 好開胃 餸飯一流霸王雞：雞肉頗嫩 一樣係份量幾多 調味恰到好處 唔會太濃味or太鹹 係好食ge霸王雞炒雜菌：材料豐富 有多種雜菇 蓮藕同雲耳 雖然炒得幾惹味 但可惜油膩左d 整體小菜都唔錯 而且每個小菜價錢大概都係70樓下 飯同湯都係附送 尤其砵仔飯非常出色 係上環食小菜ge好地方～😊會再黎啊👶🏻B仔整體評價：8/10個👍🏻👶🏻B仔抵食程度：8.5/10個👍🏻👶🏻B仔環境評分：7.5/10個👍🏻👶🏻B仔味道評分：8.5/10個👍🏻👶🏻B仔回頭機會：8.5/10個👍🏻#swallowhongkong跟住我一齊吞食香港啦！🤤#swallowsheungwan

多數星期六晚飯都會留比同家人食，而且多數都食中菜，今晚就一行八人去上環信德中心的米倉蒸飯館試試碟頭唔算大、所以都叫左好多味餸青介沙拉排骨粒雞醬沙拉豬扒土魷蒸肉餅，味道唔太濃，撈飯好好食勝瓜小木耳炒牛肉三蔥炒斑腩，啖啖肉，無腥味九層三杯雞，睇落好似辣，實質易入口又滑每叫三味菜就會有條魚送，雖然係贈送但都新鮮，肉質滑而且每個餸都會跟一兜蒸飯，可自行加豬油及豉油，間唔中食下好啦，仲跟送老火湯或加幾蚊轉餐飲，餐飲都多選擇，幾款紅豆冰，熱杏霜，賓治都有一家人坐低傾下計講下近況又過了一個愉快晚上

哩間太度差，啲例湯同碟飯都微暖，飯我都算數照食。

但個湯微暖真的接受唔到，去收銀櫃面要求轉杯熱飲，張紙明明轉熱柚子蜂蜜是不用加錢，到轉時在收銀枱像似老板娘的人說又話要+3元，為有叫熱檸茶囉(雖然3元唔值什麼，但我唔鍾意比你賺嗰3元)。

嗰度有個高大份長髮男人相的女服務員，她拿野放你枱面時，是用有點力度放上來，像似我要受她氣咁(我心想，食個飯要受人地氣？我食個lunch幾拾元不是顧客？)。

這間我不會再去，大家請小心請大家小心

米倉蒸飯館餐單提供港式, 茶餐廳, 冰室等推介美食位於上環區，餐廳座位數未知人均消費約$50以下，結賬可以用現金。

您對於上環餐廳「米倉蒸飯館」有何 comment？

米倉蒸飯館餐廳詳細資料：

• 米倉蒸飯館地址:
  上環干諾道中168-200號信德中心3樓澳門廣場3026號舖
  米倉蒸飯館, Shop3026, Macau Square,3/ F, Shun Tak Centre,168-200 Connaught Road Central, Sheung Wan
• 米倉蒸飯館電話:  
• 米倉蒸飯館價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 米倉蒸飯館 Facebook

更多米倉蒸飯館相關資料:

• 米倉蒸飯館分店
• Youtube
• Facebook
• Twitter
• Google